Aaniilonga yomomeya ya ningi ekanka

Konyala aaniilonga yomomeya ya thika po 300 oya ningi ekanka pondje yokapale kaKuisebmond mOmbaye, ye li ompinge negandjo lyomboloha koominista nale Bernhardt Esau oshowo Sakeus Shanghala, mboka ye li aatamanekwa moshipotha sho 'Fishrot'.Aalongi yomomeya mboka ayehe kaaye na iilonga omolwa omakutho miilonga ga ningwa moshikondo shokukwata oohi muule woomvula ntano dha piti, oya ningi ekanka ya humbata omapulakata ga shangwa “inaku gandjwa omboloha kuEsau naShanghala oshowo yakwawo”, “Esau, Shanghala oshowo yakwawo aanuulingilingi, omalandwambongo”.Ngoka a li nale omuunganeki gwopashitopolwa mehangano lyoMetal Mining Maritime and Construction (MMMC) kohi yoNANLO (Namibia National Labour Organisation), Petrus Immanuel okwa holola okuuva nayi kwe kombinga nkene oshikondo shoohi tashi kondololwa moNamibia na okwa pula oshikondo shuuyuki sho ungaunge naatamanekwa mboka, pamukalo ngoka haya ungaunga naakwashigwana yalwe.“Otwa mono kutya aantu ngaashi minista nale yuuyuki, Sacky Shanghala oshowo ominista nale yoshikondo shoohi noonzo dhomomeya, Bernhard Esau oya kutha ombinga muulingilingi mboka omolwa uuwanawa wawo yoyene.”“Otwa kala tatu ipula tseyene omapulo kutya, ehangano lyaAsia lya tseyika moNamibia nedhina ArticNam Fishing olya kala nokumona ookota dhokukwata oohi okuza kuminista nale, Bernhard Esau nokukutha ombinga miikumungu ya nuninwa okwiiyambapaleka ihe Aanamibia mboka taya longele ehangano ndyoka oye li momapandanda molwaashoka itali vulu we okuya futa oondjambi.”Pahapu dhaImmanuel aaniilonga Aanamibia ye li po 46 oya kuthwa iilonga mehangano ndyoka nehangano lyoArticNam Fishing olya kutulula miilonga aaniilonga yopakathimbo nomaipopilo kutya itali vulu we okufuta aaniilonga Aanamibia.“Ihe ehangano ndyoka olimwe lyomomahangano ngoka taga futu minister omolwa uuwanawa wawo yene,” Immanuel a popi.Immanuel natango okwa popi kutya hahende, Sisa Namandje, ngoka naye kwa hololwa e li oshitopolwa shoshikumungu shoka konima sho uuyelele mboka wa hololwa pankundana tayi ithanwa “The Anatomy of a Bribe” ndjoka ya pithwa komalungula koshikundaneki shoAl Jazeera, ina pitikwa okukutha ombinga miikwaveta sigo omakonaakono ga manithwa.Okwa popi kutya omukanda gwiilonga gwaNamandje nagu kuthwe oonkondo sigo omakonaakono gapu nongele inashi ningwa, nena oku na edhilaadhilo kutya moshikumungu shoka omwa kwatelwa aantu oyendji.Oonakutamanekwa melyenge ndyoka lyuulingilingi ongaashi minista nale, Sacky Shangala, Bernhard Esau, omunashipundi nale gwelelo lyoFishcor, James Hatuikulipi, omunangeshefa Fitty Hatuikulipi, omuniilonga nale gwehangano lyoInvestec Asset Management Ricardo Gustavo oshowo Pius Mwatelulo.Oshipotha shaalumentu mboka osha undulilwa komasiku 20 gaFebruali momvula yo 2020, naamboka otaya kala mondjeedhililo yaSeeis pondje yaVenduka.ADOLF KAURE

Aaniilonga yomomeya ya ningi ekanka

Comments

Namibian Sun 2025-05-02

Please login to leave a comment

Aaniilonga yomomeya ya ningi ekanka

Comments

Namibian Sun 2025-05-02

Please login to leave a comment

Login