A manga omuniilonga gwe nelyenge
18 April 2019 | Crime
Opolisi otayi konaakona oshiningwanima moka omunangeshefa gwomoshilongo, a manga nelyenge omuniilonga gwe opo ka vule okwiinyenga pehala lyiilonga nenge a popye naaniilonga pamwe naye.
Okavidio hoka ka kala taka topolelwathana komapandja gomakwatathano gopamalungula oshiwike shika oka ulike omulumentu a mangwa nelyenge moshiya she. Omupopiko gwopolisi, Omupeha Komufala, Edwin Kanguatjivi, okwa koleke oshiningwanima shoka ta popi kutya inaku patululwa oshipotha naashoka otashi ningitha oshidhigu opo opolisi yi vule okutulilamo omunangeshefa ngoka oshipotha. Pahapu dhaKanguatjivi, oshiningwanima shoka osha ningilwa mehala lyongeshefa moProsperita Industrial Area, ihe nakuninga oshihakanwa ina hala okutula mo oshipotha. Ombudsman, Advocate John Walters, okwa popi kutya oshinima shi Ii ngaaka itashi popilwa muNamibia lyamanguluka, ihe okwa zimine kutya opolisi kayi na shoka tayi vulu okuninga ngele omulumentu ngoka ita popisha. “Omukalo ngoka ogu li e yo pondje lyuuthemba womuntu opo a vule okwiinyenga a manguluka; omukalo guupika nenge oshilikama na itashi pitikwa,” Walters a popi.
Okavidio hoka ka kala taka topolelwathana komapandja gomakwatathano gopamalungula oshiwike shika oka ulike omulumentu a mangwa nelyenge moshiya she. Omupopiko gwopolisi, Omupeha Komufala, Edwin Kanguatjivi, okwa koleke oshiningwanima shoka ta popi kutya inaku patululwa oshipotha naashoka otashi ningitha oshidhigu opo opolisi yi vule okutulilamo omunangeshefa ngoka oshipotha. Pahapu dhaKanguatjivi, oshiningwanima shoka osha ningilwa mehala lyongeshefa moProsperita Industrial Area, ihe nakuninga oshihakanwa ina hala okutula mo oshipotha. Ombudsman, Advocate John Walters, okwa popi kutya oshinima shi Ii ngaaka itashi popilwa muNamibia lyamanguluka, ihe okwa zimine kutya opolisi kayi na shoka tayi vulu okuninga ngele omulumentu ngoka ita popisha. “Omukalo ngoka ogu li e yo pondje lyuuthemba womuntu opo a vule okwiinyenga a manguluka; omukalo guupika nenge oshilikama na itashi pitikwa,” Walters a popi.
Classifieds