Okamati ko koRundu anuwa kadhipaga kakwawo

Konyala omimvo mbali dha piti po konima yedhipago lyomunamimvo 18 Alpo Malaka Sipilikita moRundu, okamati komimvo 17 oka pulwa ka holoke mompangu shina sha nedhipago ndika. Oshiningwanima, shoka sha halutha aakalimo yomoRundu, osha ningilwe momasiku 22 Septemba 2023, lwopotundi 22:00 koMillennium Park.Omufekelwa, Malakia Simuketa, okwa holoka mOmpangu yaMangestrata gwaRundu mEtitano lyaza ko komeho gomupanguli Selma Shiiga, ngoka u undulile oshipotha komeho komasiku ga4 gaMaalitsa opo shi ka pulakenwe.Omukwatakanithi gwomakonakono giimbuluma moKavango Uuzilo, Bonifatius Kanyetu, okwa koleke kutya omakonakono gomuule kombinga yekuthombinga lyaSimuketa medhipago ndika oga pwa, nepeko lyoshipotha she olya gandjwa komutamaneki- ndjai opo a ninge etokolo. Omutamaneki- ndjai okwa tokola kutya Simuketa na pangulilwe edhipago.Simuketa ota tamanekelwa iipotha ngaashi: edhipago, okuyuga, nokuya iilonga yopolisi mopala. Uusiku( esiku) wedhipago lyaSilipikita, anuwa Simuketa okwa ningile Annelie Costa omatilitho noku mu dhenga noku mu ulika ondjembo nolwanima okwa yaka po ongodhi ye, yongushi yoodola N$1,000. Ota tamanekelwa wo okuholeka ongodhi nondjembo ndjoka a longitha moshiningwanima nelalakano lyokuholeka uumbangi.Oluhodhi neyemato lyoshigwana Edhipago lyaSipilikita, omulongwa mOndondo 10, olya kumitha Aarundu. Aakalimo, aakwanezimo, naalongwa ooyakwawo oya ningi omunyanyo (oya holola omadhiladhilo gawo) mumvogu, taya pula Simuketa a mangwe po oshowo aapolisi ye endeleleke omakonakono.He yaSipilikita, Aloys Sipilikita, 60, okwa kala nokupopya kombinga yoluhodhi lwawo ongaakwanezimo nokombinga yokusilwa omwanamati, ngoka a ti okwa li e na ohenda nokwa li omulumentu te etitha omukumo.Moonkundathana noshikundaneki shoNamibian mumvogu, Aloys okwa hokolola nkene omwanamati nakuume ke ya li taya ende yu uka kegumbo sho ya lundilwa kutya oya yaka ongodhi. Sho Alpo inaa gandja ongodhi, okwa yahwa montulo.“Inandi uva nale omumwandje a yaka koskola nenge megumbo. Naalongi ye oya ti okwa li omuntu omuwanawa noku na ohenda,” Aloys a ti.He yaSipilikita a nika oluhodhi ota pula uuyuuki. “Onda hala opolisi yi mange po omuntu ngoka a dhipaga omumwandjemati nokupanga ndje. Otandi tsikile ngiini nonkalamwenyo ndaa ye mu na? Ondi shi aantu oyendji ya silwa oyana, ashike hamomukalo ngoka nda thigwa po komumwandjemati. Ohandi lili omutenya nuusiku,” okwa ti.Ekuthombinga lyoshigwana Sipilikita okwa dhimbulukiwa ongomulumentu omugundjuka omunawanawa ngoka a li e na ondjodhi yoku ka ninga ndohotola nenge indjiniya. Eso lye lyombaadhilila olye eta omaipulo ogendji kombinga yuukolokoshi wa vuka moshitopolwa, shoka she eta omaindilo opo egameno li kale lya kindja moshitopolwa.Oshipotha otashi tsikile, noyendji oya tegamena aakwanezimo lyaSipilikita ya talalekwe nokufudhithwa noya mone uuyuuki molwa eso ndika lyombaadhilila.

Okamati ko koRundu anuwa kadhipaga kakwawo

Comments

Namibian Sun 2026-03-26

Please login to leave a comment

Okamati ko koRundu anuwa kadhipaga kakwawo

Comments

Namibian Sun 2026-03-26

Please login to leave a comment

Subscription Required to Access Content ×

Login

Subscription Required to Access Content