Natu hanganeni nokwiidhidhimikilathana - Nandi-Ndaitwah
• ‘Tseni atuheni yamwe’
Omupresidente okwi indile Aanamibia yi idhidhimikilathane nokuyambulathana po nokukwathathana opo tu kwashilipaleke kutya aantu ayehe oye na onakuyiwa ombwanawa.
OmutoolinkundanaOvenduka
Omupresidente Netumbo Nandi-Ndaitwah okwa londodha Aanamibia kutya oye li moshiponga shokulandula “ondjila yokwiiteya po yoyene” ngele oshigwana osha tsikile nokukondjithathana peha lyokuhangana nokutunga Namibia lyetu muukumwe.
Ta popi pedhimbuluko lyEsiku lyOmapendafule lwoshikando oshiti-35 koKatima Mulilo moshitopolwa shaZambezi, Nandi-Ndaitwah okwa ti kutya okwa kumwa noonkondo ketopoko li igalala konyala mpaka naampeyaka – ngele momazimo nomalelo gopamuthigululwakalo noshowo mongeleka nomopolitika.
“Ongoshilongo otu li molweendo lwokwiiteya po tseyene ngele itatu lundulula iikala yetu,” okwa ti. “Otatu nyengwa notatu ndopa okuyambulathana po, okukwathathana nokutsaathana omukumo medhina lyonakuyiwa yoshilongo shetu ashihe koonoono.”
Omupresidente okwa ti: “Osha yemateka ndje noonkondo sho tatu kondjithathana kehe pamwe moshilongo shetu, ngele momazimo getu, momalelo gopamuthigululwakalo, mongeleka nenge mopolitika.”
“Tseni atuheni yamwe,” okwa ti.
Nandi-Ndaitwah okwi indile Aanamibia ayehe u uvathane, yi idhidhimikilathane nokusimanekathana, ta ti uukolokoshi ihau eta po ekandulopo lyomukundu lyothaaathaa.
Okwa dhimbulukitha aapulakeni kutya emanguluko, ombili nuuyuki tatu tyapula nena oye ya po molwombinzi ya tika, omazigudhe neigandjo okukondjela emanguluko lyaNamibia.
“Iita oyo onkalo ondhigundhigu okumwenya muyo,” okwe shi dhenge omuthindo. “Iita ohayi nayipaleke onkalamwenyo yiihakanwa yaa na ondjo, unene tuu aakiintu naanona. Ongoshigwana, natu kwatele po ombili yetweni kutya otashi pula shike.”
Mokukwandjangela kombinga yiita mbyoka tayi uvikila koombinga noombinga dhuuyuni, okwi indile Aanamibia ya kwatele po nawa ombili ndjoka tu neni.
Eitulomo lyetweni
Okugalukila konkalo yeliko lyoshilongo, Nandi-Ndaitwah okwa dhenge omuthindo kutya nonande otwa manguluka papolitika momasiku 21 Maarsa 1990, ekondjo okumanguluka paliko oli li metifa.
Okwa tumbula kombinga yomashongo ngaashi oluhepo, onkalo yokwaa na iilonga, ondjala, omahepekathano gopaukashikekookantu nelongitho nayi lyiingangamithi nolyiikolitha noshowo uulingilingi, ta ti ohayi yono ombili ndjoka ye etwa kemanguluko.
“Ekondjo okulundululila oonkalamwenyo dhaantu yetu kuuwanwa otali pula eitulomo lyetu atuheni,” okwa ti.
“Natu kondjitheni iilonga iiwinayi yelongitho nayi lyoonkondo, uulingilingi nehepeko lyomaliko gaayehe (oonzo dhopaushitwe). Nuuyamba womevi lyetu, natu tokoleni nokukwashilipaleke kutya kehe Omunamibia ota mwenya nawa mokukalamwenyo kwe.”
Uulingilingi owo egwaaleko
Mokweendulula natango eiuvo lye kombinga yuulingilingi, omupresidente okuuvaneke kutya epangelo otali kala aluhe lya gama kombinga yaamboka taya aneke puuyelele iilonga yuulingilingi nokukondjitha okudhengela ondhi peho.
“Onde shi tumbulile nale notandi shi endulula natango – uulingilingi owo okuteya po einekelathano, oshoka uulingilingi ohau kutha po shoka sha nuninwa oshigwana noku shi longitha paumwene. Uulingilingi nau talike ko ongokunwa po oshilongo ondjumbu,” okwa dhenge omuthindo.
Nandi-Ndaitwah okwi indile epangelo noshikondo shopaumwene shi gandje omayakulo dhingi koshigwana nokukwashilipaleka kutya otatu longo nawa aluhe, ngele momazimo, sho ta ti ezimo olyo enkakameno lya kola lyoshigwana.
