A popi kutya omona okwa yahwa a fa ombwa
He yaMuyevu Andreas Haushiku, ngoka a yahwa okusa moRundu nuumvo kaanangeshefa AaChina yaali, okwa popi kutya omona ngoka oye a Ii ha kwathele ofamili, okwa li a yahwa a fa ombwa.
Bonifatius Hauthiku Muhapiri, he yaMuyevu Andreas Haushiku, ngoka a dhipagwa kaakwashigwana yaChina muApilili nuumvo moAndara okwa popi kutya okwa ningi omugeyintu.
Okwa popile ngaaka pompangu yaMukwe moka Xuefeng Chen (29) oshowo Zhenhai Zhou (31) ya tindilwa omboloha pethimbo ya holoka komeho yompangu kumangestrata Sonia Samupofu.
Ongeyo oyali tayi monika koshipala she, sho a pula kutya mboka yaali naya kale modholongo.
Nonando okwa pepelelwa sho ompangu ya tindile aaafekelwa mboka omboloha, okwa popi kutya okuza kesiku ndyoka omona a yahwa momasiku 17 gaApilili, okwa kala iha kotha naashoka oshe mu gumu nayi pamadhilaadhilo.
Okwa popi kutya okwa hala okufutwa omolwa eso lyomona.
Muhapiri okwa popi kutya aluhe ngele a si ondjala omona oye he ya momadhilaadhilo ge onkene okwa hala uuyuuki wu longwe.
“Onda pandula etokolo lyompangu ihe shoka shi li oshooka kutya omumwandje oye a li ha kwathele ofamili na otwe mu kanitha owala ngaaka a fa ombwa.”
“Onda hala okufutwa omolwa ombinzi yomumwandje. Otatu mono iihuna na onga omulumentu kandi na iilonga osha dhigupalelandje okupalutha ofamili. Sho omumwandje a li momwenyo okwa li he tu palutha. Uuna twa sa ondjala omumwandje ohe ya momadhilaadhilo,” Muhapiri a popi.
Okwa hala aafekelwa mboka ya kale mondjeedhililo sigo aluhe.
Chen oshowo Zhou mboka otaya tamanekelwa edhipago oshowo okukutha mo oshilwitho mehala lyaayehe, oya pula ompangu omwedhi gwa piti yahala okupewa omboloha.
Oya popi kutya oonkalamwenyo dhawo kadhi li we moshiponga molwaashoka oshigwana osha taambako shoka sha ningwa po.
Zhou okwa tindi ehokololo lyepangelo kutya okwa zi koDivundu okuya koAndara noondjembo mbali ndhoka dha longithwa mokudhipaga Muyevu.
Okwa popi kutya okwa li owala e na ondjembo ye ndjoka ha kala nayo aluhe, omanga Chen a li e na ondjembo ye ndjoka a li nayo komalandithilo mostola ye.
Zhou okwa popi kutya sho a thiki postola yaChen okwa adha Chen nanakusa taya nyenyeta nale.
Okwa lombwele ompangu kutya omanga ye naChen ya li meni lyostola oya mono nakusa ta kutha ohamala meni lyostola.
Okwa popi kutya sho Muyevu e ya puyo, Chen okwa kutha ondjembo ye opo iigamene.
Zhou okwa tsikile kutya omanga Chen naMuyevu yali taya kondjo, okwa mono kutya Muyevu okwali ta vulu okumonitha Chen oshiponga nohamala, onkene oshe muthiminike uumbe iikando iyali, a hala okuyaha nakusa kokwaako kwokolulyo. Na okwa ulikile ompangu nkene woo Chen a yaha nakusa.
Nonando ongaaka mangestrata Samupofu okwa popi kutya mboka yaali otaya tamanekelwa oshipoha oshinene, nongele oya mangululwa nena otashi vulika ya ka ye moshipala omakonaakono gopolisi oshowo okumbandameka oombangi.
Okwa popi woo kutya ompangu oya tala komaipopilo kutya ongeshefa yawo otayi mono iihuna konima nkene ya tulwa miipandeko ihe kakele koombaapila dhomashangitho gongeshefa, kape na uumbangi mboka tawu ulike kutya ongeshefa yawo oya li hayi ningi iiyemo yi thike peni.
