Anuwa okwe wu pondo nolwanima okwa fadhuka po.
Uunona wa dhipagwa kuhe
Aakalimo yomomukunda Onkani moshitopolwa shaShikoto oya kunkwa mOmaandaha molwiihuna ya longwa komulumentu gomunamimvo 33, ngoka a dhipaga uunona we uyali – okamwanakadhona koomvula ne nokamwanamati koomvula mbali – mOsoondaha. Omulumentu nguka okwa hupile moshiponga sheimangeleko.
Omufekelwa okwiigandja ye mwene kopolisi yaKatope mOmaandaha nokwa tulwa miipandeko.
Ta popi noshikundaneki shoNamibian Sun ohela, nakuvala omufekelwa, Meme Selma Thomas, okwa ti omwana okwe ya po mEtitano a zi kOvenduka.
“Sho a thiki, onde mu pula kutya omolwashike inee ya nayina yuunona. Okwa ti kayu uvitathane nekwatathano lyawo kalya li nawa,” okwa hokolola.
Thomas okwa tsikile ko ta ti lwanima okwa ka dhengelwa ongodhi koshitenya she (yina yuunona), ngoka e mu lombwele kutya omufekelwa okwe mu ningile omatilitho gedhipago.
“Ekwatathano lyawo kalya li nawa. Esiku ndjoka a za kOvenduka, okwa kambadhala okukonga omakwatho kopolisi, ashike sho aapolisi ye ya inaye mu mona oshoka okwa adhika nale mela lyondjila u uka kOwambo,” Thomas a hokolola.
Kakele kwaashoka she ende po, okwa ti omwanamati ina ulika e na uudhigu washa sho a thiki megumbo, nokwa tsikile nokuulikila uunona we ohole.
Iihuna
Uunona owa yile komambo mOsoondaha pamwe nuukwawo womegumbo. Lwokomatango hwiya, omufekelwa okwa zi mo nawo megumbo, nokwa lombelwe uukwawo kutya otaya yi owala pokapate mpo.
Anuwa uunona okwe wu pondo nolwanima okwa fadhuka po.
“Sho nde ya megumbo komatango inandi ya adha mo, onda lombwela kutya omumwandjemati okwa ya nuutekulu wandje kopate. Ina pu pita nethimbo, onda tameke okudhengelwa oongodhi kaakwanezimo mboka ya ti kutya oya tuminwa omatumwalaka komufekelwa moka a nyola mo kutya okwa dhipaga uunona we nokwa popya woo mpoka tapu adhika omidhimba dhuunona,” Thomas a ti.
Omidhimba dhuunona odhi itsuwa kaakwanezimo nokaanamukunda pooha nokapomba komeya komomukunda, hoka ke li owala oometa 300 popepi negumbo lyaandjawo. Opolisi oya dhengelwa.
“Inandi ya ko oshoka onda li nda haluka nonda kunkwa nokanda li tandi vulu okwiitaala shoka sha adha ndje,” Thomas a ti.
Okwa gwedha po kutya sho yina yuunona a tseyithilwa onkundana ndjika kOvenduka, okwa li a kambuka nokufalwa mbala koshipangelo.
Oluhodhi olululululu
Ngoloneya gwoshitopolwa shaShikoto Sacky Kathindi pamwe naanambelewa aakuluntu mopolisi yaShikoto noshowo ookamunsela yiikandjohogololo, oya talele po aakwanezimo omutenya gwohela nokuya halela omahekeleko.
Thomas okwa holola woo kutya omwanamati okwa li a hupu moshiponga sheimangeleko. “Oongodhi ndhoka a longithile odhe etwa megumbo nokwa li a galikanenwa manga inaa shuna kOvenduka,” okwa ti.
Omakonakono gopolisi moshiningwanima shika otaga tsikile.
[email protected]
Omufekelwa okwiigandja ye mwene kopolisi yaKatope mOmaandaha nokwa tulwa miipandeko.
Ta popi noshikundaneki shoNamibian Sun ohela, nakuvala omufekelwa, Meme Selma Thomas, okwa ti omwana okwe ya po mEtitano a zi kOvenduka.
“Sho a thiki, onde mu pula kutya omolwashike inee ya nayina yuunona. Okwa ti kayu uvitathane nekwatathano lyawo kalya li nawa,” okwa hokolola.
Thomas okwa tsikile ko ta ti lwanima okwa ka dhengelwa ongodhi koshitenya she (yina yuunona), ngoka e mu lombwele kutya omufekelwa okwe mu ningile omatilitho gedhipago.
“Ekwatathano lyawo kalya li nawa. Esiku ndjoka a za kOvenduka, okwa kambadhala okukonga omakwatho kopolisi, ashike sho aapolisi ye ya inaye mu mona oshoka okwa adhika nale mela lyondjila u uka kOwambo,” Thomas a hokolola.
Kakele kwaashoka she ende po, okwa ti omwanamati ina ulika e na uudhigu washa sho a thiki megumbo, nokwa tsikile nokuulikila uunona we ohole.
Iihuna
Uunona owa yile komambo mOsoondaha pamwe nuukwawo womegumbo. Lwokomatango hwiya, omufekelwa okwa zi mo nawo megumbo, nokwa lombelwe uukwawo kutya otaya yi owala pokapate mpo.
Anuwa uunona okwe wu pondo nolwanima okwa fadhuka po.
“Sho nde ya megumbo komatango inandi ya adha mo, onda lombwela kutya omumwandjemati okwa ya nuutekulu wandje kopate. Ina pu pita nethimbo, onda tameke okudhengelwa oongodhi kaakwanezimo mboka ya ti kutya oya tuminwa omatumwalaka komufekelwa moka a nyola mo kutya okwa dhipaga uunona we nokwa popya woo mpoka tapu adhika omidhimba dhuunona,” Thomas a ti.
Omidhimba dhuunona odhi itsuwa kaakwanezimo nokaanamukunda pooha nokapomba komeya komomukunda, hoka ke li owala oometa 300 popepi negumbo lyaandjawo. Opolisi oya dhengelwa.
“Inandi ya ko oshoka onda li nda haluka nonda kunkwa nokanda li tandi vulu okwiitaala shoka sha adha ndje,” Thomas a ti.
Okwa gwedha po kutya sho yina yuunona a tseyithilwa onkundana ndjika kOvenduka, okwa li a kambuka nokufalwa mbala koshipangelo.
Oluhodhi olululululu
Ngoloneya gwoshitopolwa shaShikoto Sacky Kathindi pamwe naanambelewa aakuluntu mopolisi yaShikoto noshowo ookamunsela yiikandjohogololo, oya talele po aakwanezimo omutenya gwohela nokuya halela omahekeleko.
Thomas okwa holola woo kutya omwanamati okwa li a hupu moshiponga sheimangeleko. “Oongodhi ndhoka a longithile odhe etwa megumbo nokwa li a galikanenwa manga inaa shuna kOvenduka,” okwa ti.
Omakonakono gopolisi moshiningwanima shika otaga tsikile.
[email protected]
Comments
Namibian Sun
No comments have been left on this article