Okwa popi woo kombinga yesimano lyuukumwe nekwatathano lyaaleli yopamuthigululwakalo.
Okwa pandula omalelo gane gopamuthigululwakalo gomoshitopolwa shaZambezi, sho ga gandja oshiholelwa oshiwanawa shuuleli sho haga endathana.
“Ngele aaleli yetu oya kwatathana, omolwashike twaa na okulongela kumwe, tse aalelwa?” okwa pula, okwa tsu omukumo oshigwana shi landule oshiholelwa shoka oshiwanawa shelongelokumwe noshuukumwe.
Okwa dhenge omuthindo kesimano lyokwaa simaneka owala omapendafule giita yekondjelomanguluko ihe ku dhimbulukwe woo omapenda ganakanena ngele muunongononi nomuudhondoli, melongo nomiimpungulonga ayehe yi ili noyi ili.
Omapendafule
Nandi-Ndaitwah okwa dhenge omuthindo kutya uupendafule itau talelwa owala kaakondjelimanguluko ihe otau monikila woo momagwedhelopo gwakalukehe haga ningwa koohanimwe molwehumokomeho lyoshilongo shetu.
Omupresidente okwa longitha ompito ndjoka opo a tseyithe kutya Namibia ota lili kakukutu komatanga Solomon Dumeni Hawala, okwe mu tanga kutya okwa li omukondjelimanguluko nependafule moNamibia nota ka pewa egumbo lye lyahugunina momasiku 6 Septemba.
“Peha lyepangelo lyaNambia nolyAamibia atuhenituheni, otandi gandja omahekeleko kaakwanezimo, kookuume nokoohailwa ooyakwawo. Omwenyo gwe nagu vululukwe nombili yaaluhe,” okwa ti.
Pehulilo lyoshipopiwa she, Nandi-Ndaitwah okwi indile Aanamibia yi itule mo natango mondjodhi ndjoka aakondjelimanguluko yoshilongo shetu ya li ye na.“Muukumwe, natu kwate nawa oodungethaneko dhaakondjelimanguluko, nokushilipalekwa kutya emanguluko nuuyuuki otau kala po sigo omapipi nomapipi tage ya, oshoka ombinzi yawo oya manguula oshilongo shika. Kape na omalimbililo, uukumwe owo oshipatululo shokwaadha esindano,” okwa ti.
“Sho tatu dhimbulukwa Esiku lyOmapendafule, natu kolekulule eitulomo lyetu mokukondjela nokutunga oshilongo shetu shoka sha kwatela mo ekuthombinga lyaayehe, uuyuuki neyambapalo lyaayehe,” omupresidente a ti.
Omupresidente Netumbo Nandi-Ndaitwah okwa londodha Aanamibia kutya oye li moshiponga shokulandula “ondjila yokwiiteya po yoyene” ngele oshigwana osha tsikile nokukondjithathana peha lyokuhangana nokutunga Namibia lyetu muukumwe.
Ta popi pedhimbuluko lyEsiku lyOmapendafule lwoshikando oshiti-35 koKatima Mulilo moshitopolwa shaZambezi, Nandi-Ndaitwah okwa ti kutya okwa kumwa noonkondo ketopoko li igalala konyala mpaka naampeyaka – ngele momazimo nomalelo gopamuthigululwakalo noshowo mongeleka nomopolitika.
“Ongoshilongo otu li molweendo lwokwiiteya po tseyene ngele itatu lundulula iikala yetu,” okwa ti. “Otatu nyengwa notatu ndopa okuyambulathana po, okukwathathana nokutsaathana omukumo medhina lyonakuyiwa yoshilongo shetu ashihe koonoono.”
Omupresidente okwa ti: “Osha yemateka ndje noonkondo sho tatu kondjithathana kehe pamwe moshilongo shetu, ngele momazimo getu, momalelo gopamuthigululwakalo, mongeleka nenge mopolitika.”
“Tseni atuheni yamwe,” okwa ti.
Nandi-Ndaitwah okwi indile Aanamibia ayehe u uvathane, yi idhidhimikilathane nokusimanekathana, ta ti uukolokoshi ihau eta po ekandulopo lyomukundu lyothaaathaa.
Okwa dhimbulukitha aapulakeni kutya emanguluko, ombili nuuyuki tatu tyapula nena oye ya po molwombinzi ya tika, omazigudhe neigandjo okukondjela emanguluko lyaNamibia.
“Iita oyo onkalo ondhigundhigu okumwenya muyo,” okwe shi dhenge omuthindo. “Iita ohayi nayipaleke onkalamwenyo yiihakanwa yaa na ondjo, unene tuu aakiintu naanona. Ongoshigwana, natu kwatele po ombili yetweni kutya otashi pula shike.”
Mokukwandjangela kombinga yiita mbyoka tayi uvikila koombinga noombinga dhuuyuni, okwi indile Aanamibia ya kwatele po nawa ombili ndjoka tu neni.
