Elongo olyaayehe: aafupi naale

Omukuluntuwiliki gwelongo mOshitopolwa shaKavango Uuzilo Christine Shilima okwa gandja elombwelo kaakuluntuskola moshitopolwa she, nokudhenga omuthindo kutya okupula ofuto pethimbo lyomainyolitho gaalongwa inashi pitikwa. Okwa gwedha po kutya ina pu kala omulongwa ita yi koskola molwaashoka ita vulu okulanda ondalaha.Pethimbo ta popitha aakuluntuskola moshigongi sha li ko mEtine, Shilima okwa popi kombinga yesimano lyokugamenena po uuthemba waalongwa wa pamba elongo nokukwashilipaleka iinyangadhalwa yi nasha newiliko lyoskola oyi li pauyuuki.Eyambidhidho nokukala uupathi“Otandi indile aanashipundi yomalelonongelo ya yambidhidhe aakuluntuskola pethimbo lyomainyolitho,” Shilima a ti. Okwa ti kutya oshinyangadhalwa shomainyolitho inashi kala owala komapepe gaakuluntuskola, iilyo yomalelonongelo nayi dhane onkandangala momainyolitho gaalongwa.Ta yamukula komanyenyeto gonale, Shilima okwa ndhindhilike kutya aavali yamwe oya lopota kutya oya shunithwa komagumbo koohandimwe inaya tumbulwa komadhina mboka yi iningi ya fa aalongi. “Shino itashi idhidhimikilwa,” okwa ti. Okwa dhenge omuthindo kesimano lyokukala uupathi, nokwi indile iilyo yomalelonongelo yi kwashilipaleke kutya kape na omulongwa ta patelwa pondje shaa li pauyuuki.Okugamenena po uuthemba waalongwa Shilima okwa dhenge omuthindo kutya elongo olyo uuthemba wopekota womuntu noinapu uvika okanona ta ka tindilwa okuya mOndondo 1 molwaashoka inaa ka hita okinda. Okwa koleke kutya ookinda pooskola dhimwe oonshona, ngaashi poNdama JP School, hoka omaindilo gokutaambelwa mOndondo 1 ogendji ga pitilila omahala ngoka ge li po.“Itatu vulu okuninga onzapo yokinda osheetelelwa metaambo lyOndondo 1. Okupula ngaaka itaku kala pauyuuki notaku taaguluka uuthemba waalongwa,” Shilima a ti.Okunkondopeka ekuthombinga lyaavaliShilima okwi indile woo ekwatathano ehwepo naavali opo pu kale einekelathano nelongelokumwe. Okwa nyana onkalo ndjoka omatokolo haga ningwa manga iigongi yaavali inayi ningwa, shoka hashi shonopeke omagwedhelepo golela.“Iigongi nayi kale oompito dhaavali opo ya gandje omagwedhelopo gawo nokukutha ombinga mokuninga omatokolo. Omalelonongelo naga longe memanguluko nopauyuuki opo pu kale einekalathano nelongelokumwe,” okwa ti.Okwa londodha aakuthimbinga melongo yaa popithe omulandu gwelongo okupitila momakemo ogendji taga zi moshigwana, nokwiindila omalelonongelo ga ulike nokuyeleka iinakugwanithwa yawo kaavali.UukumweShilima okwa hulitha oshipopiwa she nokwiindila aakuthimbinga ayehe melongo ya gamenene po uuthemba waalongwa nokukwashilipaleka kape na okanona ta ka thigala po.“Iilyo yomalelonongelo nayi kwashilipaleke kutya iinyangadhalwa ayihe yewiliko lyoskola oyi li mekwatathano nomakankameno gopekota guuthemba waalongwa ya mone elongo,” okwa ti.

Elongo olyaayehe: aafupi naale

Comments

Namibian Sun 2025-06-17

Please login to leave a comment

Elongo olyaayehe: aafupi naale

Comments

Namibian Sun 2025-06-17

Please login to leave a comment

Login