AakwaSwapo ya pata ombelewa yawo moShana mEtitano
Ongundu yiilyo yoSwapo ya thika po 300 tayi kwatelwa komeho komunangeshefa Sigo Amunyela oya pata ombelelewa yopashitopolwa shaShana yoSwapo, konima sho ya pula aaniilonga opo ya thige po ombelewa ndjoka.
Epato lyombelewa ndjoka olya landula ehololomadhilaadhilo lya ningwa konyala iiwike iyali ya piti komeho yombelewa ndjoka, kongundu ndjoka ya pula omukwatakanithi gwoSwapo moShana, Samuel Nelongo, iikuthe miilonga.
Pethimbo a popi sho taku patwa ombelewa ndjoka, Amunyela okwa popi kutya Nelongo ota longitha ombelewa mokuhwahwameka uuwanawa womuhogololwa presidende iithikamena, Dr Panduleni Itula.
Okwa popi kutya ongundu oya pata ombelewa mepopilo lyoSwapo, ekotampango lyawo nomilandu.
“Otatu pata ombelewa yongundu moshitopolwa sigo uuna oshikumungu shaNelongo ta longitha pambambo ombelewa yongundu sha kandulwa po kwiikwatelelwa kekotampango lyongundu, omaihumbayo nomilandu dhomazulo,” Amunyela a popi.
Nelongo ka li mombelewa pethimbo ongundu ya tula omakumba pomweelo gwombelewa.
Shoka osha ningwa konima sho aanambelewa ya pata ombelewa nokuthiga po ehala omolwa ehwahwameko okuza kongundu yaayambidhidhi mboka,
Sho a ningilwa omapulo, Amushanga gwOngundu yoSwapo, Sophia Shaningwa okwa zimine kutya okwa tseyithilwa kombinga yoshinima shoka na okwa tegelela uuyelele owundji nena.
Okwa tula po ongodhi sho a pulwa kutya oonkatu dhini tadhi ka katukwa mokukandula po omukundu ngoka.
Nelongo okwa popi kutya ongundu ndjoka oya gandja omukandanyenyeto iikando iyali, ta gwedha po kutya elelo lyongundu moshitopolwa olya kundathana omukandanyenyeto ngoka, na ogwa ukithwa kombelewa onene dhongundu.
NAMPA
Pethimbo a popi sho taku patwa ombelewa ndjoka, Amunyela okwa popi kutya Nelongo ota longitha ombelewa mokuhwahwameka uuwanawa womuhogololwa presidende iithikamena, Dr Panduleni Itula.
Okwa popi kutya ongundu oya pata ombelewa mepopilo lyoSwapo, ekotampango lyawo nomilandu.
“Otatu pata ombelewa yongundu moshitopolwa sigo uuna oshikumungu shaNelongo ta longitha pambambo ombelewa yongundu sha kandulwa po kwiikwatelelwa kekotampango lyongundu, omaihumbayo nomilandu dhomazulo,” Amunyela a popi.
Nelongo ka li mombelewa pethimbo ongundu ya tula omakumba pomweelo gwombelewa.
Shoka osha ningwa konima sho aanambelewa ya pata ombelewa nokuthiga po ehala omolwa ehwahwameko okuza kongundu yaayambidhidhi mboka,
Sho a ningilwa omapulo, Amushanga gwOngundu yoSwapo, Sophia Shaningwa okwa zimine kutya okwa tseyithilwa kombinga yoshinima shoka na okwa tegelela uuyelele owundji nena.
Okwa tula po ongodhi sho a pulwa kutya oonkatu dhini tadhi ka katukwa mokukandula po omukundu ngoka.
Nelongo okwa popi kutya ongundu ndjoka oya gandja omukandanyenyeto iikando iyali, ta gwedha po kutya elelo lyongundu moshitopolwa olya kundathana omukandanyenyeto ngoka, na ogwa ukithwa kombelewa onene dhongundu.
NAMPA
Comments
Namibian Sun
No comments have been left on this article