Oshinyangadhalwa shoBlue Kunene sha manithwa
Aantu yaali oya falwa nedhagadhaga meendelelo moshipangelo shaShakati okuza moshitopolwa shaKunene, konima shoo oondohotola dhomilitali dhe ya mono kutya otaya ehama noonkondo, pethimbo lyoshinyangadhalwa shopoloyeka yiilonga yoSADC yoBue Kunene ndjoka ya ningwa moshitopolwa shaKunene.
Aantu ye vulithe po-1 500 oya mono omakwatho gopaunamiti oshowo ootona dhiikulya dha thika po250 ndhoka dha topolelwa aakwashigwana yomiikandjo itatu moshitopolwa shaKunene.
Ngoloneya gwaKunene, Angelika Muharukua, okwa popi kutya opoloyeka ndjoka oya gandja ekwatho enene kaakwashigwana moshitopolwa shoka shi na oondundu noonkondo naakwashigwana yamwe oya kala ya patelwa pondje.
“Oshitopolwa shetu oshi na oondundu noonkondo naakwashigwana ohaya zi konima yoondundu ndhoka kaku na oopate. Pethimbo lyopoloyeka ndjoka aantu oya pewa omakwatho gopaunamiti oshowo iikulya mbyoka ya falwa nomadhagadhaga komahala ngoka. Shoka osha li eyambeko enene kutse molwaashoka monakuziwa otwa kala nokuhiila omadhagadhaga gaakwiita opo tu vule okugandja omakwatho ngoka kaantu yetu,” Muharukua ta ti.
Ngoloneya okwa popi kutya oshitopolwa shawo osha pumbwa aanambelewa yuunamiti opo ya kale nokugandja omakwatho gopaunamiti kaakwashigwana, unene mboka yeli kokule noopate.
Botswana, South Africa, Angola, Malawi, Tanzania, Zimbabwe na Namibia oyo ya gandja omakwatho ngoka giikwaniipangitho yopaunamiti, omadhagadhaga gopakwiita pethimbo lyoshinyangadhalwa shopoloyeka shoka dha ningwa okutameka momasiku o-20 gaAguste na otashi hulu mEtine.
Oshinyangadhalwa shoka osha ningwa melongelokumwe nOmbelewa yOmuprima gwaNamibia, koshikondo shoDisaster and Risk Management Unit, shoka sha gandja iikulya mbyoka ya topolelwa oshigwana.
Okwa li twa tula po uuklinika wopakathimbo momahala ngaashi Epupa, Opuwo Rural oshowo Sesfontein, naahoka aanambelewa mboka ya ka topola iikulya oya faalele aanambelewa yuunamiti.
Mboka ya monika kutya otaya ehama unene oya falwa moshipangelo sha Opuwo , oshowo aanuuvu yaali mboka ya tuminwa moshipangelo shaShakati. Aantu oyendji oya monika omikithi ngaashi ombinzi ya londa, ozindo, omayego taga ehama oshowo omauvu galwe ga yooloka.
Pethimbo lyoshituthi shemanitho lyoshinyangadhalwa shoka, oshituthi shoka sha ningilwa mondoolopa yaShakati mOmaandaha, Omukomeho gwEtanga lyEgameno lyaNamibia, Lieutenant-General John Mutwa, okwa popi kutya oshinyangadhalwa shoka osha pondola oshindji nonando okwa li kwa dhidhilikwa omaupyakadhi ga yooloka. Okwa tsu ompolo kutya oshinyangadhalwa shoka tashi landula otashi ka kandula po omaupyakadhi ngoka ga dhidhilikwa.
Mutwa okwa popi kutya omadhagadhaga geli 23 oga li ga longithwa pethimbo ndyoka, mokutopola ootona dhiikulya dhili 250.
ILENI NANDJATO
Aantu ye vulithe po-1 500 oya mono omakwatho gopaunamiti oshowo ootona dhiikulya dha thika po250 ndhoka dha topolelwa aakwashigwana yomiikandjo itatu moshitopolwa shaKunene.
Ngoloneya gwaKunene, Angelika Muharukua, okwa popi kutya opoloyeka ndjoka oya gandja ekwatho enene kaakwashigwana moshitopolwa shoka shi na oondundu noonkondo naakwashigwana yamwe oya kala ya patelwa pondje.
“Oshitopolwa shetu oshi na oondundu noonkondo naakwashigwana ohaya zi konima yoondundu ndhoka kaku na oopate. Pethimbo lyopoloyeka ndjoka aantu oya pewa omakwatho gopaunamiti oshowo iikulya mbyoka ya falwa nomadhagadhaga komahala ngoka. Shoka osha li eyambeko enene kutse molwaashoka monakuziwa otwa kala nokuhiila omadhagadhaga gaakwiita opo tu vule okugandja omakwatho ngoka kaantu yetu,” Muharukua ta ti.
Ngoloneya okwa popi kutya oshitopolwa shawo osha pumbwa aanambelewa yuunamiti opo ya kale nokugandja omakwatho gopaunamiti kaakwashigwana, unene mboka yeli kokule noopate.
Botswana, South Africa, Angola, Malawi, Tanzania, Zimbabwe na Namibia oyo ya gandja omakwatho ngoka giikwaniipangitho yopaunamiti, omadhagadhaga gopakwiita pethimbo lyoshinyangadhalwa shopoloyeka shoka dha ningwa okutameka momasiku o-20 gaAguste na otashi hulu mEtine.
Oshinyangadhalwa shoka osha ningwa melongelokumwe nOmbelewa yOmuprima gwaNamibia, koshikondo shoDisaster and Risk Management Unit, shoka sha gandja iikulya mbyoka ya topolelwa oshigwana.
Okwa li twa tula po uuklinika wopakathimbo momahala ngaashi Epupa, Opuwo Rural oshowo Sesfontein, naahoka aanambelewa mboka ya ka topola iikulya oya faalele aanambelewa yuunamiti.
Mboka ya monika kutya otaya ehama unene oya falwa moshipangelo sha Opuwo , oshowo aanuuvu yaali mboka ya tuminwa moshipangelo shaShakati. Aantu oyendji oya monika omikithi ngaashi ombinzi ya londa, ozindo, omayego taga ehama oshowo omauvu galwe ga yooloka.
Pethimbo lyoshituthi shemanitho lyoshinyangadhalwa shoka, oshituthi shoka sha ningilwa mondoolopa yaShakati mOmaandaha, Omukomeho gwEtanga lyEgameno lyaNamibia, Lieutenant-General John Mutwa, okwa popi kutya oshinyangadhalwa shoka osha pondola oshindji nonando okwa li kwa dhidhilikwa omaupyakadhi ga yooloka. Okwa tsu ompolo kutya oshinyangadhalwa shoka tashi landula otashi ka kandula po omaupyakadhi ngoka ga dhidhilikwa.
Mutwa okwa popi kutya omadhagadhaga geli 23 oga li ga longithwa pethimbo ndyoka, mokutopola ootona dhiikulya dhili 250.
ILENI NANDJATO
Comments
Namibian Sun
No comments have been left on this article