Twee hoofstad-spanne kry die oorhand

Die twee kombinasies uit die hoofstad – die Northern Force en die Khomas Warriors - was aan die wenkant in die eerste van die Namibië Rugby-unie se bestemde drie MTC streektoernooie vir spanne van vyftien, wat Saterdag by die Hage Geingob-stadion in Windhoek afgeskop het. Met die Rugby Afrika-bekertoernooi wat in Julie voorlê en wat as regstreekse kwalifisering vir die 2027 Wêreldbeker in Australië sal dien, is die MTC streektoernooi ‘n geleentheid vir nie-amptelike proewe en verskeie spelers het gewys hulle behoort dopgehou te word.Die Northern Force, bestaande uit Unam- en United-spelers, het die Coastal Samurais (Kudus- en Dolphins-spelers) met 56-21 oorskadu, nadat die wenspan rustyd reeds op 28-0 ten volle in beheer van sake was.Vir die Northerns Force het losskakel Hanreco van Zyl twee onderskepdrieë in die eerste helfte gedruk en is as speler van die wedstryd aangewys. Die Unam-skrumskakel AJ Kearns (beste agterspeler) en Unam-flank Rowan Jansen (beste voorspeler, twee) en Unam-vleuel Quirione Majiedt (twee) was ook driedrukkers en uitblinkers vir die wenspan.AJ Zaahl (Unam-heelagter) was akkuraat met agt uit agt doelskoppogings.Die Coastal Samurais, wat heelwat onttrekkings te bowe moes kom van eerstekeusespelers wat nie saam kon reis nie, was met 0-42 agter en sal heelwat aandag aan hul samespel moet gee voor die volgende twee toernooie wat later in Rehoboth en by die kus voorlê. Hul uiteindelike driedrukkers was Aston Mukwiilongo (losskakel), Ray-Shawn Shoombe (skrumskakel) en reserwe-agterspeler Brandon Seister.Wedstryd 2Die Khomas Warriors (Wanderers en Western Suburbs-spelers) het teen die Hardap Wolves (Rehoboth, Reho Falcon en Grootfontein) deurentyd voorgeloop om pad na die oorwinning met 62-54 (rustyd 33-21), maar die Wolves het nooit moed opgegee nie – selfs toe hulle met 26-50 agter was.Vir Khomas is die flank Sheron Rossouw as speler van die wedstryd bekroon. Net soos skrumskakel Jacques Theron en haker Kian Beyer (beste agter- en voorspeler) verteenwoordig hy Wanderers.Driedrukkers vir die wenspan was Jacques Theron, Kian Beyer, Sheron Rossouw, vleuels Natie Janse van Rensburg en Owen Hawanga, flank Dhale Cloete (2), haker Edward Drotsky, senter Danie van der Merwe en losskakel Denzo Bruwer.Vir Hardap Wolves, was die losvoorspelers Eloff du Plessis, Keynnen Basson en Johan Luttig ‘n hand vol. Hul terugevgpoging het ook munt geslaan uit die periode waarin Khomas drie spelers in die koelkas gehad het.Die verloorspan se drieë is deur stutte Duane Alexander en Carl-William Freyaging, Keynnen Basson (2), haker en kaptein Wikus Jacobs (2), slot Martinus Nekundi en ‘n strafdrie behaal.

Twee hoofstad-spanne kry die oorhand

Comments

Namibian Sun 2025-05-02

Please login to leave a comment

Twee hoofstad-spanne kry die oorhand

Comments

Namibian Sun 2025-05-02

Please login to leave a comment

Login