A kwata onkonga okamona kiiwike iyali
Gert Skrywer, ngoka ta tamanekelwa oshipotha shekwatonkonga lyokamonakadhona kiiwike iyali, hoka ka hulitha lwanima omolwa uuwehame, okwa holoka oshikando oshitiyali mompangulilo yaRehoboth.
JEMIMA BEUKES
REHOBOTH
Yina yohanana yiiwike iyali, Charmaine Moss, ndjoka ya huliha konima sho ya kwatwa onkonga kuhe, okwa hokolola shoka sha holokapo esiku ndyoka okanona ke ka longwelwa omuyonena gwopaihulo na oka hulitha.
Roseline Moss (20) okwa hokolola esiku ndyoka momwedhi Juli sho a yi kuhe yokanona ke, Gert Skrywer, ngoka ina kala nokuya yambidhidha paiyemo, molwaashoka okwa li a pumbwa ominambo.
“Okwa pendje ooN$3. Onda kutha iimaliwa na onda yi postola yopopepi opo ndi ka lande omunambo gumwe. Sho nda galuka otwa lala na okwayi miihulo nangame. Na okwa yi natango miihulo nokanona. Okwa popi kutya ota zaleke okanona omunambo nokanona okali komatundji ge ihe nani okwa yi miihulo nokanona,” Moss a hokolola.
Sho e mu pula kutya ota ningi ngiini okanona okwe mu kwata pothingo ta popi kutya namwene nongele hasho ote mu dhipaga.
Moss okwa popi kutya okanona okali taka lili noonkondo ihe oka mwena po sho ya thiki megumbo lyaakuluntu ye.
“Esiku alihe otwa kala twa kuutumba pondje na sho nda yi megumbo lwanima okanona oka li ka mwena ihe oka talandje owala. Onda dhidhilike kutya okanona kandje oka hulitha, onda tameke tandi lili.”
Moss ota konene kutya Skrywer okwa longitha iingangamithi esiku ndyoka, oshinima shoka ha ningi shito.
Sho a pulwa ngele okwa li a longitha iikolitha esiku ndyoka, okwa yamukula kutya okwa nwa ihe ina kolwa molwaashoka okwa li owala ta nu ombiila yondjindja.
Moss okwa popi kutya okwa kala ta galikana opo a vule okudhimina po Skrywer, nonando itaka tsikila we nekwatathano lyawo.
“Mompangu onde mu mono na onde mu popita tandi pula kutya oku li ngiini, ihe ina yamukula ndje okwa talandje owala.”
Skrywer okwa holoka oshikando oshitiyali mompangu yaRehoboth noshipota she osha undulilwa komasiku 26 gaKotomba.
Omufali gwiihokolola kompangu, Steven Haradoeb okwa tindi omboloha ta popi kutya oshipotha shoka oshinene.
Mangestrata Kandiwapa Nangombe oye a kwatele komeho oshipotha.
[email protected]
REHOBOTH
Yina yohanana yiiwike iyali, Charmaine Moss, ndjoka ya huliha konima sho ya kwatwa onkonga kuhe, okwa hokolola shoka sha holokapo esiku ndyoka okanona ke ka longwelwa omuyonena gwopaihulo na oka hulitha.
Roseline Moss (20) okwa hokolola esiku ndyoka momwedhi Juli sho a yi kuhe yokanona ke, Gert Skrywer, ngoka ina kala nokuya yambidhidha paiyemo, molwaashoka okwa li a pumbwa ominambo.
“Okwa pendje ooN$3. Onda kutha iimaliwa na onda yi postola yopopepi opo ndi ka lande omunambo gumwe. Sho nda galuka otwa lala na okwayi miihulo nangame. Na okwa yi natango miihulo nokanona. Okwa popi kutya ota zaleke okanona omunambo nokanona okali komatundji ge ihe nani okwa yi miihulo nokanona,” Moss a hokolola.
Sho e mu pula kutya ota ningi ngiini okanona okwe mu kwata pothingo ta popi kutya namwene nongele hasho ote mu dhipaga.
Moss okwa popi kutya okanona okali taka lili noonkondo ihe oka mwena po sho ya thiki megumbo lyaakuluntu ye.
“Esiku alihe otwa kala twa kuutumba pondje na sho nda yi megumbo lwanima okanona oka li ka mwena ihe oka talandje owala. Onda dhidhilike kutya okanona kandje oka hulitha, onda tameke tandi lili.”
Moss ota konene kutya Skrywer okwa longitha iingangamithi esiku ndyoka, oshinima shoka ha ningi shito.
Sho a pulwa ngele okwa li a longitha iikolitha esiku ndyoka, okwa yamukula kutya okwa nwa ihe ina kolwa molwaashoka okwa li owala ta nu ombiila yondjindja.
Moss okwa popi kutya okwa kala ta galikana opo a vule okudhimina po Skrywer, nonando itaka tsikila we nekwatathano lyawo.
“Mompangu onde mu mono na onde mu popita tandi pula kutya oku li ngiini, ihe ina yamukula ndje okwa talandje owala.”
Skrywer okwa holoka oshikando oshitiyali mompangu yaRehoboth noshipota she osha undulilwa komasiku 26 gaKotomba.
Omufali gwiihokolola kompangu, Steven Haradoeb okwa tindi omboloha ta popi kutya oshipotha shoka oshinene.
Mangestrata Kandiwapa Nangombe oye a kwatele komeho oshipotha.
[email protected]
Comments
Namibian Sun
No comments have been left on this article