Shangula ta ka ya moshipundi shevululuko

Minista yuundjolowele, Dr Kalumbi Shangula (76), ota ka ya moshipundi shuukuluntu momasiku 20 Maalitsa konima yokulonga nokuyakula ethimbo nuule moshikondo shuundjolowele. Mokwiilongekidha kwe okuya moshipundi shevululuko, Shangula okwa shuna konima nokudhiladhila iilonga ye, ekuthombinga lye moshikondo shuundjolowele, okwa holola wo oondjodhi dhe dhomonakuyiwa.Shangula okwa valwa momasiku 8 Auguste 1948, mEtilyasa, mOshitopolwa shaMusati. Okwi ilongele uunamiti moMoscow, noku na wo odiploma muundjolowele woshigwana okuza kouniversiti yaHarvard, oku na wo onzapo yopombandambanda ( MSc) muunamiti nouniversiti yaLondon noshowo onzapo yopombandambanda muunangeshefa(MBA) okuza koshiputudhilo shoMaastricht School of Management.Pethimbo lyekondjelomanguluko lyoshilongo shetu, Shangula okwa li omukuluntu gwomayakulo guundjolowele metanga lyokakulumbwati (PLAN), taga gandja omakwatho ga pumbiwa gopaunamiti kaakwiita.Sho oshilongo sha manguluka, okwa longele oshikondo shuundjolowele poopoosa ngaashi: ongomukuluntu gwoshipangelo, omukuluntuwiliki gwuundjolowele pashitopolwa nomupehawiliki gwoUniversiti yaNamibia. Okwa longo wo ongamushanga ta kalele momauministeli guundjolowele nonkalo nawa noshowo gomidhingoloko nomatalelepo.Ethimbo edhigu Mu Desemba 2018, nakusa omupresidente Hage Geingob okwa ulike Shangula a ninge ominista yuundjolowele. Okuwilika kwe okwa taalelwa komashongo omanene gopaunamiti ngaashi: etukuko lyomukithi gwekomba gwoCovid-19.Pethimbo lyelelo lye, uuministeli owa tula po oondjikila dhomalweendo niikonga yomatuntilo oya li tayi lalakanene okukondolola etaandelo lyoshivu shika.Sho ngeyi ti ilongekidhile okuya moshipundi shuukuluntu, Shangula okwa ti okwiilongekidha okugandja oshipundi kuyalwe. “Opolitika kayi shi iilonga yaaluhe,” okwa ti. “Ethimbo ohali ya uuna ndoka ku na okutsikilwa kugulwe.” Okwa gwedha po kutya ota longekidha “olopota yaashoka a longa ” opo a kwathele naku mu landula opo ya taambathane ewiliko nawa.Nonande ota etha po opolitika , Shangula ita ka etha po thiluthilu okulonga moshikondo shuundjolowele. “Itandi kala ndaa shi ondohotola,” okwa ti. Okwa holola wo ohokwe ye yokunyola omambo, oshoka okwa nyola nale okambo kamwe. “Ope na oshindji nda tsakaneka miilonga yandje shoka nda hala okugandja koshigwana ,” okwa ti.Kakele kokunyola omambo nokukala ondohotola yopaunamiti, Shangula okwa ti okwa hala onkalamwenyo ya ngungila sho e li mopenzela, notashi vulika a ninge omunafaalama. Kakele, oshilonga a longa moshikondo shuundjolowele moNamibia otashi kala nokudhimbulukiwa aluhe noku li mopenzela.Shangula okwa gwedha po kutya sho inaa shuna momusholondondo gwiilyo yOmutumba gwoPashigwana hamolwaashoka a kanitha omukumo, ashike oshaashi a hala okuya mopenzela.

Shangula ta ka ya moshipundi shevululuko

Comments

Namibian Sun 2026-03-26

Please login to leave a comment

Shangula ta ka ya moshipundi shevululuko

Comments

Namibian Sun 2026-03-26

Please login to leave a comment

Subscription Required to Access Content ×

Login

Subscription Required to Access Content