Aakokele mOvenduka ya hala oondjo dhi kuthwe ko

Aakokele 340 oyi ishangitha oondjo dhawo dhi kuthwe po pethimbo lyoshiwike shotango shomainyolitho pombelewa yoshilando Ovenduka.

Oshikako shomainyolitho osha tamekele mo 15 Febuluali notaga hulu mo 15 Apilili.

"Sha landula epitikilo mo 30 Novemba 2023, otwa tameke oshikako shomalongekidho geinyolitho lyaakokele. Omanga tapu adhika omapuko omashona, ngoka hatu tegelele momukalo kehe gopautekenika, ohatu ga endelele po nokuga kandula po," Omupopiliko gwoshilando Lydia Amutenya okwa lombwele Namibian Sun.

Okwaadha

Oshiwike sha piti, omuwiliki gokakomitiye kaakalimo yomoKatutura, Shaun Gariseb, okwa lombwele Namibian Sun kutya aakokele oye ya nookopi dha dhengwa oshihako kopolisi dha kwisha, osha fala meindilo Oshilando shi gandje omayakulo gopolisi pomahala gokwiinyolitha.

Amutenya okwa fatulula kutya “iipumbiwanima yopetameko yaakokele okweetelela oodokumende dhawo dha dhengwa oshihako shopolisi, ihe mesiku lyotango nale, otwe shi kutha mo kutya yamwe ota ye ya nookopi inadhi dhengwa oshihako shopolisi nenge ookopi dha dhengwa oshihako nalenale, yamwe oya li ye na ookopi dha za mookopi inadhi dhengwa oshihako, nonkene mesiku ndjoka, otwa ningi oonkambadhala dhokudhengitha oshihako pombelewa."

Okwi indile aakokele ya“etelele ookopi dhoodokumende dhawo nooriginala dhadho opo okudhengitha oshihako ku ningilwe pombelewa”, opo omainyolitho ge ende nawa.

Eholoko tali etitha omukumo

Amutenya okwa ti aakokele 300 mboka ya thiki pomainyolitho oyo aanenentu.

"Omwaalu gwaakokele taye ya koshinyangadhalwa otagu etitha omukumo, notwa koneke ehwepopalo meuvoko lyiipumbiwanima, kombinga yimwe omolwa oonkambadhala dhetu dhokugandja elongo okupitila miikundaneki oyindji ngaashi oradio."

Okwa dhimbulukitha oshigwana kutya "osha simana okundhindhilika kutya aagundjuka noongeshefa itadhi inyolitha, oshoka iihohela yawo ya kuthwa ko yoopelesenda 50 otayi ka longwa pakompiuta."

Mpoka tapu ningilwa omaindilo

Oshilando osha koleke kutya aakokele otaa vulu okuninga omaindilo momasiku giilonga okuza po 08:30 sigo 19:00 nomOlyomakaya okuza 08:30 sigo 15:00. Omahala oga kwatela mo oombonge dhOshilando mondoolopa, endiki lyomayakulo lyaKatutura moIndependence Avenue nendiki lyomayakulo pOmbili.

Aakokele otaa pumbwa ookopi dhooyene yomagumbo nenge okatse koshilongo komukalelipo nuumbangi wuumwene (okopi yuumwene wehala ). Mpoka omukalimo e na omagumbo ogendji, na ulike egano lya za kopolisi ta holola mpoka ha zi olundji.

Komayalulilo goonakusa, aanegumbo oya pumbwa oodokumende dha faathana, nosho wo onzapo yehokano (ngele tashi vulika), okopi yonzapo yanakusa mwene gwehala nombilive yaatekuli yuunona.

Opo aakokele ya vule okukuthilwa ko oondjo, oya pumbwa uuketha womeya nowolusheno nenge ya ninga omaindilo gawo.

Naa zimine wo okufutila okutulilwa mo uuketha ngele okufuta lumwe nenge pamalufo muule woomvula ntano.

"Oondjo owala sigo 30 Novemba 2023 tadhi ka kuthwa po. Omayalulilo gongashingeyi okuza 1 Desemba 2023, inaa mu kwatelwa iiholela sigo okesiku lyonena, nayi futwe yi ihwa po," Oshilando sha fatulula.

"Mompito yomayalulilo ganakusa, mwene gwomayalulilo na kale a li omukokele [gwoomvula 60 nenge dha konda po] pethimbo lyeso lye. Aakokele otaa vulu okuninga omaindilo guuketha pethimbo lyomainyolitho pombelewa."