Aailongi yaUnam ya kwathele omwiilongi omukwawo
Aailongi moshiputudhilo shoUniversiti yaNamibia, moKhomasdal oya futilemo mondholongo omwiilongi omukwawo, mompangulilo yaMangestrara gwaKatutura mEtitatu. Muukumwe aaiilongi mboka oga gongele oshimaliwa shooN$1 500, opo ya fute omboloha yaSimon Shoongeleni, ngoka a tulwa miipandeko shi na sha nedhipago lyaFelix Jacob Gaseb (19) mOmaandaha.
Mangestrata Bernedine Michelle Kubersky okwa gandja omboloha kuShoongeleni ngoka ina pitikwa okuya moshipala omakonaakono gopolisi.
Omwaalu omunene gwaailongi moUnam, unene moKhomasdaal oya kala mompangulilo. Uuyelele inawu kolekwa owa holola kutya Gaseb okwa tsuwa sigo omeso sho a ponokele Shoongeleni moonkambadhala dhokumukutha oshimaliwa she shooN$20.
Otaku popiwa kutya Ganes okwa geye na okwa ponokele nombele Shoongeleni sho a tindi okumu pa iimaliwa. Mokukondja ombele yaGaseb oya gwile pevi naShongeleni okwe yi kutha po nokumutsa modhingo nontulo.
Omupanguli okwa undulile oshipotha shoka komasiku 21 gaJuni opo ku vule okumanithwa omakonaakono.
Omunambelewa gwaUnam, ngoka ina hala uukwatya we wu hololwe okwa popi kutya oshiningwanima shoka kashi na sha negameno poUnam.
“Omwiilongi ngoka okwa landulwa sigo okoostola dhaHyper moKhomasdaal, oshinano okuza poshiputudhilo, Oshiputudhilo shetu osha gamenwa,” omunambelewa ngoka a popi.
FRED GOEIEMAN
Mangestrata Bernedine Michelle Kubersky okwa gandja omboloha kuShoongeleni ngoka ina pitikwa okuya moshipala omakonaakono gopolisi.
Omwaalu omunene gwaailongi moUnam, unene moKhomasdaal oya kala mompangulilo. Uuyelele inawu kolekwa owa holola kutya Gaseb okwa tsuwa sigo omeso sho a ponokele Shoongeleni moonkambadhala dhokumukutha oshimaliwa she shooN$20.
Otaku popiwa kutya Ganes okwa geye na okwa ponokele nombele Shoongeleni sho a tindi okumu pa iimaliwa. Mokukondja ombele yaGaseb oya gwile pevi naShongeleni okwe yi kutha po nokumutsa modhingo nontulo.
Omupanguli okwa undulile oshipotha shoka komasiku 21 gaJuni opo ku vule okumanithwa omakonaakono.
Omunambelewa gwaUnam, ngoka ina hala uukwatya we wu hololwe okwa popi kutya oshiningwanima shoka kashi na sha negameno poUnam.
“Omwiilongi ngoka okwa landulwa sigo okoostola dhaHyper moKhomasdaal, oshinano okuza poshiputudhilo, Oshiputudhilo shetu osha gamenwa,” omunambelewa ngoka a popi.
FRED GOEIEMAN
Comments
Namibian Sun
No comments have been left on this article