Aalumentu yatano yiidhipaga mOhangwena omwedhi nguka
ILENI NANDJATO
Oshakati
Aanangeshefa yaali oshowo omukuluntuskola oyeli momusholondondo gwaantu yatano mboka yiidhipaga moshitopolwa shaHangwena omwedhi nguka.
Yatatu okwa lopotwa yiiyaha omanga yaali yiimangeleke.
Palopota yopolisi yaHangwena, omunangeshefa Moses Ndaoya (50) okwiiyaha nombistoli moshipala mOndangwa momasiku gane gaMaalitsa. Okwa sile pehala lyoshiningwanima.
Omunangeshefa gumwe, Jesaya Nepongo Sheetekela (37), okwa adhika a sa mondunda ye yokulala momukunda Atusheni mEenhana na otaku fekelwa iiyaha momutse.
Shoka osha ningwa momasiku omugoyi gaMaalitsa, na ina thiga po omukanda gwa sha.
Omukuluntuskola poskola yedhina Onambaladi, Philipus Sheehama (38) okwiidhipaha sho iimangelekele mondunda ye yokulala momasiku 15 gaMaalitsa. Ina thiga po omukanda.
Momasiku 17 gaMaalitsa, Gabriel Tuhafeni Gabriel (21) okwiiyaha nondjembo yahe momukunda Enyana momudhingoloko gwaKongo. Okwa lopotwa kutya Gabriel okwa yi mondunda nahe nokukutha mo ondjembo niikuti moshiketha shokupungula ondjembo, na okwa yi kondunda ye hoka iiyahele.
Reinhold Kamandjedi okwiimangelekele mondunda ye yokulala momasiku 18 gaMaaitsa momukunda Odjaambwa momudhingoloko gwEpembe.
Omunambelewa omupopiliko gwopolisi moHangwena, Kaume Itumba okwa pula aantu ya konge ekwatho pehala lyokwiikutha oomwenyo.
Oshakati
Aanangeshefa yaali oshowo omukuluntuskola oyeli momusholondondo gwaantu yatano mboka yiidhipaga moshitopolwa shaHangwena omwedhi nguka.
Yatatu okwa lopotwa yiiyaha omanga yaali yiimangeleke.
Palopota yopolisi yaHangwena, omunangeshefa Moses Ndaoya (50) okwiiyaha nombistoli moshipala mOndangwa momasiku gane gaMaalitsa. Okwa sile pehala lyoshiningwanima.
Omunangeshefa gumwe, Jesaya Nepongo Sheetekela (37), okwa adhika a sa mondunda ye yokulala momukunda Atusheni mEenhana na otaku fekelwa iiyaha momutse.
Shoka osha ningwa momasiku omugoyi gaMaalitsa, na ina thiga po omukanda gwa sha.
Omukuluntuskola poskola yedhina Onambaladi, Philipus Sheehama (38) okwiidhipaha sho iimangelekele mondunda ye yokulala momasiku 15 gaMaalitsa. Ina thiga po omukanda.
Momasiku 17 gaMaalitsa, Gabriel Tuhafeni Gabriel (21) okwiiyaha nondjembo yahe momukunda Enyana momudhingoloko gwaKongo. Okwa lopotwa kutya Gabriel okwa yi mondunda nahe nokukutha mo ondjembo niikuti moshiketha shokupungula ondjembo, na okwa yi kondunda ye hoka iiyahele.
Reinhold Kamandjedi okwiimangelekele mondunda ye yokulala momasiku 18 gaMaaitsa momukunda Odjaambwa momudhingoloko gwEpembe.
Omunambelewa omupopiliko gwopolisi moHangwena, Kaume Itumba okwa pula aantu ya konge ekwatho pehala lyokwiikutha oomwenyo.
Comments
Namibian Sun
No comments have been left on this article