Aalongi yamwe yeli omafudho guuwehame omasiku 730
Okwa dhidhililwa kutya aaniilonga yamwe muuministeli welongo otaya futwa oondjambi dhawo dhuudha nonando oye li momafudho guuwehame uule woomvula oombali, shoka osha monika mo, sha landula omakonaakono ngoka taga ningwa koshikondo shoka, onga oonkambadhala dhoku vudhamo uulingilingi moshikondo.
Omakonaakono ngoka ga ningilwa oshikondo shokufuta oondjambi dhaaniilonga muuministeli welongo, ngoka ga ningwa miitopolwa 14 moshilongo, oga holola kutya kape na shoka hashi ningwa uuna aaniilonga yamwe ya yi momafudho omaleeleka.
Iipotha yimwe ongaashi kutya omuniilonga okwa yi mefudho mo 2016, ihe oha futwa ondjambi ye yuudha sigo onena.
Omupeha Minista gwelongo, Anna Nghipondoka okwa popi ngaaka pethimbo a ningi omutumba naakomeho yelongo, aakuluntuskola, aataleli yiikandjoyelongo oshowo akuthimbinga ayehe moshikondo shelongo ya yooloka.
Nghipondoka okwa ningi omutumba ngoka pehala lyaMinista Katrina Hanse-Himarwa, mOngwediva mEtiyali.
Hanse-Himarwa okwa tothamo omandopo giilonga ngoka ga dhidhilikwa pethimbo lyomakonaakono ngoka ga ningilwa oshikondo shoondjambi muuministeli moka.
Minista okwa popi kutya okwa dhidhilikwa kutya ope na ompumbwe yokuninga omatokolo okuza kaakuthimbinga melongo ayehe, mwa kwatelwa aakomeho yooskola, aakomeho yelongo, aanambelewa yoonzo dhopantu ngele tashi kaaniilonga mboka ye li momafudho omaleeleka.
“Otwa mona oshipotha shomuniilonga ngoka e li mefudho lyuuwehame okutameka mo 2016, na oha mono owala ondjambi ye yuutha sigo onena.”
Okwa tsikile kutya omathimbo gamwe iipotha mbyoka ohayi lotwa komalelo gomondjila ihe kape na shoka hashi ningwa, omanga aakuluntuskola yamwe po ya ndopa okulopota iipotha mbyoka.
Hanse-Himarwa okwa popi kutya onkalo ndjoka kayi li mondjila molwaashoka pehulilo lyesiku aanona oyo taya mono iihuna, nokweetitha endopo mooskola.
Omakonaakono oga dhidhilike woo elongitho pambambo lyiimaliwa yoshigwana mokati kaaniilonga yamwe po miitopolwa itatu.
“Onda hala oku mu tseyithila kutya otwa katukila oonkatu aaniilonga mboka, na otwa patulula woo iipotha yomiyonena.”
Okwa tsu omukumo opo aaniilonga ya kale haya lopota kehe shoka taya konene tashi ningwa sha puka.
Okwa popi kutya otaku tulwa omulandu gwekondololo lyiifuta, moka ombelewa yaakomeho yelongo tayi ka kala nokugandja olopota kaakuluntuskola kombinga yomafuto goondjambi dhaaniilonga pooskola, naakuluntuskola taya ka pumbwa okuudhitha olopota ndjoka nokuyi shunitha. Elalakano opo ku yandwe efuto lyoondjambi iikando yi vulithe pushimwe.
Hanse-Himarwa natango okwa pula opo aakomeho yelongo naanambelelwa aakuluntu yelongo ya kale nokutalela po ooskola adhihe miitopolwa, nokukwashilipaleka kutya aaniilonga otaya gwanitha po iilonga yawo ngaashi tashi pumbiwa.
Nonando omukalo ngoka otagu ka hwahwameka elongitho lyiimaliwa momalweendo, pethimbo mpoka uuministeli tawu kambadhala noonkondo na owa hala okushunitha pevi elongitho lyiimaliwa, naku kongwe omukalo gwomondjila ngoka tagu vulu okulongithwa pwaahena elongitho lyiimaliwa oyindji.