Eitulomo lyetweni
Okugalukila konkalo yeliko lyoshilongo, Nandi-Ndaitwah okwa dhenge omuthindo kutya nonande otwa manguluka papolitika momasiku 21 Maarsa 1990, ekondjo okumanguluka paliko oli li metifa.
Okwa tumbula kombinga yomashongo ngaashi oluhepo, onkalo yokwaa na iilonga, ondjala, omahepekathano gopaukashikekookantu nelongitho nayi lyiingangamithi nolyiikolitha noshowo uulingilingi, ta ti ohayi yono ombili ndjoka ye etwa kemanguluko.
“Ekondjo okulundululila oonkalamwenyo dhaantu yetu kuuwanwa otali pula eitulomo lyetu atuheni,” okwa ti.
“Natu kondjitheni iilonga iiwinayi yelongitho nayi lyoonkondo, uulingilingi nehepeko lyomaliko gaayehe (oonzo dhopaushitwe). Nuuyamba womevi lyetu, natu tokoleni nokukwashilipaleke kutya kehe Omunamibia ota mwenya nawa mokukalamwenyo kwe.”
Uulingilingi owo egwaaleko
Mokweendulula natango eiuvo lye kombinga yuulingilingi, omupresidente okuuvaneke kutya epangelo otali kala aluhe lya gama kombinga yaamboka taya aneke puuyelele iilonga yuulingilingi nokukondjitha okudhengela ondhi peho.
“Onde shi tumbulile nale notandi shi endulula natango – uulingilingi owo okuteya po einekelathano, oshoka uulingilingi ohau kutha po shoka sha nuninwa oshigwana noku shi longitha paumwene. Uulingilingi nau talike ko ongokunwa po oshilongo ondjumbu,” okwa dhenge omuthindo.
Nandi-Ndaitwah okwi indile epangelo noshikondo shopaumwene shi gandje omayakulo dhingi koshigwana nokukwashilipaleka kutya otatu longo nawa aluhe, ngele momazimo, sho ta ti ezimo olyo enkakameno lya kola lyoshigwana.
Okwa popi woo kombinga yesimano lyuukumwe nekwatathano lyaaleli yopamuthigululwakalo.
Okwa pandula omalelo gane gopamuthigululwakalo gomoshitopolwa shaZambezi, sho ga gandja oshiholelwa oshiwanawa shuuleli sho haga endathana.
“Ngele aaleli yetu oya kwatathana, omolwashike twaa na okulongela kumwe, tse aalelwa?” okwa pula, okwa tsu omukumo oshigwana shi landule oshiholelwa shoka oshiwanawa shelongelokumwe noshuukumwe.
Okwa dhenge omuthindo kesimano lyokwaa simaneka owala omapendafule giita yekondjelomanguluko ihe ku dhimbulukwe woo omapenda ganakanena ngele muunongononi nomuudhondoli, melongo nomiimpungulonga ayehe yi ili noyi ili.
Omapendafule
Nandi-Ndaitwah okwa dhenge omuthindo kutya uupendafule itau talelwa owala kaakondjelimanguluko ihe otau monikila woo momagwedhelopo gwakalukehe haga ningwa koohanimwe molwehumokomeho lyoshilongo shetu.
Omupresidente okwa longitha ompito ndjoka opo a tseyithe kutya Namibia ota lili kakukutu komatanga Solomon Dumeni Hawala, okwe mu tanga kutya okwa li omukondjelimanguluko nependafule moNamibia nota ka pewa egumbo lye lyahugunina momasiku 6 Septemba.
“Peha lyepangelo lyaNambia nolyAamibia atuhenituheni, otandi gandja omahekeleko kaakwanezimo, kookuume nokoohailwa ooyakwawo. Omwenyo gwe nagu vululukwe nombili yaaluhe,” okwa ti.
Pehulilo lyoshipopiwa she, Nandi-Ndaitwah okwi indile Aanamibia yi itule mo natango mondjodhi ndjoka aakondjelimanguluko yoshilongo shetu ya li ye na.“Muukumwe, natu kwate nawa oodungethaneko dhaakondjelimanguluko, nokushilipalekwa kutya emanguluko nuuyuuki otau kala po sigo omapipi nomapipi tage ya, oshoka ombinzi yawo oya manguula oshilongo shika. Kape na omalimbililo, uukumwe owo oshipatululo shokwaadha esindano,” okwa ti.
“Sho tatu dhimbulukwa Esiku lyOmapendafule, natu kolekulule eitulomo lyetu mokukondjela nokutunga oshilongo shetu shoka sha kwatela mo ekuthombinga lyaayehe, uuyuuki neyambapalo lyaayehe,” omupresidente a ti.
Comments
Namibian Sun
No comments have been left on this article