Okashina okufutitha taka kwatakanithwa nelyenge enene lyokatoo g

Okashina kokufutitha ka kwata ko kopolisi muJuli oka kwatakanithwa nokatoo okanene moNamibia, naapopepi otaya ti oongangala ndhika odha tsikila nokulonga iilonga yadho nonande opwa kwatwa dhimwe nadhimwe odha falwa koondholongo dhopolisi dhi ili odhi ili.Okashina haka, otaku hokololwa kutya okongushu ya konda pomiliona N$1, oka landulwa okuza kOvenduka mondjila yokuya koRundu, hoka ando ta ka longa iilonga yaa li nawa okuzilila moosela dhopolisi moRundu.Omupevi Komufala gwopolisi moshitopolwa shaKavango Uuzilo Eino Nambahu okwa koleke koshikundaneki shoNamibian Sun okukwatwa ko huka ashike okwa ti kape na olopota yopambelewa ya pitithwa manga “omolwokukitakana koshikumungu shika.”Oonzo otadhi ti okashina haka kokufutitha oka li taka ka longithwa mostola yontumba, moka taka ka kwata ko omauyelele wookastoma noku ke ga longitha paukengeleledhi. Okwiitaalwa kutya okashina haka oka ndjondjelwa moshilongo okuza koSouth Africa, nuukalata woludhi nduka ohau tulwa moostola nenge moohotela nohau longithwa mokugongela omauyelele guukalata wookastoma nomauyelele ngaka ohaga ka landithwa po nokukengelelitha oshigwana.“Edhiladhilo olya li ka ka longithwe koRundu, hoka oonkwata dhi na nale omukalo gwokukengelela oshigwana okuziilila mokalimosho,” onzo ya ti, oya gwedha po kutya okashina oka li ka ningilwa nale omalolela mOvenduka ka talike ngele otaka longo tuu.Uukengeleledhi mondholongoMuJuli, oolopota odha holola kutya ondholongo yopolisi moRundu oyo ya ninga ehala ndjoka hali longelwa iilonga mbika nolyo li li monomola yotango moNamibia. Komanda gwopolisi moshitopolwa shaKavango Uuzilo Andreas Haingura okwa koleke pethimbo ndiyaka kutya aapolisi oya kwata po oongodhi dhopeke noolaptopa ndhoka hadhi longithwa koonkwatwa mokulonga iilonga yawo yuumbudhi.Aapolisi mboka taya longele kumwe noombudhi ohaye dhi kwatha mokundjondjela mondholongo uushina mbuka nokugandja omauyelele gi ili nogi ili. Oonakulongelwa omuyonena yamwe otaku hokololwa inaya thigilwa po sha pondjambi yawo yokomwedhi – oshimaliwa sha za N$3 000 sigo oposhimaliwa sha konda poN$100 000 – ashihe shika osha ningwa mesiku limwe.Elyenge eneneOkashina haka kokufutitha ka kwatwa ko kaapolisi otaku tiwa kutya oko kamwe komelyenge enene lyuukengeleledhi. Oombudhi anuwa ohadhi dhanene uushina wokufutitha nokuyaka ko oshimaliwa nomauwanawa ngoka haga pewa ookastoma moostola, olundji oombudhi ohadhi yaka ko iimaliwa yaantu niihakanwa ohaye ke shi dhimbulula konale.“Ombethele ndjoka yi li po ohayi eta shoka hatu ithana ‘oongangala dhaa shiwike’, ndhoka hadhi kala nokupiyaganeka aantu ethimbo ele ihe itadhi kwatwa mo,” onzo ya fatulula.Elyenge ndika otali kwatakanithwa niimbuluma ya longekidhwa. Oonzo otadhi ti aafekelwa oyomboka ye li melyenge lyoshikumungu shiingangamithi yongushu yoomiliona N$50 mbyoka yi itsuwa nokukwatwa ko koEendrag, Hochfeld, petameko lyomvula, otaku hokololwa kutya aafekelwa oyo tuu mboka oyo taya kengelele oshigwana, taya landitha iingangamithi noyo ye li natango moshikumungu shoondjembo.A zi koshakapalu koRunduOshiwike sha zi ko, omukiintu gwomoRundu hanga a tulwa mokatoo konima sho a dhengelwa ongodhi komulumentu ta ti omupolisi e na oombandi oonene. Okwe mu pula uuyelele wopaumwene neipopilo kutya okwa hala okukwathela omupambele gwe. Okwe shi dhimbulula mo nokwa lopotele opolisi manga inaa tulwa mokatoo.Omupevi Komufala Bonifasius Kanyetu ina monika opo a koleke ngele oshimbuluma shika osha ndhindhilikwa pambelewa.Oolopota dhomuJuli otadhi ti kutya oonkwatwa otadhi longitha omalungula, iingangamithi nodhi li momakwathano naakiintu, noongangala ndhika ohadhi kwathelwa kaapolisi mboka ihaya landula. Oongangala dhimwe anuwa ohadhi pogolole owina nelalakano dhi shune mondholongo, moka dhi wete omo mu li nawa nokulongela iilonga yadho yomilema.Oonakushityako oyu ulike kutya omausama motekinolohi yoombanga dhetu moNamibia ogo tage eta onkalo ndjika, ta ti, moombanga dhimwe, oshipu okugwedhelwa omwaalu ( oshimaliwa) ngoka nanwa okastoma yah ala okunana poshikando. Nambahu okwa koleke kutya omakonakono gopolisi otaga tsikile. Okashina kokufutitha hoka ka kwata ko oko oshinenenima momakonakono ngaka, okashina haka otaka kwatakanithwa nuukengeleledhi tau longelwa moosela dhopolisi yaRundu nelyenge lyokulanda iinima konima yomakuma moSouth Africa – otashi vulika woo oko haku pitile iingangamithi tayi zi nokuya moNamibia.#phillipus@nmh-hub.com

Okashina okufutitha taka kwatakanithwa nelyenge enene lyokatoo g

Comments

Namibian Sun 2026-03-26

Please login to leave a comment

Okashina okufutitha taka kwatakanithwa nelyenge enene lyokatoo g

Comments

Namibian Sun 2026-03-26

Please login to leave a comment

Subscription Required to Access Content ×

Login

Subscription Required to Access Content