Natango minista okwa pula aataleli yelongo ya hwahwameke ooprograma dhomayambulepo mooskola unene ooprograma dhopankatu yopashigwana , nokukwashilapaleka ekondololo lyiinyangadhalwa mbyoka kwa tegelelwa yi longwe mooskola.
Aanambelelwa mboka naya kwashilipaleke woo kutya aaniilonga otaya longo shili.
ELLANIE SMIT
Iipotha yimwe ongaashi kutya omuniilonga okwa yi mefudho mo 2016, ihe oha futwa ondjambi ye yuudha sigo onena.
Omupeha Minista gwelongo, Anna Nghipondoka okwa popi ngaaka pethimbo a ningi omutumba naakomeho yelongo, aakuluntuskola, aataleli yiikandjoyelongo oshowo akuthimbinga ayehe moshikondo shelongo ya yooloka.
Nghipondoka okwa ningi omutumba ngoka pehala lyaMinista Katrina Hanse-Himarwa, mOngwediva mEtiyali.
Hanse-Himarwa okwa tothamo omandopo giilonga ngoka ga dhidhilikwa pethimbo lyomakonaakono ngoka ga ningilwa oshikondo shoondjambi muuministeli moka.
Minista okwa popi kutya okwa dhidhilikwa kutya ope na ompumbwe yokuninga omatokolo okuza kaakuthimbinga melongo ayehe, mwa kwatelwa aakomeho yooskola, aakomeho yelongo, aanambelewa yoonzo dhopantu ngele tashi kaaniilonga mboka ye li momafudho omaleeleka.
“Otwa mona oshipotha shomuniilonga ngoka e li mefudho lyuuwehame okutameka mo 2016, na oha mono owala ondjambi ye yuutha sigo onena.”
Okwa tsikile kutya omathimbo gamwe iipotha mbyoka ohayi lotwa komalelo gomondjila ihe kape na shoka hashi ningwa, omanga aakuluntuskola yamwe po ya ndopa okulopota iipotha mbyoka.
Hanse-Himarwa okwa popi kutya onkalo ndjoka kayi li mondjila molwaashoka pehulilo lyesiku aanona oyo taya mono iihuna, nokweetitha endopo mooskola.
Omakonaakono oga dhidhilike woo elongitho pambambo lyiimaliwa yoshigwana mokati kaaniilonga yamwe po miitopolwa itatu.
“Onda hala oku mu tseyithila kutya otwa katukila oonkatu aaniilonga mboka, na otwa patulula woo iipotha yomiyonena.”
Okwa tsu omukumo opo aaniilonga ya kale haya lopota kehe shoka taya konene tashi ningwa sha puka.
Okwa popi kutya otaku tulwa omulandu gwekondololo lyiifuta, moka ombelewa yaakomeho yelongo tayi ka kala nokugandja olopota kaakuluntuskola kombinga yomafuto goondjambi dhaaniilonga pooskola, naakuluntuskola taya ka pumbwa okuudhitha olopota ndjoka nokuyi shunitha. Elalakano opo ku yandwe efuto lyoondjambi iikando yi vulithe pushimwe.
Hanse-Himarwa natango okwa pula opo aakomeho yelongo naanambelelwa aakuluntu yelongo ya kale nokutalela po ooskola adhihe miitopolwa, nokukwashilipaleka kutya aaniilonga otaya gwanitha po iilonga yawo ngaashi tashi pumbiwa.
Nonando omukalo ngoka otagu ka hwahwameka elongitho lyiimaliwa momalweendo, pethimbo mpoka uuministeli tawu kambadhala noonkondo na owa hala okushunitha pevi elongitho lyiimaliwa, naku kongwe omukalo gwomondjila ngoka tagu vulu okulongithwa pwaahena elongitho lyiimaliwa oyindji.
Natango minista okwa pula aataleli yelongo ya hwahwameke ooprograma dhomayambulepo mooskola unene ooprograma dhopankatu yopashigwana , nokukwashilapaleka ekondololo lyiinyangadhalwa mbyoka kwa tegelelwa yi longwe mooskola.
Aanambelelwa mboka naya kwashilipaleke woo kutya aaniilonga otaya longo shili.
ELLANIE SMIT
Comments
Namibian Sun
No comments have been left on this article