Epangelo li li ompinge nomahangano gopaumwene gokugongela oongunga
...Uutoni okwi indile omalelo gondoolopa ge gi iyageke
Enyenyeto lyoshigwana li li ompinge nomalelo goondoolopa gi ikolela komahangano gopaumwene gokugongela oongunga oge eta uumbanda mepangelo.
Minista yependulopo lyiilando nomikunda Erastus Uutoni okwi indile omalelo goondoolopa ga hulithe po eikolelelo komahangano gopaumwene gokugongela oongubga mokukonga oongunga dhaakalimo itaa futu muni.
Okwa ti omalelo goondoolopa naga popye naayakulwa gu uve omatompelo gokwaafuta nokuuvathana, peha lyokulongitha omukuthimbinga gulwe a longe iilonga yawo.
Efalo lyaayakulwa komahangano gopaumwene gokugongela oongunga otashi ti mboka ya kutwa komalelo gondoolopa ya ungaunge naangunga ‘ihaa longo sha we’’, Uutoni a ti.
“Otandi indile ookamunsela momalelo goondoolopa mwaa thiminikwe mu gandje omadhina gaakalimo komukuthimbinga gulwe. Inamu shi ninga. Ita mu vulu okukonga ekwatho meyakulo lyoshigwana moshilonga mwa kutilwa.”
Ohela, pethimbo lyeegululo pambelewa lyomauliko giipindi yaNdangwa (OTIE) oshikando oshitimulongo nashimwe, Uutoni okwa ti:
“Otamu gandja aakweni( aakalimo) komukuthimbinga gulwe onkene oya yemata. Otwa pumbwa okukwashilipaleka otwa longitha omikalo nomilandu dhokuungaunga noongunga. Naa longe. Inaa kuutumba owala moombelewa dhawo nokomaandelo gomwedhi oya tegelela ondjambi yokomwedhi”.
“Popyeni naakwashigwana, kaye shi aadhigu. Otandi tsu omukumo kehe gumwe, hAandangwa owala,” okwa ti.
Omalugodhi gopaveta
Oohapu dhUutoni kombinga yomahangano gokugongela oongunga oge ya pethimbo omalelo goondoolopa ogendji – mwa kwatelwa lyaNdangwa – ga kongo omakwatho komahangano gokugongela oongunga ga kongithwe ko oomiliona inaadhi futwa kaakalimo yomoondoolopa.
Redforce Debt Management, ndjoka hayi kongo oongunga peha lyondoolopa yaNdangwa, Oshilando shaVenduka, Oshakati nOmbaye, oya holoka miikundaneki sho aakalimo ya holola euvonayi lyawo komukalo ngoka hagu longithwa.
Mongashingeyi, ehangano olya taalela olugodhi lwopaveta oshoka omalelo goondolopa gamwe oga kambadhala okuhulitha po ookontalaka dhawo naRedforce.
Elelo lyondoolopa yaRundu limwe lyomoondolopa ndhoka dha hulitha po oonkontalaka dhawo naRedforce, nokupewa okafilipi kokufutithwa oomiliona dha konda 9 kehangano lyokugongela oongunga.
Muni gwaMbaye okwa kambadhala wo okuhulitha po okontalaka, ndjoka Redforce a kondjitha paveta. Ehangano olya sindana mokwiindika elelo nolya tsikila niinyangadhalwa yalyo.
Kombinga yoondoolopa mbali dhokOnooli Oshakati nOndangwa, aakwashigwana ya yemata oya holola euvonayi lyawo, ihe omalelo ngaka oga tsikila nookontalaka dhawo.
Ya nkondopekwa
Lwanima konima yeegululo pambelewa lyomauliko giipindi yaNdangwa (OTIE), Namibian Sun okwa pula Uutoni ngele omalelo goondoolopa ohaga kwatathana nombelewa ye manga inaga shaina omauvathano nomahangano gokugongela oongunga.
Okwa ti omalelo goondoolopa oga nkondopekwa kOveta yOmalelo gOondoolopa nomikunda ga ye momatsokumweuvathano noshikondo shopaumwene.
Kakele, Uutoni, okwa sitha uunye omalelo gondoolopa gaa gandje iinakugwanithwa yago kaakuthimbinga yalwe.
