Oshigwana osha yuulukwa uupomba womeya momagumbo gawo
• Enota tali tyakaleke kOnooli
Kaanamagumbo oyendji, mwa kwatelwa uunona, oku ka teka omeya komakule oshilonga shawo shesiku kehe.
Kenya KamboweWindhoek
Nonande epangelo olya kambadhala okwaagandjaneka omeya ga yela koshigwana, aanamagumbo oyendji kOnooli otaya si enota, oshoka omeya ga yela otaga monika komuthipa gweho.
Mehuliloshiwike twa zi, aantu oyendji mwa kwatelwa nuunona uushona owa tsakanekwa kEwi lyaNooli mondjila yEenhana-Okongo taya hingi uundongi wa humbata omandini gomeya taya ka teka omeya.
Limwe lyomashongo omanene ya taalela ongaashi okweenda oshinano oshile shookilometa 10 okuya nokugaluka koku kateka omeya.
Onkalo osho yi li ngaaka mOnooli mwa kwatelwa nomoKavango, onkalo ndjoka Ewi lyaNooli ya kundaneka lwiikando oyindji.
Mo2019, nakusa Presidente Hage Geingob okwa tile oopelesenda 95% dhomagumbo ohadhi vulu okumona omeya ga yela, ashike paushili onkalo hasho yi li ngaaka.
Momukunda Elundalyondjaba popepi nOkongo, uumatyona uyali owa monika tau hingi uundongi wawo tau ka teka omeya ookilometa mbali kokule negumbo.
Uumatyona mbuka owa tindi okupopya omadhina gawo, ashike owa li wa fatulula kutya osho omukalondjigilile kuyo oku ka teka omeya, ashike uuyuni wawo otau ka gwana po ngele limwe lyomomasiku maandjawo tamu ya opomba yomeya.
“Osho twa kala ngeyika. Ohatu kutha uundongi nomayemele noku ka teka omeya getu,” uumati wa hokolola.
“Aavali yetu itaya vulu oku tu etela omeya popepi, onkene oyo onkalamwenyo yetu ndjika ashike ngele otwa mono okapomba komeya maayetu, otatu ka nyanyukwa noku shi pandula noonkondo.”
Moshipopiwa she kombinga yonkalo yoshitopolwa petameko lyomwedhi nguka, ngoloneya gwoshitopolwa shaHangwena, Kadiva Hamutumwa okwa tumbula oopoloyeka odhindji ndhoka dha tulwa miilonga nelalakano lyokukandula po enota moshitopolwa.
“Omeya ogo omwenyo. Nonando ongawo, oshigwana shetu oshindji shokuushayi osha taalelwa keshongo enene ngele tashi ya kokumona komeya ga yela, uundjugo nomahupilo omawanawa, unene tuu muuzilo woshitopolwa shaHangwena,” okwa ti.
Okwa holola kutya omumvo gwa zi ko, ominino ndatu omifupi odha fulwa, omunino gumwe moshikandjohogololo shEenhana nambali moshikandjohogololo shaNgenga koN$ 400 000.
Okwa gwedha po kutya oowili dhomeya gopaumwene odha tulwa momagumbo 492 moshitopolwa ashihe.
Oombooloa hamano odha fulwa mOshuudiya, mOkamanya, mOhaihai, mOkampinyona, mEembidi nomOmbuwa yomunghete miikandjohogololo Omundaungilo, Oshikunde nOkongo koshimaliwa shoomiliona N$3.8.
Oomboola 12 oonde odha fulwa mOshipya, mOnamundidi, mEeshii, mOnaisiyo, mOkakango ka Sheuyange, mOkahaluni, mOmatunda, mOkahauwangwena, mOkaludilona, mOmbulu, mOshifitu, mEpumbu, oomboola odho opalekwa momikunda Omulamba nOkashakati kaNghipunya miikandjohogololo Oshikunde, Epembe nOkongo koshimaliwa shoomiliona N$23.
“Ondama yimwe oya lafululwa kOnangwe moshitopolwa shaMulonga koomiliona N$1.9. Oondama hamano odha fulwa miikandjohogololo Endola, Engela, Ohangwena, Oshikango, Ondobe nOngenga koshimaliwa shoomiliona N$1.8,”
“Opomba oya tulwa mondama yElakalapwa moshitopolwa shaNgenga koshimaliwa N$32 500.”
Hamutumwa okwa ti opoloyeka yOhangwena 2 Wellfield Project otayi lalakanene okutamununa mo ominino dhomeya opo ku andjaganeke omeya ga yela mEenhana nomomidhingoloko dhopopepi.
“Omwa kwatelwa okufula uundama wokweekelahi omeya goshimongwa, okuninga nawa oomboola, okutamununa mo ominino dhomeya, nokuhwepopaleka oompungulilo dhomeya opo ondjuulukwe yokupomba oolitela oomiliona 10 mesiku okuthika ko2037 yi tsakanithwe,” okwa ti.
