Omakwantonkonga 154 mOhangwena mo2024

Miipotha 5 000 ya lopotelwa opolisi moHangwena omumvo gwa zi ko, iipotha ya konda 150 oya li yomakwantonkonga niipotha ya konda po 200 oyomahepekathano gomomagumbo, shoka tashi gandja ethano ewinayi kutya aakiintu nuunona oye li moshiponga nomuudhigu noonkondo.Omiyalu ndhika odha gandjwa kungoloneya gwoshitopolwa shaHangwena Kadiva Hamutumwa pethimbo a li taga gandja oshipopiwa she shotango kombinga yonkalo yoshitopolwa, sha ningilwa kEenhana ohela. Ngoloneya okwa ti kutya momukokomoko gwomvula ya zi ko, iipotha 4 907 oya lopotelwa opolisi, mwa kwatelwa iipotha 235 yomahepekathano gomomagumbo, iipotha 154 yomakwantokonga, iipotha 880 yokudhenga nokweehameka, iipotha 784 yeteyo lyomagumbo nuufuthi noshowo iipotha 231 yuulunga wiimuna.Okwa ti kutya ndhoka “kadhi shi owala omiyalu, ashike olyo eindilo lye endelela opo tu longeleni kumwe.”“Natu hwahwameke iikondo ya yooloka opo opolisi yi thike apehe, unene kiitopolwa yokuushayi,” okwa ti, okwa gwedha po kutya oonakuhupa niihakanwa yomaudhigu ngaka nayi kwathelwe “okupitila mokutamununa mo oompito dhokumona omayakulo gopaveta, guunamiti nogehungomwenyo” sho ogo taga talika tango. “Natu yeni moonkundathana noshigwana, unene tuu aagundjuka naaleli yopamuthigululwakalo, opo tu lundulule shoka oshiwinayi nokukala twa kotoka notwa tonata. Okunkondopeka aanambelewa nokukandula po omikundu, opo ku kwashilipalekwe kutya omakwatho ota ge ya pethimbo naambelewa otaya longo nawa noshili.”OmashongoNgoloneya okwa gwedha po kutya oompumbwe yiiyenditho yo oshinima oshinene moshitopolwa, oohauto odhindji dhopolisi odha thikama owala, oshoka inadhi longwa uupuko mboka wu li mo uushona nenge itadhi opalekwa pethimbo, shoka hashi nayi moshipala iilonga yopolisi.Hamutumwa okwa gwedha po kutya omutungilovi gwomOhangwena: omafululu nenono pethimbo lyomvula, olye etitha ompumbwe onene yiiyenditho mbyoka ihayi tila evugu (4×4).“Mupya munene, iitaasi yopolisi oya pewa oohauto ihadhi piti omafululu (2×4), shoka hashi hepeke nokumonitha aapolisi iihuna noonkondo uuna onkalo yombepo ya lunduluka noya nayipala,” okwa ti.Iiyetithi yilwe tayi etitha iimbuluma moshitopolwa ongaashi ondhalate yokoongamba dhaAngola naNamibia oya weya, shoka hashi etitha aantu niimuna yi pitile shaampoka, oshikwawo omashongo ngaashi iihwa ya gumbakana inayi kokolwa nokuvuguka kuulithililo molwiimuna oyindji pehala limwe.Hamutumwa okwa popi woo kombinga yoshikumungu shomahooli gaNgungula, taga ndjondjelwa moNamibia, ta ti oongangala otadhi tsikile nokugwaya ondhalate ndjoka ya weya nayi.kenya@nmh-hub.com.na

Omakwantonkonga 154 mOhangwena mo2024

Comments

Namibian Sun 2026-03-26

Please login to leave a comment

Omakwantonkonga 154 mOhangwena mo2024

Comments

Namibian Sun 2026-03-26

Please login to leave a comment

Subscription Required to Access Content ×

Login

Subscription Required to Access Content