Aalandithi mOshikango ya pulwa ya simaneke ooveta dhoongamba
Omalelo taga longele poombanga dhaShikango mondoolopa yaHelao Nafidi oga ningi oshigongi shomauyelele goshigwana shoka sha ningilwa aalandithi pomatala gaHelao Nafidi nokutseyithila aalandithi kutya oya pumbwa opo ya simaneke oompango dhoongamba.
Omutumba ngoka gwa ningwa ogwa kaliwa kOpolisi yaNamibia, Aanambelewa yetonatelo lyoongamba, aakalelipo ya za koshikondo shuundjolowele wiimuna, aanambelewa yehangano lyoRoad Fund Administration oshowo Agro-Marketing and Trade Agency (AMTA).
Oshigongi shoka osha ningwa mEtiyali lyoshiwike shika.
Komanda gwopolisi mOshikango, Chief Inspector Erastus Kamati okwa popi kutya konima yomutumba ngoka otaya ka tameka nokuninga iikonga yawo nakehe ngoka taka adhika ta taaguluka oompango dhoongamba otaka tulwa miipandeko.
Aalandithi omathele ya za moNamibia oshowo moAngola ohaya landithile momatala ngoka kehe esiku, noyindji yomiinima yawo ohayi kutya meni lyaAngola.
Peter Nghede a za koshikondo shomatembu okwa lombwele aalandithi kutya oya manguluka okuninga omalanditho gawo pokati kiilongo mbyoka iyali ihe oya pumbwa okukonga omikanda dhomapitiko gokuninga omalanditho ngoka.
Okwa popi kutya oye na ontseyo yomwaalu omunene gwaakwashigwana yaAngola mboka ye li moNamibia kaaye na omikanda ihe otaya holekwa kAaNamibia.
Ondoolopa yaHelao Nafidi ehala ndyoka li na ondjokonona yelanditho lyiinima inayi pitikwa moshilongo, sho hayi yakelwa moshilongo okupitila poongamba dhoka. Omunambelewa gwekondololo lyoongamba, Nelson Naholo okwa pula opo aalandithi ye ya lopotele iinima mbyoka tayi etwa moshilongo nenge tayi kuthwa moshilongo shaaheli paveta, ta popi kutya moshilongo omwa pitikilwa owala iinima mbyoka ya pitikwa okweetwa mo.
Okwa popi natango kutya oongamba dhaShikango kadhi shi uupitilo womahooli ta popi kutya omahooli oga pitikwa owala moshilongo okupitila moLüderitz oshowo mOmbaye.
AMTA okwa popi kutya yo oye na oshinakugwanithwa sho ku kondolola iikulya mbyoka tayi etwa moshilongo oshowo mbyoka tayi pitimo moshilongo. Omukalelipo gwehangano ndyoka pethimbo lyomutumba ngoka, Paulina Nampweya, okwa popi kutya elalakano lyawo okukwashilipaleka kutya iikulya mbyoka tayi etwa moshilongo nenge tayi falwa pondje yoshilongo oyi li monkalo yuundjolowele.
ILENI NANDJATO
Omutumba ngoka gwa ningwa ogwa kaliwa kOpolisi yaNamibia, Aanambelewa yetonatelo lyoongamba, aakalelipo ya za koshikondo shuundjolowele wiimuna, aanambelewa yehangano lyoRoad Fund Administration oshowo Agro-Marketing and Trade Agency (AMTA).
Oshigongi shoka osha ningwa mEtiyali lyoshiwike shika.
Komanda gwopolisi mOshikango, Chief Inspector Erastus Kamati okwa popi kutya konima yomutumba ngoka otaya ka tameka nokuninga iikonga yawo nakehe ngoka taka adhika ta taaguluka oompango dhoongamba otaka tulwa miipandeko.
Aalandithi omathele ya za moNamibia oshowo moAngola ohaya landithile momatala ngoka kehe esiku, noyindji yomiinima yawo ohayi kutya meni lyaAngola.
Peter Nghede a za koshikondo shomatembu okwa lombwele aalandithi kutya oya manguluka okuninga omalanditho gawo pokati kiilongo mbyoka iyali ihe oya pumbwa okukonga omikanda dhomapitiko gokuninga omalanditho ngoka.
Okwa popi kutya oye na ontseyo yomwaalu omunene gwaakwashigwana yaAngola mboka ye li moNamibia kaaye na omikanda ihe otaya holekwa kAaNamibia.
Ondoolopa yaHelao Nafidi ehala ndyoka li na ondjokonona yelanditho lyiinima inayi pitikwa moshilongo, sho hayi yakelwa moshilongo okupitila poongamba dhoka. Omunambelewa gwekondololo lyoongamba, Nelson Naholo okwa pula opo aalandithi ye ya lopotele iinima mbyoka tayi etwa moshilongo nenge tayi kuthwa moshilongo shaaheli paveta, ta popi kutya moshilongo omwa pitikilwa owala iinima mbyoka ya pitikwa okweetwa mo.
Okwa popi natango kutya oongamba dhaShikango kadhi shi uupitilo womahooli ta popi kutya omahooli oga pitikwa owala moshilongo okupitila moLüderitz oshowo mOmbaye.
AMTA okwa popi kutya yo oye na oshinakugwanithwa sho ku kondolola iikulya mbyoka tayi etwa moshilongo oshowo mbyoka tayi pitimo moshilongo. Omukalelipo gwehangano ndyoka pethimbo lyomutumba ngoka, Paulina Nampweya, okwa popi kutya elalakano lyawo okukwashilipaleka kutya iikulya mbyoka tayi etwa moshilongo nenge tayi falwa pondje yoshilongo oyi li monkalo yuundjolowele.
ILENI NANDJATO
Comments
Namibian Sun
No comments have been left on this article