Aahingi ya loloka oondjila dhanayipala moRundu
Aaniihauto mondoolopa yaRundu oya popi oya uvithwa nayi kelelo lyondoolopa yaRundu sho tali ndopa okulonga oondjila ndhoka dhi li monkalo ombwiinayi mondoolopa ndjoka, taya popi kutya omalambo ngoka otaga yonagula iihauto yawo, na oya pula opo omalambo ngoka ga longwe meendelelo.
Oshifokundaneki shoNamibian Sun osha yi moonkundathana naahingi yamwe po mondoolopa mboka ya holola omanyenyeto gawo omolwa onkalo yoondjila mondoolopa ndjoka.
Omutoolinkundana nguka naye okwa mono onkalo moka mu na oondjila dhoka, sho dhi na omalambo ogendji na otayi dhiminike aahingi yamwe ya kankame mokati kondjila nenge ya ye mooha dhondjila omolwa omalambo ngoka.
Gumwe gwomaahingi okwa popi kutya omatayiyela gawo otaga kulupa omolwa oondjla ndhoka, nolundji ohayayi koongalashe opo yaka tale ngele iinima yiihauto yawo inayi gwa ko pethimbo taya longitha ondjila ndjoka.
Gumwe okwa popi kutya sho omuloka guli pokutameka onkalo ndjoka otayi ka nayipala noonkondo, ta popi kutya elelo lyondoolopa kali na ko nasha.
Sho a ningilwa omapulo, ngoka ta longo pehala lyomunambelewa omukuluntu gwondoolopa ndjoka, Sikongo Haihambo okwa yelitha kutya kashi shi kutya elelo lyondoolopa inali hala okulonga oopate dhoka, ihe uupyakadhi owuli mpaka kutya kape na iiyemo, niiyemo mbyoka haya mono oya ngambekwa.
Haihambo okwa popi kutya elelo lyaRundu ohali mono oomiliyona dhi li pu 7 lwaampoka komwedhi na ohaya longitha oomiliyona 4 mokufuta omeya gawo omanga oomiliyona 3 hashi longithwa mokufuta oondjambi oshowo oompumbwe dhilwe.
Okwa popi kutya nonando oya taalela ompumbwe yoshimaliwa, elelo otali ka kambadhala opo li longe oondjila ndhoka, nokuninga kehe shoka taya vulu okuninga taya longitha iiyemo mbyoka ye napo.
KENYA KAMBOWE
Oshifokundaneki shoNamibian Sun osha yi moonkundathana naahingi yamwe po mondoolopa mboka ya holola omanyenyeto gawo omolwa onkalo yoondjila mondoolopa ndjoka.
Omutoolinkundana nguka naye okwa mono onkalo moka mu na oondjila dhoka, sho dhi na omalambo ogendji na otayi dhiminike aahingi yamwe ya kankame mokati kondjila nenge ya ye mooha dhondjila omolwa omalambo ngoka.
Gumwe gwomaahingi okwa popi kutya omatayiyela gawo otaga kulupa omolwa oondjla ndhoka, nolundji ohayayi koongalashe opo yaka tale ngele iinima yiihauto yawo inayi gwa ko pethimbo taya longitha ondjila ndjoka.
Gumwe okwa popi kutya sho omuloka guli pokutameka onkalo ndjoka otayi ka nayipala noonkondo, ta popi kutya elelo lyondoolopa kali na ko nasha.
Sho a ningilwa omapulo, ngoka ta longo pehala lyomunambelewa omukuluntu gwondoolopa ndjoka, Sikongo Haihambo okwa yelitha kutya kashi shi kutya elelo lyondoolopa inali hala okulonga oopate dhoka, ihe uupyakadhi owuli mpaka kutya kape na iiyemo, niiyemo mbyoka haya mono oya ngambekwa.
Haihambo okwa popi kutya elelo lyaRundu ohali mono oomiliyona dhi li pu 7 lwaampoka komwedhi na ohaya longitha oomiliyona 4 mokufuta omeya gawo omanga oomiliyona 3 hashi longithwa mokufuta oondjambi oshowo oompumbwe dhilwe.
Okwa popi kutya nonando oya taalela ompumbwe yoshimaliwa, elelo otali ka kambadhala opo li longe oondjila ndhoka, nokuninga kehe shoka taya vulu okuninga taya longitha iiyemo mbyoka ye napo.
KENYA KAMBOWE
Comments
Namibian Sun
No comments have been left on this article