“Opoloyeka ndjika otayi tulwa miilonga kehangano lyoNAMWATER payambidhidho lyoshimaliwa sha za kOmbaanga yOmapendulopo moAfrica.”
[email protected]
Nonande epangelo olya kambadhala okwaagandjaneka omeya ga yela koshigwana, aanamagumbo oyendji kOnooli otaya si enota, oshoka omeya ga yela otaga monika komuthipa gweho.
Mehuliloshiwike twa zi, aantu oyendji mwa kwatelwa nuunona uushona owa tsakanekwa kEwi lyaNooli mondjila yEenhana-Okongo taya hingi uundongi wa humbata omandini gomeya taya ka teka omeya.
Limwe lyomashongo omanene ya taalela ongaashi okweenda oshinano oshile shookilometa 10 okuya nokugaluka koku kateka omeya.
Onkalo osho yi li ngaaka mOnooli mwa kwatelwa nomoKavango, onkalo ndjoka Ewi lyaNooli ya kundaneka lwiikando oyindji.
Mo2019, nakusa Presidente Hage Geingob okwa tile oopelesenda 95% dhomagumbo ohadhi vulu okumona omeya ga yela, ashike paushili onkalo hasho yi li ngaaka.
Momukunda Elundalyondjaba popepi nOkongo, uumatyona uyali owa monika tau hingi uundongi wawo tau ka teka omeya ookilometa mbali kokule negumbo.
Uumatyona mbuka owa tindi okupopya omadhina gawo, ashike owa li wa fatulula kutya osho omukalondjigilile kuyo oku ka teka omeya, ashike uuyuni wawo otau ka gwana po ngele limwe lyomomasiku maandjawo tamu ya opomba yomeya.
“Osho twa kala ngeyika. Ohatu kutha uundongi nomayemele noku ka teka omeya getu,” uumati wa hokolola.
“Aavali yetu itaya vulu oku tu etela omeya popepi, onkene oyo onkalamwenyo yetu ndjika ashike ngele otwa mono okapomba komeya maayetu, otatu ka nyanyukwa noku shi pandula noonkondo.”
Moshipopiwa she kombinga yonkalo yoshitopolwa petameko lyomwedhi nguka, ngoloneya gwoshitopolwa shaHangwena, Kadiva Hamutumwa okwa tumbula oopoloyeka odhindji ndhoka dha tulwa miilonga nelalakano lyokukandula po enota moshitopolwa.
“Omeya ogo omwenyo. Nonando ongawo, oshigwana shetu oshindji shokuushayi osha taalelwa keshongo enene ngele tashi ya kokumona komeya ga yela, uundjugo nomahupilo omawanawa, unene tuu muuzilo woshitopolwa shaHangwena,” okwa ti.
Okwa holola kutya omumvo gwa zi ko, ominino ndatu omifupi odha fulwa, omunino gumwe moshikandjohogololo shEenhana nambali moshikandjohogololo shaNgenga koN$ 400 000.
Okwa gwedha po kutya oowili dhomeya gopaumwene odha tulwa momagumbo 492 moshitopolwa ashihe.
Oombooloa hamano odha fulwa mOshuudiya, mOkamanya, mOhaihai, mOkampinyona, mEembidi nomOmbuwa yomunghete miikandjohogololo Omundaungilo, Oshikunde nOkongo koshimaliwa shoomiliona N$3.8.
Oomboola 12 oonde odha fulwa mOshipya, mOnamundidi, mEeshii, mOnaisiyo, mOkakango ka Sheuyange, mOkahaluni, mOmatunda, mOkahauwangwena, mOkaludilona, mOmbulu, mOshifitu, mEpumbu, oomboola odho opalekwa momikunda Omulamba nOkashakati kaNghipunya miikandjohogololo Oshikunde, Epembe nOkongo koshimaliwa shoomiliona N$23.
“Ondama yimwe oya lafululwa kOnangwe moshitopolwa shaMulonga koomiliona N$1.9. Oondama hamano odha fulwa miikandjohogololo Endola, Engela, Ohangwena, Oshikango, Ondobe nOngenga koshimaliwa shoomiliona N$1.8,”
“Opomba oya tulwa mondama yElakalapwa moshitopolwa shaNgenga koshimaliwa N$32 500.”
Hamutumwa okwa ti opoloyeka yOhangwena 2 Wellfield Project otayi lalakanene okutamununa mo ominino dhomeya opo ku andjaganeke omeya ga yela mEenhana nomomidhingoloko dhopopepi.
“Omwa kwatelwa okufula uundama wokweekelahi omeya goshimongwa, okuninga nawa oomboola, okutamununa mo ominino dhomeya, nokuhwepopaleka oompungulilo dhomeya opo ondjuulukwe yokupomba oolitela oomiliona 10 mesiku okuthika ko2037 yi tsakanithwe,” okwa ti.
“Opoloyeka ndjika otayi tulwa miilonga kehangano lyoNAMWATER payambidhidho lyoshimaliwa sha za kOmbaanga yOmapendulopo moAfrica.”
[email protected]
Comments
Namibian Sun
No comments have been left on this article