Oondjo dhiimaliwa yokufuta oolisensa dhiiyenditho dha dhimwa po

Ehangano lyoRoad Fund Administration (RFA) olya dhimi po oondjo dhoomiliona N$371 dha zi miihohela nomageelo gokwaafuta iifuta dhoolisensa dhiihauto. Omunambelewa omukuluntupitithi gwoRFA Ali Ipinge okwa tseyitha momwedhi gwa zi ko kutya Oveta yoRoad Fund Administration oya talululwa, nomalunduluko ngoka ga yile miilonga mo2022 noshowo mo2024, ngoka taga pitike opo ku dhimwe po oongunga dha zi miihohela nomomageelo ngoka ga kala inaga futwa muule woomvula ndatu oku uka pombanda.Shi ikolela kuye, oveta otayi kwatha omukalo gwokugongela oongunga gwehangano lyoRFA gwaa gwilile po unene ehangano noshowo osystema yawo yaNaTIS, otayi hwepopaleke okwiilongekidhila shoka tashi holoka po noshowo okulonga pauyuuki mokuungaunga noongunga dhoolisensa dhiiyenditho, notayi kwathele mokwiiyutha koveta pakukutha po omainda ngoka ge li po ngashingeyi noge etwa koongunga dha ndumbala molwiihohela nomageelo inaga futwa.“Oveta ndjika inayi guma owala iikwambelewa; ashike oyo woo esindano enene pankalathano-mahupilo. Oveta ndjika ya talululwa oya koneka kutya aaNamibia oyendji otaya hupuu shokadhila, omanga kombinga onkwawo otayi kwashilipaleke kutya mboka taya vulu okufuta otaya futu pethimbo. Oya tala koombinga adhihe kokukala nohenda nonoshimpwiyu, okwiilongekidhila omalunduluko noshowo okukwata nawa oshimaliwa,” okwa ti.Oongunga ndhoka inaadhi adha koomvula ndatu, oveta ngashingeyi oya gwedha po ethimbo lya gwedhwa po lyokufuta, okwa gwedha po. Ooyene yiiyenditho otaya vulu okuninga omaindilo opo ya uvathane nehangano opo iihohela nomageelo ga futwe konale. IihohelaNonande iifuta yoolisensa dhiiyenditho natango otadhi futwa, iihohela nomageelo itaga futwa we shampa eindilo lyoye lya ziminwa, Ipinge a ti. Okwa tseyitha kutya iihohela nomageelo ga konda poomiliona N$245 ngashingeyi otaga dhimwa po.Omaindilo gokusilwa ohenda otaga ka talwa kokakomitiye kehangano lyoRFA ke na sha niihohela ya gwedhwa kiifuta yoolisensa dhiiyenditho nomageelo, okakomitiye hoka taka ka gandja omathaneko gako kOmunambelewa Omukuluntupitithi gwehangano lyoRFA. Etokolo lyOmunambelewa Omukuluntupitithi gwoRFA natango olya pumbwa okuziminwa kewilikongundu lyoRFA. Koongunga ndhoka dha konda pomiliona yimwe, Omunambelewa Omukuluntupitithi na gandje omathaneko gokusilwa ohenda huka kominista yiimaliwa ngoka oye e na okugandja eziminino, Ipinge a ti.Okwa dhenge omuthindo kutya epondolo mokutula miilonga omalunduluko ngaka oli ikwatelela kelongelokumwe ewanawa lyaRoads Authority naNaTIS.

Oondjo dhiimaliwa yokufuta oolisensa dhiiyenditho dha dhimwa po

Comments

Namibian Sun 2026-03-26

Please login to leave a comment

Oondjo dhiimaliwa yokufuta oolisensa dhiiyenditho dha dhimwa po

Comments

Namibian Sun 2026-03-26

Please login to leave a comment

Subscription Required to Access Content ×

Login

Subscription Required to Access Content