Aakwiita yaBotswana ya dhipaga AaNamibia yatatu

OGONE TLHAGE

OVENDUKA



Okwa holoka ongeyo onene sha landula sho aakwashigwana yaNamibia, ya dhipagwa ketanga lyegameno lyaBotswana.

Muule woomvula omilongo mbali dhapiti, AaNamibia ye li po 30 oshowo aakwashigwana yaZimbambwe ye li 22 oya dhipagwa kaakwiita yekelelo lyuukongo moBotswana.

Omalelo moshitopolwa shaZambezi oshowo moshikandjo shaChobe otaga ningi omakonaakono shalandula sho aakwiita yetanga lyoBotswana Defence Force (BDF) ya dhipaga aalumentu ye li ya ne mboka yali taya kwata oohi shaaheli pampango popepi nomukunda Kasika popepi woo noongamba dhaKasane. Shoka osha kolekwa komukomeho gwopolisi yaNamibia, Sebastian Ndeitunga, sha landula omapulo ga ningwa kEtanga lyEgameno lyaNamibia. Sho a ningilwa omapulo, Ndeitunga okwa popi kutya opolisi otayi ningi omakonaakono.

Okwa popi kutya ina mona uuyelele washa okuza kaaniilonga pamwe naye moBotswana kombinga yoshikumungu shoka, ta popi kutya opolisi moBotswana oyiipyakidhila, na otashi ulike kutya itaya yamukula oongodhi. Omukwanezimo gwoonakusa, George Nchindo, okwa pula epangelo lyaNamibia li katuke oonkatu.

“Oomwenyo dhetu odhili moshiponga, na otatu pula epangelo lyaNamibia li katukile moBotswana onkatu, molwaashoka oshindji unene ngashiingeyi,” okwa popi ngaaka mokavidio hoka a tula koTwitter. “Itaya vulu okukala taya dhipaga aantu yetu ngaaka,” okwa popi kutya oonakusa ka yali ya homata na oyali owala taya ka kwata oohi. “Aakwiita yaBotswana opo nale yali. Oyali ya ningi oomwigo dhawo na oyali owala ye na oku ya kwata. Inatu nyanyukwa, shika oshindji noonkondo.”



Okuyaha nelalakano lyokudhipaga

Muule woomvula omilongo mbali dha piti, AaNamibia ye li po 30 oshowo aakwashigwana ya22 Zimbabwe 22 oya dhipagwa kaakwiita yaBotswana, nonando AaNamibia oshowo omahangano guuthemba waantu otaga tengeneke kutya omwaalu ngoka otashi vulika guli pombanda.

Oya pula Botswana a lundulule nonkalo ndjoka oya etitha woo omananathano pokati koongamba dhaNamibia naBotswana.

Ominista nale yaBotswana yomidhingoloko, Tshekedi Khama moonkundathana dhoka a li a ningwa naye komuningi gwoofelema gwaBritain, Tom Hardy, momvula yo 2013 okwa popi kutya osha pumbiwa, na oshili omuthigululwakalo gwokudhipaga omugandji. Okwa popi kutya oya tula miilonga omukalo ngoka opo ya gandje etumwalaka lya yela kwaamboka taya ka ninga uukongo moBotswana kutya ope na ompito ku shune koshilongo shoye, wu li momwenyo.