Ohangwena ya ladhipikwa yi kwate ko o-AfCFTA mehilo lyiipindi pokati kiitopolwa

Omuprimaminista Elijah Ngurare okwa ladhipike oongeshefa mOshitopolwa shaHangwena dhi longithe ompito ndjoka ya etwa po kEhangano lyOompangela dhIipindi ya Manguluka muAfrika (AfCFTA), a popi kutya ehala lyondjungululwamulandu lyoshitopolwa shika poongamba dhomonooli yaNamibia otali shi tula monkatu yokuninga omuhingi omunene gwomatalelopo giipindi nehumokomeho lyopaliko pokati kiitopolwa. Ngurare okwa ningi omapopyo ngaka moshipopiwa sha leshwa pekha lye kungoloneya gwaHangwena Kadiva Hamutumwa pethimbo lyepatululo pambelewa lyOshituthi shOmaulikilo giipindi shaEenhana oshi-16 mEtitatu, ndjoka ya ningwa kohi yoshipalanyolo 'Okutula oshimaliwa maagundjuka - Okupungula oshimaliwa shomonakwiiwa nena'. Okwa popi kutya Ohangwena oyi li onga osheelo shaaNamibia shuuka kEhangano lyEhumokomeho lyUumbugantu waAfrika (SADC), shoka tashi pe oongeshefa dhoshitopolwa ompito yiikalekelwa yokutaandelela momalandithilo gopoaitopolwa.Ngurare okwa popi kutya eopaleko lyiikwaniipangitho, ehumithokomeho lyetulo lyongushu miikwiipindi neyambidhidho lyoongeshefa ooshona nodhopokati (SMEs) otayi kwathele oongeshefa dhi longithe po ompito yo-AfCFTA noya patulule oompito oonene dhopaliko, unene tuu kaagundjuka. Okwa hokolola omaulikilo giipindi gokomumvo ongonkatu ya simana koongeshefa mukukwatathana, okutotha mo omalandithilo omape, okuhila omagongelo giimaliwa nokutota po uukuume tawu kalele mboka tawu vulu okuhwahwameka ehumokomeho lyomahupilo gomoshitopolwa. Ngurare okwa popi kutya omaulikilo giipindi ogendji otaga hololele oongeshefa komalunduluko gomuuyuni womalandithilo nomilandu omanga taga unganeke ompito kaanangeshefa mokukwatathana yuukilila naalandi, aagandji yiipindi naaniipindi mboka taya vulu okutula mo iimaliwa moongeshefa dhawo. Omaulikilo giipindi gokomumvo ngaka oga hila aauliki yiipindi ya thika po-193, ya kwatela mo aakuthimbinga ya za koTanzania nokOmunisipaliti yaMatala mOshitopolwa shaHuíla mAngola, shoka tashi holola etaandelo lyoshitopolwa shika lyokuhumitha komeho omaulikilo ngaka.PaNgurare, ekuthombinga lyomomaulikilo giipindi yopaigwana otali ulike kutya omaulikilo giipindi oga koka ga koya pomaulikilo giipindi yomoshitopolwa nokuya ponkatu ndjoka tayi tseyitha Eenhana, Oshitopolwa shaHangwena noNamibia kaauliki yiipindi yopaigwana oyendji. Mayola gwaEenhana Omri-Onn Kavandje okwa popi kutya omaulikilo giipindi gokomumvo ngaka kage shi ashike omaulikilo giipindi, ashike okwe ga hokolola ongonkatu yokuhumitha komeho epeko lyaagundjuka, okuhila iipindi nokupendula po ehumokomeho lyopaliko mondoolopa. Kavandje okwa popi kutya oshituthi shika otashi eta pamwe uunongo uupe, oongeshefa noshigwana okweetapo oompito dhaagundjuka moku koleka eliko lyomoshitopolwa. Okwa longitha wo ompito ndjoka okupandula aagandji yomakwatho naauliki yiipindi mokwaambidhidha omaulikilo giipindi, a popi kutya ekuthombinga lyawo otali tsu aanangeshefa aagundjuka omukumo notali kwathele mukuningitha Eenhana ongondingandinga yoongeshefa nokuhila omagongelo giimaliwa. Ya tolokwa ku: Gottrieb Nambahu(gottrieb@nma.com.na)

Ohangwena ya ladhipikwa yi kwate ko o-AfCFTA mehilo lyiipindi pokati kiitopolwa

Comments

Namibian Sun 2026-10-23

Please login to leave a comment

Ohangwena ya ladhipikwa yi kwate ko o-AfCFTA mehilo lyiipindi pokati kiitopolwa

Comments

Namibian Sun 2026-10-23

Please login to leave a comment

Subscription Required to Access Content ×

Subscription Required to Access Content