Aailongi yaUnam ya hala omulongi a kuthwe miilonga
Konyala aailongi ya thika po-200 moshiputudhilo shoUniversity of Namibia (Unam) Hifikepunye Pohamba Campus mOngwediva oya ningi ehololomadhilaadhilo lyopambili, taya pula opo ku kuthwe miilonga gumwe gwomaandungiki moshiputudhio shoka muule womasiku gatano giilonga.
Aailongi mboka oya kwatelwa komeho kelelo lyoStudent Representative Council (SRC), na otaya pula omukomeho gwOshikondo shElongo moshiputudhilo, Charmaine Villet opo a kuthe miilonga Angelina Amushigamo meendelelo.
Ehololomadhilaadhilo ndyoka olya ningwa uule woowili mbali, sho lya tameke potundi onti-07:00 sigo osho omukomeho gwoshiputudhio, Sacky Iipinge, a taambako omukandanyenyeto gwawo.
Amushigamo okwa lopowta twa ningi nayi aailongi na osha li shimwe shomiikundathanwa yOmutumba gwOkomvula gwAailongi ngoka opo gwa ningwa.
Amushigamo ota lundilwa kutya ota ndopeke ailongi owina. Sho a dhengelwa ongodhi ina yamukula ongodhi ye na oya dhimwa lwa nima na ina yamukula woo kuutumwalaka uufupi mboka a tuminwa.
Omukandanyenyeto ngoka ogwa leshwa komupevi presidende gwoSRC, Petrus Shiweva ngoka a pula kutya omuyakuli gwomukandanyenyeto ngoka a yamukule muule womasiku giilonga gatano, nenge aailongi ya kongepo omukalo gumwe.
“Otatu pula opo omulongi nguka a kuthwe mo mombelewa muule womasiku gatano. Ngele owa ndopa nena shoka otashi tu pe ethano kutya ombelewa yoye inayi pyakudhukwa okutukwathela, onkene otatu ka konga omikalo dhilwe twiikwathele tseyene. Otashi tu uvitha nayi okutala aamwamememati naakadhona mboka ya li ye na okumana omailongo gawo ihe itaya mana omolwa omuntu gumwe owala,” Shiweva a lesha.
Aailongi mboka oya kwatelwa komeho kelelo lyoStudent Representative Council (SRC), na otaya pula omukomeho gwOshikondo shElongo moshiputudhilo, Charmaine Villet opo a kuthe miilonga Angelina Amushigamo meendelelo.
Ehololomadhilaadhilo ndyoka olya ningwa uule woowili mbali, sho lya tameke potundi onti-07:00 sigo osho omukomeho gwoshiputudhio, Sacky Iipinge, a taambako omukandanyenyeto gwawo.
Amushigamo okwa lopowta twa ningi nayi aailongi na osha li shimwe shomiikundathanwa yOmutumba gwOkomvula gwAailongi ngoka opo gwa ningwa.
Amushigamo ota lundilwa kutya ota ndopeke ailongi owina. Sho a dhengelwa ongodhi ina yamukula ongodhi ye na oya dhimwa lwa nima na ina yamukula woo kuutumwalaka uufupi mboka a tuminwa.
Omukandanyenyeto ngoka ogwa leshwa komupevi presidende gwoSRC, Petrus Shiweva ngoka a pula kutya omuyakuli gwomukandanyenyeto ngoka a yamukule muule womasiku giilonga gatano, nenge aailongi ya kongepo omukalo gumwe.
“Otatu pula opo omulongi nguka a kuthwe mo mombelewa muule womasiku gatano. Ngele owa ndopa nena shoka otashi tu pe ethano kutya ombelewa yoye inayi pyakudhukwa okutukwathela, onkene otatu ka konga omikalo dhilwe twiikwathele tseyene. Otashi tu uvitha nayi okutala aamwamememati naakadhona mboka ya li ye na okumana omailongo gawo ihe itaya mana omolwa omuntu gumwe owala,” Shiweva a lesha.
Comments
Namibian Sun
No comments have been left on this article