Aakwashigwana kaye na evi ya thigwa pomutenya

Epangelo olya pulwa opo li yelithe kutya omolwashike aaniilonga mofaalama yaSkaaprivier Valley ina ya talika ngele tashi ya komatulululo gevi momudhingoloko ngoka. Aaniilonga mofaalama yaSkaaprivier mboka ngashiingeyi taya lumbu mepandaanda lyaKhomas Hochland, oya ningi eindilo kOmupresidende Hage Geingob opo a tale konkalo yawo, opo aanona yawo kaya dhigulule onkalo ndjoka yo yeli muyo.Ongundu yaaningi yehololomadhilaadhilo ya thika pe 100, oya gongala oshinano shookilometa 20 muumbugantu waVenduka, moAris.Oya gandja omukandanyenyeto gwawo kukansela Penina Ita, ngoka a pula ongundu ndjoka yiimange kumwe nokudhimbuluka kutya epangelo lyaNamibia otali kwatha aantu ayehe. Gumwe gwomongundu ndjoka, Immanuel Karukuao, okwa pula opo epangelo li yelithe kutya omolwashike inaya talika sho kwa gandjwa omavi gomatulululo momudhingoloko gwawo.“Aavali yetu oya valelwa mpaka, otwa valelwa mpaka. Katu na we mpoka tatu vulu okuya. Otwa tidhwa mo mofaalama kumwene omupe.”Karukuao okwa popi kutya otashi ehameke noonkondo sho itaya vulu okuulikila aatekulu yawo kutya ndyoka evi lyawo, ngaashi hashi ningwa kaatiligane. Okwa tsikile kutya yamwe yomaafamaala momudhingoloko gwawo oya hanagulapo oombila dhoohekulu nooyinakulu.Omukwatelikomeho gwaahololimadhilaadhilo mboka, Lazarus Awaseb, okwa popi kutya shoka shi ya uvitithe nayi unene, osho inaya vula okukala ye na uuthemba kuya koombila dhoohekulu nooyinakulu moofaalama ndhoka na kaye na ehala mpoka taya ka fumbikwa uuna yo taya hulitha. Awaseb okwa popi kutya oofaalama odhindji momudhingoloko gwaSkaaprivier Valley, ooyene ihaya kala moshilongo na oya ulika owala aakwashigwaa mboka ye dhi kwatela komeho.“Ipula kutya otwa tameke okulonga moofaalama ndhoka omanga tu na oomvula 12. Otwa patululile aayenda yawo omiyelo, otwa tonatele iimuna yawo ihe ngashiingeyi sho twa kulupa otaye tu tidha.” Ongundu ndjoka ya popi kutya yo aakwashigwana yomuhoko gwoGugagub, na oya pula opo ya dhidhilikwe onga aakalimo yopehala ndyoka. Oya pula ya pewe evi yo ya vule okukala ye na omalukalwa ngaashi aantu ayehe.JEMIMA BEUKES

Aakwashigwana kaye na evi ya thigwa pomutenya

Comments

Namibian Sun 2025-07-03

Please login to leave a comment

Aakwashigwana kaye na evi ya thigwa pomutenya

Comments

Namibian Sun 2025-07-03

Please login to leave a comment

Login