NamPower a kutha ko manga eyandjakaneko lyolusheno moKhomas

NamPower oshowo elelo lyoshitopola shaKhomas, oya ningi etsokumwe opo ehangano ndyoka li kutheko oshinakugwanithwa sheyandjakaneko lyolusheno oshowo iilonga yiikwamalusheno moshitopolwasha Khomas, sigo uuna ehangano lyoCentral Regional Electricity Distribution Company (Central RED) lya tameke iilonga. Pahapu dhangoloneya gwoshitopolwa shaKhomas, Laura McLeod-Katjirua, oshitopolwa osha kala tashi nana nondatu mokulonga nokulakekapo iikwamalusheno yawo.Okwa popi kutya nonando elelo ndyoka olya kala li na ehalo enene nokwiitulamo mokuyandjakaneka olusheno miitopolwa yomuushayi moshitopolwa, kaye na iikwaniipangitho ya gwana okugwanitha po iilonga.Pethimbo lyoshikakomvula sha piti, elelo lyoshilando shaVenduka olya tula miilonga opoloyeka yongushu yoomiliyona dhontumba ndjoka ya nuninwa okugandja omeya ga yogoka oshowo omayakulo giiyekelwahi kaakwashigwana yomumudhingoloko gwaHavana, mboka opo yali ya pewa oomahala gawo gokukala kelelo lyoshilando. Opoloyeka ya faathana otayi landula momidhingiloko ngaashi Otjomuise, Katutura oshowo Havana. Ngoloneya okwa popi kutya nonando ongaaka, shoka otashi vulu owala okuningwa ngele ope na iiyemo ya gwana.McLeod-Katjirua natango okwa popi kutya elelo lyoshilando shaVenduka, otali ningi omakonaakono opo li tale ngele ope na ompito yokugwedhela iikwaniipangitho yawo mbyoka ya nuninwa yokukutha omeya moonzo dhomeya gomevi moshilando. Shoka oshi li oshitopolwa shoompangela dhelelo lyoshilando okugandja omeya ga yogoka kaakalimo. Ngoloneya okwa popi kutya konima sho kwa Ii kwa tseyithwa etukuko lyomukithi gwohepatitis E moshilando, okwa ningwa omalongekidho nokwiitulilwa oshimaliwa sha thika poomiliyona 5 shoka sha nuninwa okuyambulap onkalo uuyogoki kaakwashigwana ngaashi uundjugo oshowo omeya ga yogoka.Okwa tsikile kutya oshilando osha longitha iimaliwa ya thika poomiliyona 4.1 okutameka Januari gwonuumvo opo ku tungwe ominino dhomeya dhoshinano shookilometa 18 , ndhoka dha nuninwa okugandja omeya gokunwa ga yogoka miikandjohogololo ngaashi Moses //Garoëb oshowo Samora Machel.Onga oshitopolwa shoopoloyeka ndhoka dha nuninwa okukondjitha omukithi gwoHepatitis E oshowo Listeriosis oshilando otashi tungupo ominino dhomeya dhi li 370 oshowo okugandja uundjugo wu li 88 momalukanda. Kohi yoUnder its Strategic Funding for Financial Sustainability, elelo lyoshilando olya pondola okumona iiyemo ya thika poomiliyona 40 ya nuninwa oshiketha shawo sho Township Development Fund. Omolwa etukuko lyohepatitis E oshowo listeriosis iimaliwa mbyoka ya li ya nuninwa okuyambulapo omalukanda ngaashi Okahandja Park A, B, C, D oshowo Onyika, oya longithwa mo mekandeko nekondjitho lyomikithi ndhoka. Natango okwa totwa ompangela tadhi ithanwa Emergency Response Plan ndhoka dhi li metifa lyokutulwa miilonga, sha landula etukuko lyomikithi ndhoka.Momutumba gwelelo ngoka gwa ningwa momasiku 31 Januari 2018 okwa ziminwa oomiliyona 32 dhi longithwe mekondjitho lyohepatitis. Oomiliyona 17 odha longithwa momvula yo 2017 omanga 15 tadhi longithwa nuumvo.ELLANIE SMIT

NamPower a kutha ko manga eyandjakaneko lyolusheno moKhomas

Comments

Namibian Sun 2025-08-15

Please login to leave a comment

NamPower a kutha ko manga eyandjakaneko lyolusheno moKhomas

Comments

Namibian Sun 2025-08-15

Please login to leave a comment

Login