Uutoni olundji okwa ti omalelo gondoolopa naga popye naayakulwa yago olundji nokulongitha omikalo adhihe manga inaga kutha omatokolo gokusitamena ombili.
- [email protected]
Okwa ti omalelo goondoolopa naga popye naayakulwa gu uve omatompelo gokwaafuta nokuuvathana, peha lyokulongitha omukuthimbinga gulwe a longe iilonga yawo.
Efalo lyaayakulwa komahangano gopaumwene gokugongela oongunga otashi ti mboka ya kutwa komalelo gondoolopa ya ungaunge naangunga ‘ihaa longo sha we’’, Uutoni a ti.
“Otandi indile ookamunsela momalelo goondoolopa mwaa thiminikwe mu gandje omadhina gaakalimo komukuthimbinga gulwe. Inamu shi ninga. Ita mu vulu okukonga ekwatho meyakulo lyoshigwana moshilonga mwa kutilwa.”
Ohela, pethimbo lyeegululo pambelewa lyomauliko giipindi yaNdangwa (OTIE) oshikando oshitimulongo nashimwe, Uutoni okwa ti:
“Otamu gandja aakweni( aakalimo) komukuthimbinga gulwe onkene oya yemata. Otwa pumbwa okukwashilipaleka otwa longitha omikalo nomilandu dhokuungaunga noongunga. Naa longe. Inaa kuutumba owala moombelewa dhawo nokomaandelo gomwedhi oya tegelela ondjambi yokomwedhi”.
“Popyeni naakwashigwana, kaye shi aadhigu. Otandi tsu omukumo kehe gumwe, hAandangwa owala,” okwa ti.
Omalugodhi gopaveta
Oohapu dhUutoni kombinga yomahangano gokugongela oongunga oge ya pethimbo omalelo goondoolopa ogendji – mwa kwatelwa lyaNdangwa – ga kongo omakwatho komahangano gokugongela oongunga ga kongithwe ko oomiliona inaadhi futwa kaakalimo yomoondoolopa.
Redforce Debt Management, ndjoka hayi kongo oongunga peha lyondoolopa yaNdangwa, Oshilando shaVenduka, Oshakati nOmbaye, oya holoka miikundaneki sho aakalimo ya holola euvonayi lyawo komukalo ngoka hagu longithwa.
Mongashingeyi, ehangano olya taalela olugodhi lwopaveta oshoka omalelo goondolopa gamwe oga kambadhala okuhulitha po ookontalaka dhawo naRedforce.
Elelo lyondoolopa yaRundu limwe lyomoondolopa ndhoka dha hulitha po oonkontalaka dhawo naRedforce, nokupewa okafilipi kokufutithwa oomiliona dha konda 9 kehangano lyokugongela oongunga.
Muni gwaMbaye okwa kambadhala wo okuhulitha po okontalaka, ndjoka Redforce a kondjitha paveta. Ehangano olya sindana mokwiindika elelo nolya tsikila niinyangadhalwa yalyo.
Kombinga yoondoolopa mbali dhokOnooli Oshakati nOndangwa, aakwashigwana ya yemata oya holola euvonayi lyawo, ihe omalelo ngaka oga tsikila nookontalaka dhawo.
Ya nkondopekwa
Lwanima konima yeegululo pambelewa lyomauliko giipindi yaNdangwa (OTIE), Namibian Sun okwa pula Uutoni ngele omalelo goondoolopa ohaga kwatathana nombelewa ye manga inaga shaina omauvathano nomahangano gokugongela oongunga.
Okwa ti omalelo goondoolopa oga nkondopekwa kOveta yOmalelo gOondoolopa nomikunda ga ye momatsokumweuvathano noshikondo shopaumwene.
Kakele, Uutoni, okwa sitha uunye omalelo gondoolopa gaa gandje iinakugwanithwa yago kaakuthimbinga yalwe.
Uutoni olundji okwa ti omalelo gondoolopa naga popye naayakulwa yago olundji nokulongitha omikalo adhihe manga inaga kutha omatokolo gokusitamena ombili.
- [email protected]
Comments
Namibian Sun
No comments have been left on this article