Nakutamanekelwa edhipago lyomona a pataneke omapopyo gefadhukopo

Joseph Martin Nghishihange a tseyika nawa nedhina ‘Namcash’, ngoka ta tamanekelwa edhipago nehepeko lyomwanakadhona, okwa kalekwa mondholongo konima sho Ompangu yaMangestalata yaShakati ya undulile eindilo lye lyombooloha kehulilo lyaNovemba.Omupanguli Nelao ya France okwa undulile omuthika gwoshipotha shika komasiku 24 no-25 Novemba.Pethimbo lyomapulo gomomuthika mEtine lya zi ko, 22 Oktoba, aatamaneki yepangelo oya ti kutya omutamanekwa okwa nika okufadhuka po ngele okwa mangululwa pambooloha.Epangelo olya popi kutya opolisi oya li ya mono uudhigu wokukonga Nghishihange konima yeso lyomwanakadhona sigo oye mu kwata po nekwatho lyaavali ye.Aatamaneki, taya popi nekwatathano lyoshipopiwa sha za kuyina, oya tula kuye kutya omwanakadhona okwa hulitha momasiku 24 gaFebuluali noina monika sigo omomasiku 27 gaFebuluali.Nghishihange okwa ekelehi omapopyo ngoka, ta lombwele Ompangu kutya okwa li a fala omwanakadhona koshipangelo, okwa ungaunga nonzapo yeso lye noya li ya kutha ombinga momalongekidho gefumviko.“Kapwa li opolisi ya longekidhwa okukwatandje po molwaashoka ka nda li muuholameno. Onda li mekwatathano naavali yandje nayina yanakusa. Kehe gumwe okwa li e shi mpoka ndi li,” osho a gandja uumbangi.Okwa ti opolisi oye mu dhengele e tayi mu lombwele e kiilopote kOshitaasi shOpolisi shaShakati ashike inaye mu yelithila kutya omolwashike. Pethimbo tiilongekidha okuya, okwa ti he okwa li e mu pula a tegelele opo ya ye pamwe.PaNghishihange, okwa ningi omalongekidho gokutsakanena nahe poshitaasi shomahooli sho-Shell, mpoka e mu adha e li naapolisi yane ya zala omizalo dhopaumwene mboka ye mu kwata po.'Omakwatathano gakola'Epangelo olya pula wo ngele Nghishihange oku na lela omakwatathano ga kwata miiti gomalukalwa noongeshefa nenge omaliko ge taga kwashilipaleke kutya ota vulu okuya miihokolola yompangu.Nghishihange okwa gandja uumbangi kutya okwa li a hiile olukalwa mOngwediva nota vulu okukala momagumbo gaakwaneziimo ngele okwa mangululwa po.Okwa popi wo kutya oku na iitendelewa iyali yomahala gokutunga, ihe okwa zimine kutya ina gandja omikanda dhuumbangi kOmpangu.“Ondi na omakwatathano golela. Ngame omuNamibia nonda za moNamibia. Ka ndi na mpoka tandi yi. Ka ndi na aakwanezimo kondje yoshilongo,” osho a ti.Nghishihange okwa ti ota vulu okugandja omikanda ndhoka nokwa li a hala okugandja omukanda gwe gwokweenda nokwiilopota koshitaasi shopolisi ongo oondjindikila dhombooloha.Epangelo olya tompo wo kutya emangululo lye otali nkundipaleke einekelo lyoshigwana meuto lyuuthemba wompangu, ta li totha mo uunene woshipotha nomanyenyeto goshigwana.Hahende gwe, Tungouwa Ndatewapo gwoJacobs Amupolo Lawyers &amp; Conveyancers, okwa pataneke omapulo ogendji pethimbo lyomapulo gomomuthika, mwa kwatelwa ekankameno lyomapopyo gepangelo kombinga yomanyenyeto goshigwana.Ya tolokwa ku: Gottrieb Nambahu (tienoxv@gmail.com)

Nakutamanekelwa edhipago lyomona a pataneke omapopyo gefadhukopo

Comments

Namibian Sun 2026-10-26

Please login to leave a comment

Nakutamanekelwa edhipago lyomona a pataneke omapopyo gefadhukopo

Comments

Namibian Sun 2026-10-26

Please login to leave a comment

Subscription Required to Access Content ×

Subscription Required to Access Content