Omakonaakono goSME Bank taga tsikile

Omakonaakono ngoka taga tsikile moshikumungu shoSME Bank oga holola kutya oshimaliwa shoomiliyoan 150 shombaanga ndjoka shoka shi li oshitopolwa shoomiliyona 196 ndhoka dha pungulwa moMamepe Capital osha hulile momahangano ngoka ge na omayalulo gombaanga taga kwatakanithwa naanangeshefa aakengeli yaZimbambwe.Pokati ko 2013 no 2014, ombaanga yoSME Bank oya pungula oshimaliwa shoomiliyona 196 moMamepe Capital, ehangano lyaSouth Afrika ndyoka tali kwatelwa komeho kuMauwane Kotane, omutekulu gwanakusa Moses Kotane, ngoka a li ta pangulilwa oshipotha shuukulo oshowo omunapolotika gwongundu yoSouth African Communist Party.Nonando ongaaka oshike sha holoka po sho omakonaakono ngoka ga holola elyenge epe moka iimaliwa mbyoka ya kwatakanitha nomakenge gaZimbabwe. Aanambelewa mboka taya kwatele komeho oshikumungu shoka, David Bruni naIan McLaren oya lopota kutya oshimaliwa shoomiliyona 150 shomiimaliwa mbyoka yali ya pungulwa moMamepe investment osha lundululilwa momayalulo goombaanga dhomadhina ga yooloka ngaashi Asset Movement and Financial Services (AMFS), DMA Consultants, Mamepe Capital Asset Managers, Moody Blue and Transparency.com, nomayalulo goombaanga dhomahangano ngoka oga kwatathana. Oshimaliwa shoomiliyona 85.9 osha tulwa omayalulo gombaanga yoAMFS, ndjoka yi na oomomola yomayalulo gombaanga ya faathana nomayalulo goMamepe oshowo Moody Blue. Oshimaliwa konyala shoomiliyona 6 osha futwa momayalulo gombaanga yoDMA Consultants ndjoka yi na omayalulo gombaanga ga faathana noMamepe Capital. Mamepe Capital Asset Managers, ndjoka yi na oonomola dhomayalulo gombaanga ga faathana naangoka goAMFS oshowo Moody Blue, oya mono oomiliyona 87.3. Omiliyona 1.6 oya futwa momayalulo gombaanga yoMoody Blue nomayalulo ngoka oge na onomola ya faathana nomayalulo goAMFS noMamepe Capital. Oshimaliwa shoomiliyona 8 osha futwa momayalulo gombaanga yoTransparency.com nomayalulo ngoka oge na onomola yomayalulo ya faathana naandjoka yoMamepe Capital.Pandokumende dha monika koNamibia Sun, omupunguli gumwe gwoAMFS omukwashigwana gwaZimbambwe gwedhina Chamu Tsvakai, ngoka kwa hololwa kutya omukalimo gwomo Johannesburg moSandton oku na ekwatathano naanangeshefa yaBenoni.Poompito yimwe AMFS okwa tula po etskumwe lyomukuli, nOmulunga Capital Investments, moka Cosmas Mushininga kwa kolekwa kutya okwa li omukomeho gwehangano pethimbo etsokumwe ndyoka lya ningwa. Mushininga, ngoka e li omukwashigwana gwaZimbabwe, okwiihokolola kutya omunangeshefa Omukriste kepandja lye lyoTwitter na oku na oongeshefa moZimbabwe, Zambia naNamibia.Inaku gandjwa uuyelele owundji kombinga yetsokumwe ndyoka lya ningwa, ihe pethimbo uulingilingi mboka wa hololwa moSME Bank, Mushininga okwa kala ta popi koTwitter kombinga yolweendo lwe okuya koGermany oshowo moDRC. Momapopyo ge gamwe okwa popiwa kutya omukengeli e na iimaliwa. Bruni naMcLaren otaya tengeneke kutya oomiliyona 196 ndhoka dha tulwa momapungulo moMamepe, oomiliyona owala 32.7 dha monika. Omukomeho nale gwomayalulo gopashimaliwa moSME Bank, Mathews Kanyenze, ngoka e li omukwashigwana gwaZimbabwe, okwa shanga moopota ya ningwa muAguste mo 2017 kutya epungulo lyoMamepe olya li elombwelo lya ningwa komukomeho nale gwombaanga ndjoka, Tawanda Mumvuma, ngoka e li woo omukwashigwana gwaZimbabwe.Okwa shanga kutya Mumvuma okwa gandja elombwelo koshikondo shiiyemo mehangano ndyoka kohi yelelo lyaJoseph Banda (omukwashigwana gwaZimbambwe) opo ya kuthe iimaliwa komayalulo gombaanga nokutula iimaliwa mbyoka momayalulo goombaanga dhehangano lyoMamepe okupitila moombaanga dha yooloka moSouth Afrika.Kanyenze okwa popi kutya omulandu gwokuninga omatumo giimaliwa ngoka, ogwa yandwa pethimbo kwa tumwa iimaliwa mbyoka. Okwa tsikile kutya sho 2016 sho etumo lyiimaliwa mbyoka lya lopotelwa Ombaanga Onene mOshilongo, oshikondo shawo shomayalulo osha holola nale omaiyuvo gasho okutameka mo 2014, moolopota dhawo dhombaanga koshikondo shocompliance and anti-money-laundering department.Ombaanga ndjoka oya li ya pewa iimaliwa yomapungulo kiiputudhilo yepangelo ya yooloka mbyoka ya kala woo tayi kambadhala okukutha mo iimaliwa yawo mwakwatelwa oNational Energy Fund, kohi yuuministeli wiikwamina sho ya kala yahala okunana ko oshimaliwa shawo shoomiliyona 368.4. Epungulo ndyoka olya li tali vulu okukuthwa mo muSepetemba gwomvula ya piti ihe oshimaliwa shoomiliyona 117.6 osha li meyalulo lyomapungulo tali ithanwa call account na kasha li shi na kutya otashi vulu okukukwako uunake.Momasiku ga 5 gaJuli, oshiputudhilo shoGovernment Institutions Pension Fund (GIPF) osha li shahala okukuthako iimaliwa yasho yoomiliyona 100 mbyoka sha pungula mombaanga ndjoka. Social Security Commission (SSC) naye okwa pungula oshimaliwa shoomiliyoan 150 nombaanga ndjoka. NamWater ngoka a li a pungula oomiliyona 140 okwa li a mono ko oomiliyona 90 okuza momapungulo ge. Bruni naMcLaren oya holola momikanda dhawo dhompangu kutya okuya momwedhi Kotomba mo 2017 omaindilo owala giimaliwa ya pungulwa mombaanga ndjoka geli 600 gomomaindilo 24 700 ga futwa. Ookastoma dhombaanga ndjoka dhathika po 18 000 odha gumwa. CATHERINE SASMAN

Omakonaakono goSME Bank taga tsikile

Comments

Namibian Sun 2026-03-13

Please login to leave a comment

Omakonaakono goSME Bank taga tsikile

Comments

Namibian Sun 2026-03-13

Please login to leave a comment

Subscription Required to Access Content ×

Login

Subscription Required to Access Content