Enanathano pokati kaminista gwomaudhano namushanga omukuluntu molwa ehangano lyaagundjuka

Oontamanana odha tukuka pokati kaminista gwomaudhano Agnes Tjongarero namushanga omukuluntu muuministeli womaudhano, Erastus Haitengela, nodhi li kombinga yekwatelo komeho lyehangano lyaagundjuka.Aapopepi ye shi okwiinekelwa oya tseyithile oshikundaneki shika kutya Tjongarero naHaintengela inaya kala taya uvathana, oshoka minista okuwete Haitengela ota ningi iinima ye. Shi ikolela kaanambelewa muuministeli womaudhanoshoka she shi mana, etokolo lyaHaitengela okulombwela ehangano lyoNYC li kale tali pula eziminino kuye manga inali ninga omatokolo omanene kombinga yokulongitha oshimaliwa.Tjongarero okwa hala Haitengela e ethele ewilikongundu lyopakathimbo li longe iilonga yalyo.Mombilive a nyola momasiku 22 Januali, Tjongarero okwa ti Haitengela ina simaneka elelo lye.“Ewilikongundu lyopakathimbo oli na oshinakugwanithwa shokukwatela komeho ehangano, ashike omatokolo gamwe wa ninga oga fa taga yi pombambo euthompango ndjoka,” minista a ti.Okwa ti wo okwa gandja oshimaliwa shoomiliona N$2.7 kehangano lyaagundjuka li ninge omalunduluko mehangano, nonande “nde mu lombwela sha yela kee shi ninge.“Omewiliko lyalye omalunduluko ngoka taga ningwa, nonande pe na elombwelo lyokwaa tsikila nokuninga omalunduluko ngoka?” okwa pula.Omautho ga pamba elongitho lyoshimaliwaOmbilive ndjika oya nyolwa konima sho Haitengela a nyolele ehangano lyaagundjuka opo li kale hali mu tseyithile manga inali ninga omatokolo “ga guma elongitho lyoshimaliwa li na iilanduli yethimbo ele”.Haitengela okwa ti, shoka nashi ningwe opo ku kwashilipalekwe ayihe otayi endele pamwe nontengenekothaneko ya tulwa po noshowo ku shonopekwe elongitho lyoshimaliwa inaali tegelelwa.Okwa ti wo ehangano lyoNYC inali kuta aaniilonga aape ongele shila shi li montengekothaneko, okwa gwedha po kutya iinima yaa li montengenekothaneko itayi ka idhidhimikilwa.Ehangano lyoNYC, pautholombwelo lye, itali vulu okushaina ookontalaka oompe nenge omauvauthanotsokumwe goshikako sha konda pomvula yimwe omanga inaga pewa eziminino kuuministeli.Haitengela okwa pula olutuwiliki lwaagundjuka lu popye shoka lwa longitha oomiliona N$2.7, esiku lyahugunina 1 Febuluali, okwa gwedha po kutya “ngele kape na olopota yelongitho lyoshimaliwa shika nena ehangano lyoNYC itali ka pewa oshimaliwa moomwedhi dhokomeho”.Okwa gwedha po kutya: "Ongomunambelewa omukuluntu muuministeli, ondi na okukwashilipaleka ehangano lyaagundjuka otali landula omauthompango ga kwata miiti ge nasha nelongitho lyoshimaliwa opo oshimaliwa shi longithwe nawa. Otandi kambadhala okuungaunga noshikumungu shelongitho lyiimaliwa mehangano lyaagundjuka, unenene sho oshimaliwa shoomiliona N$2.7 sha tumwa papuko lwaali komayalulilo gehangano mu Desemba 2024".Oompango oompe Mehokololo lya pambathana, oominute dhoshigongi shotango shewilikongundu lyopakathimbo sheti -14 Januali odha ulike kutya ondjambi yomunashipundi gwewilikongundu otayi yalulilwa koopelesenda 30% dhondjambi ha futwa ngashingeyi.Omunashipundi gwewilikongundu itaka futwa oshimaliwa sha gwedha po molwa okuholoka kwe kiigongi niilonga yomunashipundi otayi kala nokusokononwa konima yoomwedhi mbali, a talike ngele ota longo nawa, naashi otashi tamekwa okuza 28 Febuluali.Konima ashike yiiwike iyali ya piti, aagundjuka yamwe oya ponokele moombelewa dhehangano lyaagundjuka taya holola omadhiladhilo gawo ge li ompinge naTjongarero sho a ulike ewilikongundu lyopakathimbo. Minista otaku hokololwa a tindi okutaamba ko ewilikongundu lyomunashipundi Simon Taapopi, ewilikongundu ndyoka lya hogololwa kaagundjuka aakwawo mumvogu, netompelo anuwa uudhigu uukulu inau potokononwa.nikanor@erongo.com.na

Enanathano pokati kaminista gwomaudhano namushanga omukuluntu molwa ehangano lyaagundjuka

Comments

Namibian Sun 2025-05-06

Please login to leave a comment

Enanathano pokati kaminista gwomaudhano namushanga omukuluntu molwa ehangano lyaagundjuka

Comments

Namibian Sun 2025-05-06

Please login to leave a comment

Login