Utoni okwa kala a hala okuya nale – Swartbooi

Bernadus Swartbooi okwa popi kutya omukomeho gwe nale miilonga kuuministeli womavi, Utoni Nujoma, okwa li a hala nale okuthiga po iilonga.

Nonando ongaaka, aniwa Omupresidende Hage Geingob okwa tindi opo Utoni a ye onga oonkambadhala dhomukuuvitha naye nokuhanagula po uuthiga womukokoli presidende Sam Nujoma, ngoka e li he yaUtoni.

Swartbooi okwa popi ngaaka sha landula omapopyo ngoka ga ningwa kuUtoni kombinga yoshikumungu shevi moNamibia, pethimbo a ningwa naye oonkundathana koshikundaneki shoTV shoonkundana shaSouth Afrika.

Utoni okwa popi kutya Swapo kali we e na shoka ta vulu okuninga kakele okutaamba ko omusindalandu gwo ' gwomulandi a pyakudhukwa, nomulandithi' a hala pethimbo kwa ningwa onkundathana dhemangululo lyoshilongo.

Natango okwa tsikile kutya aakwiita yoSwapo oya zimine kwaashoka sha pulwa kaakolonyeki molwaashoka oya li ya loloka okukala mekondjo.

Swartbooi okwa nyana kutya Swapo okwa kala nokufundja kutya emanguluko olya za mekondjo ihe nani Swapo okwa li a loloka ekondjo.

Okwa popi woo kutya Geingob okwa gandja epapa lyuupenda kuSam Nujoma, na shoka oshi li etukano enene.

Okwa tsikile kutya egandjo lyepapa kuSam Nujoma onga omuleli nomukwateli komeho gwekondjelomanguluko lyaNamibia oshi li oshiyolithi niifundja yowala.

Okwa pula Utoni a thigepo iilonga ye ta gwedha po kutya AaNamibia oko naye tale hoka kuukwashili waaleli yawo mboka ya hogolola.

“Nenge na tidhwe miilonga, shoka Geingob ite shi ningi. Ngele okwa gandja ombili nena itaka zimina shi li epuko lye. Mepangelo ndika olye ta gumu omona gwaSam? Kape na nando ogumwe.”

Omunongononi gwonkalo yopolotika, Ndumba Kamwanyah okwa popi kutya ita itaala kutya Geingob ota kambadhala hanagulapo uuthiga waNujoma.

“Shapo ongele Swartbooi ta gandja uumbangi mwaashoka ta popi. Shoka ndi wete ngame okutya omupresidende ota longo opo a kaleke po uthiga we mwene ihe ita kambadhala a hanagulepo po mboka waNujoma.”

JEMIMA BEUKES