Ontengekothaneko ya tala owala kehumokomeho lyiilando – Mbangu
The lawmaker says the budget allocations reflect a lack of nuanced understanding of rural development needs.
Omutotiveta mEgumbo Etiyali lyoPashigwana Paulus Mbangu okwa londodha kutya oveta yi na sha nElongitho lyoshimaliwa shepangelo otayi thindile mo elongitho lyomufango gwehumokomeho ngoka gwa gama ombinga gwa tala owala kaakalimo yomoondoolopa niilando.
Okwa ti kutya shika otashi nayipike omayooloko pokati koondoolopa niitopolwa yokuushayi nokomwaka ookati kaayamba naakwanaluhepootagu nenepala.
Pethimbo lyoshipopiwa she mEgumbo Etiyali lyoPashigwana mEtiyali, Mbangu okwi indile epangelo opo li tale oshinima shika nawa.
“Oshimaliwa shoka sha topolelwa iimpungulonga nuumvo osha fa kankamekelwa komikalo omikulu dhokweeta po ontengekothaneko peha lyokuuva ko nawa oompumbwe dhoshigwana," okwa ndhindhilike.
"Oshiholelwa, ontengenekothaneko oyindji yehumokemoho oya pewa oshitopolwa shaKhomas, tashi landulwa molutako koshitopolwa shErongo. Kombinga onkwawo, iitopolwa ngaashi Kavango Uuzilo, Omusati, Ohangwena naKavango Uuninginino oya pewa oshimaliwa oshishona,” okwa ti.
Oshimaliwa nashi gwedhelwe
Mbangu okwa ti omayooloko ngaka kage shi omiyalu dhowala ihe otaga ulike nkene aakwashigwana kiitopolwa niitopolwa kaye na oompito dha faathana nenge dhi thike pamwe.
Moku shi yelitha nawa, okwa ti kutya ontengenekothaneko yoshitopolwa shaKhomas oyo tholoma po oopelesenda 24% odhontengekonathaneko ayihe yomapendulopo, ihe oshitopolwa shika osha huma komeho unene shi vule iitopolwa yokuushayi.
Okwa gwedha po kutya nonande osha simana okutala koompumbwe dhokuhumitha komeho oshilandopangelo, oompumbwe dhomeendelelo dhokiitopolwa yokuushayi nadho odha pumbwa okutalika.
“Ehumokomeho lyashili itali tsakanithwa ngele iigwana yilwe oya thigala po. Otandi indile Omutumba nguka gu yambidhidhe edhiladhilo ndjoka tali pula Omupresidente gwetu omunashimpwiyu opo a ye mo olunyala nokugwedhela oontengekothaneko dhiitopolwa yetu yokuushayi,” Mbangu i indile.
“Natu kondjele ontengenekothaneko ndjoka tayi longo nuuyelele woshili, mboka tau kandula po omashongo twa taalela, naamboka itau thigi nande omuntu konima,” okwa ti. [email protected]
Okwa ti kutya shika otashi nayipike omayooloko pokati koondoolopa niitopolwa yokuushayi nokomwaka ookati kaayamba naakwanaluhepootagu nenepala.
Pethimbo lyoshipopiwa she mEgumbo Etiyali lyoPashigwana mEtiyali, Mbangu okwi indile epangelo opo li tale oshinima shika nawa.
“Oshimaliwa shoka sha topolelwa iimpungulonga nuumvo osha fa kankamekelwa komikalo omikulu dhokweeta po ontengekothaneko peha lyokuuva ko nawa oompumbwe dhoshigwana," okwa ndhindhilike.
"Oshiholelwa, ontengenekothaneko oyindji yehumokemoho oya pewa oshitopolwa shaKhomas, tashi landulwa molutako koshitopolwa shErongo. Kombinga onkwawo, iitopolwa ngaashi Kavango Uuzilo, Omusati, Ohangwena naKavango Uuninginino oya pewa oshimaliwa oshishona,” okwa ti.
Oshimaliwa nashi gwedhelwe
Mbangu okwa ti omayooloko ngaka kage shi omiyalu dhowala ihe otaga ulike nkene aakwashigwana kiitopolwa niitopolwa kaye na oompito dha faathana nenge dhi thike pamwe.
Moku shi yelitha nawa, okwa ti kutya ontengenekothaneko yoshitopolwa shaKhomas oyo tholoma po oopelesenda 24% odhontengekonathaneko ayihe yomapendulopo, ihe oshitopolwa shika osha huma komeho unene shi vule iitopolwa yokuushayi.
Okwa gwedha po kutya nonande osha simana okutala koompumbwe dhokuhumitha komeho oshilandopangelo, oompumbwe dhomeendelelo dhokiitopolwa yokuushayi nadho odha pumbwa okutalika.
“Ehumokomeho lyashili itali tsakanithwa ngele iigwana yilwe oya thigala po. Otandi indile Omutumba nguka gu yambidhidhe edhiladhilo ndjoka tali pula Omupresidente gwetu omunashimpwiyu opo a ye mo olunyala nokugwedhela oontengekothaneko dhiitopolwa yetu yokuushayi,” Mbangu i indile.
“Natu kondjele ontengenekothaneko ndjoka tayi longo nuuyelele woshili, mboka tau kandula po omashongo twa taalela, naamboka itau thigi nande omuntu konima,” okwa ti. [email protected]
Comments
Namibian Sun
No comments have been left on this article