Oshipotha shoka osha undulilwa komasiku 21 gaJanuari komvula twa taalela opo omakonaakono gopolisi ga tsikile.
KENYA KAMBOWE
Okwa popile ngaaka pompangu yaMukwe moka Xuefeng Chen (29) oshowo Zhenhai Zhou (31) ya tindilwa omboloha pethimbo ya holoka komeho yompangu kumangestrata Sonia Samupofu.
Ongeyo oyali tayi monika koshipala she, sho a pula kutya mboka yaali naya kale modholongo.
Nonando okwa pepelelwa sho ompangu ya tindile aaafekelwa mboka omboloha, okwa popi kutya okuza kesiku ndyoka omona a yahwa momasiku 17 gaApilili, okwa kala iha kotha naashoka oshe mu gumu nayi pamadhilaadhilo.
Okwa popi kutya okwa hala okufutwa omolwa eso lyomona.
Muhapiri okwa popi kutya aluhe ngele a si ondjala omona oye he ya momadhilaadhilo ge onkene okwa hala uuyuuki wu longwe.
“Onda pandula etokolo lyompangu ihe shoka shi li oshooka kutya omumwandje oye a li ha kwathele ofamili na otwe mu kanitha owala ngaaka a fa ombwa.”
“Onda hala okufutwa omolwa ombinzi yomumwandje. Otatu mono iihuna na onga omulumentu kandi na iilonga osha dhigupalelandje okupalutha ofamili. Sho omumwandje a li momwenyo okwa li he tu palutha. Uuna twa sa ondjala omumwandje ohe ya momadhilaadhilo,” Muhapiri a popi.
Okwa hala aafekelwa mboka ya kale mondjeedhililo sigo aluhe.
Chen oshowo Zhou mboka otaya tamanekelwa edhipago oshowo okukutha mo oshilwitho mehala lyaayehe, oya pula ompangu omwedhi gwa piti yahala okupewa omboloha.
Oya popi kutya oonkalamwenyo dhawo kadhi li we moshiponga molwaashoka oshigwana osha taambako shoka sha ningwa po.
Zhou okwa tindi ehokololo lyepangelo kutya okwa zi koDivundu okuya koAndara noondjembo mbali ndhoka dha longithwa mokudhipaga Muyevu.
Okwa popi kutya okwa li owala e na ondjembo ye ndjoka ha kala nayo aluhe, omanga Chen a li e na ondjembo ye ndjoka a li nayo komalandithilo mostola ye.
Zhou okwa popi kutya sho a thiki postola yaChen okwa adha Chen nanakusa taya nyenyeta nale.
Okwa lombwele ompangu kutya omanga ye naChen ya li meni lyostola oya mono nakusa ta kutha ohamala meni lyostola.
Okwa popi kutya sho Muyevu e ya puyo, Chen okwa kutha ondjembo ye opo iigamene.
Zhou okwa tsikile kutya omanga Chen naMuyevu yali taya kondjo, okwa mono kutya Muyevu okwali ta vulu okumonitha Chen oshiponga nohamala, onkene oshe muthiminike uumbe iikando iyali, a hala okuyaha nakusa kokwaako kwokolulyo. Na okwa ulikile ompangu nkene woo Chen a yaha nakusa.
Nonando ongaaka mangestrata Samupofu okwa popi kutya mboka yaali otaya tamanekelwa oshipoha oshinene, nongele oya mangululwa nena otashi vulika ya ka ye moshipala omakonaakono gopolisi oshowo okumbandameka oombangi.
Okwa popi woo kutya ompangu oya tala komaipopilo kutya ongeshefa yawo otayi mono iihuna konima nkene ya tulwa miipandeko ihe kakele koombaapila dhomashangitho gongeshefa, kape na uumbangi mboka tawu ulike kutya ongeshefa yawo oya li hayi ningi iiyemo yi thike peni.
Oshipotha shoka osha undulilwa komasiku 21 gaJanuari komvula twa taalela opo omakonaakono gopolisi ga tsikile.
KENYA KAMBOWE
Comments
Namibian Sun
No comments have been left on this article