Uutomeno waMeatco wopakathimbo owuli epondolo
Omalolelo guutomeno wehangano lyoMeat Corporation of Namibia (Meatco) ngoka ga ningilwa mokamba yiimuna yaMutambo Ribebe mOshitopolwa shaKavango West oga ulike kutya omukalo ngoka otagu ka likola iiyimati iiwanawa.
Okamba ndjoka otayi adhika oshinano shookilometa 50, mUuninginino waRundu nuutomeno mboka owa tameke okulongithwa momasiku 18 gaAguste nuumvo. Sha landula epondolo lyuutomeno mboka ngaashiingeyi otawu falwa mOshitopolwa shaKunene. Menindjela gwOmauyelele mehangano lyoMeatco, Rosa Hamukuaja-Thobias okwa lombwele oNampa mEtitatu lyoshiwike sha piti kutya ongeshefa otayi pula nawa komeho konima nkene ya tula miilonga uutomeno mboka. Okwa popi kutya oongombe dha thika po-95 odha dhipagwa konima nkene uutomeno mboka wa tulwa miilonga omwedhi gwa piti.
Oongombe 33 odha dhipagwa pokati komasiku 18 no-20 gaAguste nuumvo, omanga oongombe 62 dha tomwa pokati komasiku ga6 no-10 gaSeptemba.
Elalakano lyaMeatco okutoma oongombe 25 mesiku, na okuna aaniilonga yahamano muutomeno mboka.
“Meatco okwa pangele okufala uutomeno mboka mOshitopolwa shaKunene kwiikwatelelwa komwaalu gwoongombe dhoka tadhi tomwa moshitopolwa shoka. Omatomo natango otaga ningilwa moMutambo Ribebe uule woomwedhi mbali twa taalela,’ Thobias ta ti.
Meatco okwa tseyitha kuyele omvula ndjika kutya itaka longela we muutomeno wepangelo mOshakati mOshitopolwa shaShana oshowo moKatimaMulilo mOshitopolwa shaZambezi konima sho a kala nokukanitha iiyemo sho ta longele muutomeno mboka.
Ehangano inali lelepeka etsokumwe lyokulongela muutomeno mboka nuuminiteli wUunamapya, ihe pehala ehangano olya tula miilonga omulandu omupe gwokulongitha uutomeno wopakathimbo onga omukalo gwokufala kaaniimuna omayakulo guutomeno.
Thobias okwa popi kutya ehangano otali pangele okufala uutomeno mboka moBravo Gate momudhingoloko gwaShomeya okuya pehulilo lyaKotomba sigo oDesemba.
NAMPA
Okamba ndjoka otayi adhika oshinano shookilometa 50, mUuninginino waRundu nuutomeno mboka owa tameke okulongithwa momasiku 18 gaAguste nuumvo. Sha landula epondolo lyuutomeno mboka ngaashiingeyi otawu falwa mOshitopolwa shaKunene. Menindjela gwOmauyelele mehangano lyoMeatco, Rosa Hamukuaja-Thobias okwa lombwele oNampa mEtitatu lyoshiwike sha piti kutya ongeshefa otayi pula nawa komeho konima nkene ya tula miilonga uutomeno mboka. Okwa popi kutya oongombe dha thika po-95 odha dhipagwa konima nkene uutomeno mboka wa tulwa miilonga omwedhi gwa piti.
Oongombe 33 odha dhipagwa pokati komasiku 18 no-20 gaAguste nuumvo, omanga oongombe 62 dha tomwa pokati komasiku ga6 no-10 gaSeptemba.
Elalakano lyaMeatco okutoma oongombe 25 mesiku, na okuna aaniilonga yahamano muutomeno mboka.
“Meatco okwa pangele okufala uutomeno mboka mOshitopolwa shaKunene kwiikwatelelwa komwaalu gwoongombe dhoka tadhi tomwa moshitopolwa shoka. Omatomo natango otaga ningilwa moMutambo Ribebe uule woomwedhi mbali twa taalela,’ Thobias ta ti.
Meatco okwa tseyitha kuyele omvula ndjika kutya itaka longela we muutomeno wepangelo mOshakati mOshitopolwa shaShana oshowo moKatimaMulilo mOshitopolwa shaZambezi konima sho a kala nokukanitha iiyemo sho ta longele muutomeno mboka.
Ehangano inali lelepeka etsokumwe lyokulongela muutomeno mboka nuuminiteli wUunamapya, ihe pehala ehangano olya tula miilonga omulandu omupe gwokulongitha uutomeno wopakathimbo onga omukalo gwokufala kaaniimuna omayakulo guutomeno.
Thobias okwa popi kutya ehangano otali pangele okufala uutomeno mboka moBravo Gate momudhingoloko gwaShomeya okuya pehulilo lyaKotomba sigo oDesemba.
NAMPA
Comments
Namibian Sun
No comments have been left on this article