Inatu limbililwa - Shangula
• Oshigwana nashi ka tuntilwe
Ominista yuundjolowele moNamibia oya pula oshigwana kashi kale momalimbililo pethimbo mpoka kwa lopotwa iipotha iyali yomukithi omupe gwoCovid moshilongo, ta popi kutya onkalo oyi li kohi yetonatelo.
Jemima BeukesWINDHOEK
Namibia mehuhililoshiwike lya piti okwa lopota iipotha iyali yoCovid tayi ithanwa XBB.1.5 – ya lukwa oshilukadhina Kraken, ndjoka kwa hololwa ya nika oshiponga mokuponokela aakwiita yolutu na ohayi taandele woo meendelelo.
Nonando ongaaka, ominista yuundjolowele moNamibia Dr Kalumbi Shangula okwa popi kutya oshigwana inashi pumbwa okumbandapala molwaashoka kape na omuntu a kwatelwa moombete dhoshipangelo moshilongo omolwa oCovid pethimbo ndika.
Shangula okwa popi kutya oshilongo osha pyakudhukwa nosha ilongekidhila onkalo uuna yuuka kuuwinayi, ta popi kutya oya kandula po ompumbwe yomipepo dhokufudhitha oshowo ompumbwe yaaniilonga yuundjolowele.
Dr Maria van Kerkhove gwehangano lyoWorld Health Organisation (WHO) okwa popi mEtine lyoshiwike sha piti kutya ombuto ndjoka ya lopotwa otayi pingene po oombuto dhoCovid moshilongo netaandelo lyombuto ndjoka otali limbilike ihe nonando ongaaka inaya tengeneka oshiluku shomaso omolwa ombuto ndjoka molwaashoka kaye na natango omauyelele kutya ombuto ndjoka otayi ehameke noonkondo dhithike peni onkene otaya nongonona manga etaandeko lyombuto oshowo kutya otayi etitha uuwehame wuthike peni.
Oshiwike sha piti omukithi ngoka ogwa dhindhilikwa miilongo ya thika po29 na okwa tegelelwa gu ka monike miilongo oyindji ya gwedhwa po okuya muule wiiwike twa taalela. South Africa naNigeria nayo oya lopota iipotha yomukithi ngoka omanga China a mono omwaalu omunene gwiipotha yomukithi ngoka iiwike ya piti.
Shangula okwa pula AaNaminia opo ya tuntilwe. Aatseyinawa yopashigwana otaya popi kutya omatuntilo ngoka ga ningwa nale itaga gamene komukithi ngoka omupe.
Namibia mehuhililoshiwike lya piti okwa lopota iipotha iyali yoCovid tayi ithanwa XBB.1.5 – ya lukwa oshilukadhina Kraken, ndjoka kwa hololwa ya nika oshiponga mokuponokela aakwiita yolutu na ohayi taandele woo meendelelo.
Nonando ongaaka, ominista yuundjolowele moNamibia Dr Kalumbi Shangula okwa popi kutya oshigwana inashi pumbwa okumbandapala molwaashoka kape na omuntu a kwatelwa moombete dhoshipangelo moshilongo omolwa oCovid pethimbo ndika.
Shangula okwa popi kutya oshilongo osha pyakudhukwa nosha ilongekidhila onkalo uuna yuuka kuuwinayi, ta popi kutya oya kandula po ompumbwe yomipepo dhokufudhitha oshowo ompumbwe yaaniilonga yuundjolowele.
Dr Maria van Kerkhove gwehangano lyoWorld Health Organisation (WHO) okwa popi mEtine lyoshiwike sha piti kutya ombuto ndjoka ya lopotwa otayi pingene po oombuto dhoCovid moshilongo netaandelo lyombuto ndjoka otali limbilike ihe nonando ongaaka inaya tengeneka oshiluku shomaso omolwa ombuto ndjoka molwaashoka kaye na natango omauyelele kutya ombuto ndjoka otayi ehameke noonkondo dhithike peni onkene otaya nongonona manga etaandeko lyombuto oshowo kutya otayi etitha uuwehame wuthike peni.
Oshiwike sha piti omukithi ngoka ogwa dhindhilikwa miilongo ya thika po29 na okwa tegelelwa gu ka monike miilongo oyindji ya gwedhwa po okuya muule wiiwike twa taalela. South Africa naNigeria nayo oya lopota iipotha yomukithi ngoka omanga China a mono omwaalu omunene gwiipotha yomukithi ngoka iiwike ya piti.
Shangula okwa pula AaNaminia opo ya tuntilwe. Aatseyinawa yopashigwana otaya popi kutya omatuntilo ngoka ga ningwa nale itaga gamene komukithi ngoka omupe.
Comments
Namibian Sun
No comments have been left on this article