Omuleli goshilongo okwa ti kapena ngoka e vule ompango

Presidente Netumbo Nandi-Ndaitwah okwa tikapuna omuntu,elelo nenge oshiputudhilo sha sha shi vule ompango, ta gwedha po ta ti epangelo oli na oshinakugwanithwa okulonga noshimpwiyu, uuyuuki nokukondjitha uulingilingi.

Ta popi pepatululo lyomutumba goparliamente ontitatu mEtiya, omuleli goshilongo okwa tsu omuthindo kutya elalakano ka li shi kokuthenyena oohandimwe kongudhi ndele okukalekapo nokutungulula einekelo lyoshigwana miiputudhilo ya yooloka yepangelo.

Omupelesindente okwa lombwele aaningiveta kutya elelo lyoshilongo Namibia oli li momake gaakalimo yasho. 

“Egumbo lyomutumba gopashigwana ka li na ashike oshinakugwanithwa okutota ooveta ndele okukwatelapo ongushu nuushili wegumbo ndika lyasimana, oshoka omulilepo aaNamibia ayehe,” pelesindente ta ti ngaaka.

Okwa gwedha po ta ti: “Oompata dhi na oshilonga odho ekankameno lyuundemokoli wetu, ashike nadhi kale tadhi ningwa nesimanekathano, momukalo omwaanawa nonelalakano”.

Lundululeni oonkalamwenyo 

Nandi-Ndaitwah okwa ti aakwashigwana oya tegelela aakalelipo yawo mboka ye ya hoogolola ya longe neitulemo, yo ya ye moompata ndhoka tadhi eta omakandulepo gomikundu,ya pitithe ooveta dhoka tadhi lundulula oonkalamwenyo osho wo okukwathela mehumithokomeho nawa lyomalelo goshilongo. 

Ta ti okwiiyutha kooveta osho Oshinima oshinene okukaleka po ombili, uuyuuki nekumokomeho lyoopalela. 

Omupelesindente okwa ti oomvula dha piti, egumbolyomutumba gopashigwana olya tala nokuthaneka oothanekwaveta dha yooloka ngaashi onthanekwaveta yi na sha nokulanda nokulanditha, onthanekwaveta tayi lundulwa ontontwaveta yomalelo giitopolwa, othanekwaveta yevi, othanekwaveta tayi lundululwa ontotwaveta yomalelo gomahangano gayama kepangelo, othanekwaveta yuundjolowele wopamadhiladhilo osho wo othanekwaveta tayi lundululwa ontotwaveta yomalando nomalanditho.

Okwa li wo kwa ningwa omatseyitho opo kutotwe othanekwaveta yi na sha netonatelo lyaayaluli yiimaliwa naaniiniwe, othanekwaveta tayi lundulula ontotwaveta yiifendela pakulikola osho wo othanekwaveta tayi lundulula ontotwaveta yiikwamahooli nohaasa

Ashike oothanekwaveta adhihe dhika omugoyi, mbali ahike dha pitithwa dhoka dhapamba ontengenekwathaneko yoshimaliwa. 

“Otshi uvitha nayi unene oshoka Aanamibia oya pumbwa omaakulo ge li nawa okuza kaakalelipo yawo mboka ye ya hogolola. Oshigwana shetu oshina einekelo kutya Oshinima shika itashi ka endululwa nuumvo momutumba nguka gwegumbo lyopashigwana etihetatu,” ta ti ngaaka.

 Elongelokumwe

Nandi-Ndaitwah okwati ooveta tadhi totwa komutumba gopashigwana nadhi kale dha dhindwa nawa, dhi na omalalakano nodha tala konakuyiwa. 

Ta ti omimvo dha piti Namibia okwa kala a taalela omashongo gopaliko nogopankalathano mwa kwatelwa okwaahena iilonga, okwaahathikapamwe osho wo oluhepo lwa taalela aakwashigwana oyendji. 

“omashongo ngaka otaga gumu nayi onkalathano yoshigwana shetu nonkene otandi indile elongelokumwe nokukwathathana pokati kiitayi ayihe itatu yepangelo opo tu ete elunduluko ewanawa moonkalamwenyo dhaakwashigwana. Nashi tu dhimbulukithe oshili yoyene ndjoka ta yi ti; “Tse aashona unene nokukala tu na oluhepo”.

Omupelesidente okwa tsu wo omuthindo kutya oonzo dhopaushitwe nadhi longwithe nawa nokwadhilwadhilwa komongula. 

“Okugwedhala ongushu iilongomwa yetu nashi kale elalakano lyetu enene opo tu yambulemo no show o okukothi eliko lyetu”.