Aanaskola ya thika po50 ya monika oCOVID-19

NAMPA KEETMANSHOOPOlopota yopolisi ndjoka ya pitithwa mOsoondaha, Omunambelewa Omupopiliko gwOpolisi yaNamibia, Omupeha Komufala, Kauna Shikwambi, okwa popi kutya nakusa okwa dhimbululwa kutya Basilius Mbambo, ngoka a li omuniilonga omukeeleli gwomaliko mondoolopa ndjoka.Oshiningwanima shoka osha ningwa lwopotundi onti 03h00 mOsoondaha molukanda DRC.“Otaku popiwa kutya omushiinda ngoka a li woo omumwayinagona gwanakusa okuuvu Mbambo ta kugu ta pula ekwatho. Sho e ya pondje okwa mono ombashu ya mumwayinagona ya yaka omulilo. Mombashu omwali aalumentu yaali ya lala, gumwe okwa hulitha gumwe okwa pi noonkondo,” olopota ya holola.Aakwanezimo ya nakusa oya tseyithwa eso lye omanga omunamimvo 22 ngoka eehamekelwa moshiponga shoka a falwa moshipangelo shaSwakopo, ihe okuli monkalo tayi nu omeya. Momodhingoloko gwaDRC natangi ongula yOlyomakaya, lwopotundi onti 01h40, omunamimvo 45 okwa adhika a lala mepandanda na okwa monika kutya oku na oshilalo a tsuwa. Okwa li kwiithanwa oambulansa opo a falwe koshipangelo ihe okwa hulitha lwanima.Nakusa okwa dhimbululwa kutya oNghiimodino Mikka naakwanezimo ye oya tseyithilwa.“Aantu yane oya ningilwa omapulaapulo shi na sha neso lye,” olopota yopolisi ya holola.Opolisi yaWanahenda mOvenduka otayi konaakona oshipotha shedhipago sho omulumentu omunamumvo 27 a tumbulwa kedhina kutya oJosephata Shatiwa Ekandjo, a adhika momudhingoloko gwaHavana a hulitha e na oshilalo sho a tsuwa lwopotundi onti 23h00, mOlyomakaya.Aakwanezimo ye oya tseyithilwa na kape na ngoka a tulwa miipandeko.Momukunda Okapuku moshitopolwa shaMusati, MEtitano lyapiti, aanona yaali yoomvula heyali oya si omeya. Oshiningwanima osha ningwa lwopotundi onti 16h00.Aanona oya tumbulwa kutya oAndreas Bernard naGrugord Mandume, naakwanezimo yawo oya tseyithilwa, omaso gawo.“Otaku lopotwa kutya aanona yatatu ya za momagumbo gayooloka oya li ya ka hugila iimuna, sho aanona yaali ya gwile momeya nokuhulitha.”Omakonaakono gopolisi moshiponga shoka, otaga tsikile.

Aanaskola ya thika po50 ya monika oCOVID-19

Comments

Namibian Sun 2025-07-02

Please login to leave a comment

Aanaskola ya thika po50 ya monika oCOVID-19

Comments

Namibian Sun 2025-07-02

Please login to leave a comment

Login