Oshikumungu shokufutwa koonakutembudhilwa kOuranda mOpuwo

Aakalimo yomOpuwo omathele nomathele mboka ya tembudhwa kolukanda lwoOuranda nokutembudhilwa kolukanda lwaKatutura Extension 2 mo2019 natango oya tegelela okufutwa oshimaliwa shawo kepangelo, ashike shi ikolela komunambelewa omukuluntupitithi gwondoolopa, Matjandara Tjihuura-Katurota okwa ti ota ka ninga oshigongi naakalimo mboka ya gumwa koshikumungu shika opo ku talikwe mboka ya gwana okufutwa naamboka itaya futwa.Molweendotalelepo pomathimbo mpaka kOpuwo, aakalimo yomolukanda lwaKatutura Extension 2 mboka ya tasakanene noya popi nomutoolinkundana gwoshikundaneki shoNMH, oya holola okwaauva ombili kwawo nelelo lyondoolopa sho lya ndopa okuya futa momukokomoko gwoomvula hamano dha piti.Ope na omahokololo taga hokololwa koonakuninga iihakanwa yokwaafutwa kutya aanambelewa yelelo otaya lundululaiinima opo nayo ya lye ko sha koshimaliwa shaamboka ya tembudhwa noya kanitha omagumbo gawo nomaliko gawo.Kakele kokula inaya futwa oshimaliwa shawo, aakalimo yamwe otaya nyenyeta kutya otaya futile ooplota dhaahoka ya tembukile kolukanda lwaKatutura Extension 2 okuza miimaliwa mbyoka ya futwa nonande ye na omikanda kutya evi ndjoka oye li pewa omagano oshali itaali futilwa.NMH okwa mona ontumwafo ndjoka ya nyolelwa Paula Tuwilika Henghono noya shainwa komunambelewa omukuluntupithi nale gwoondoolopa yaPuwo, Petrus Sheya ngoka e mu tseyithile okwa tembudhwa kolukanda lwoOuranda okutembudhilwa kolukanda lwaKatutura Extension 2 nehala ndjoka a pewa okwe li pewa omagano.Nonande ongawo ombilive ya nyolwa esiku eti 19 Auguste kuTjihuura-Katurota otayi ti ehala ndjoka Henghono a pewa olyongushu N$19 851 ongushu yalyo oya pitilila poshimaliwa sho a li ta pewa sho N$16 753. Shino otashi ti Henghono oku na okufutila ehala ndjoka N$3 000 nonande ehala ndjoka okwa li e shi okwe li pewa omagano.Mokuyamukula omapulo gomutoolinkundana gwoNMH, Tjihuura-Katurota okwa holola kutya kape na oontokolwa dhelelo ndhoka tadhi ulike kutya evi ndjoka okwa tokolwa li pewe omagano aantu mboka ya tembudhwa kolukanda lwOuranda.“Shi na sha nehala lya gandjwa omagano. Oombilive onde dhi mona ashike oombilive ndhoka odha gandjwa mo2021 nokadhi na oontokolwa nenge esiku ndjoka elelo lya ningile etokolo ndjoka. Onkene shi ikolela kungame oombilive ndhoka kadhi na ondjundo yasha. Paveta yOmalelo gOndoolopa, 23 yomo1992 okatendo 30 (1) (t) ehala nali gandjwe kelelo paziminino lyaminista noinandi mona nande oontokolwa ndhoka nenge ombaapila yeziminino lyaminista hela nda tamekele iilonga mbika muAuguste 2023,” okwa fatulula.Aakalimo oya nyolele woo ombilive minista gwomapendulopo giilando nomikunda, Sankwasa James Sankwasa mo29 Auguste opo e ya kwathele a ye moshinima shika.Pokati mpoka Tjihuura-Katurota okwa fatulula kutya oshimaliwa shoka tashi futwa aakalimo mbaka oomiliona N$9.8 kakele sigo oompaka oya pewa ko owala oomiliona N$3.4.Okwa fatulula woo kutya oshinakugwanithwa she okukwashilipaleka kutya oshimaliwa shaagandji yiifendela otashi longithwa nawa onkene pe na oprosesa ndjoka ya kwata miiti opo ku kwashilipalekwe kutya oomboka owala ye na okufutwa oyo taya ka futwa. “Ongomunambelewa nda pewa okushinakugwanithwa shokulonga niimaliwa yepangelo, ondi na oshinakugwanithwa shokukwata nawa iimaliwa yaagandji yiifendela. Aakalimo yomolukanda lwaKatutura Extension 2 oya tembudhwa kolukanda Ouranda opo ya yapukile ehumokomeho,” okwa fatulula.“Aakalimo mbaka oya li yi ikuthila evi shaa li paveta. Onakutembudhilwa koKatutura oya li ya pewa ooplota dhi na omayakulo gi ihwa po: omeya, olusheno nuundjugo. Ehala hoka ya li ya kala kOuranda kalya li li na omayakulo nokali shi lyawo. Oya li ya pewa oompito yokumona evi paveta. Onkene, shampa tatu tembudha aantu, oveta otayi ti oonakutembudhwa naya futwe nawa.”“Onkene, uumbashu wawo owa ningilwa omakonakono kaanambelewa yUuministeli wOmavi nOmatulululo. Ongushu yuumbashu oya talika, nomusholondondo gwaanelago ogwa tuminwa kuuministeli womapendulopo giilando nomikunda opo ya pewe oshimaliwa shokufuta oonakutembuka.”“Omusholondondo gwaamboka taya futwa ogwa li poshimaliwa shoomiliona N$9.8 moma2024, nondoolopa oya pewa ko oomiliona N$3.4. Onkene, otwa mono kutya otwa pumbwa okutala nawa oshinima shika, nondoolopa oya tokola okutopola iimaliwa ngeyi: aakalimo yamwe oya tindi okutembuka, onkene inaya gwana okufutwa. Omagumbo gawo inaga kuthwa po noonkalamwenyo dhawo inadhi lunduluka. Onkene, aantu mboka taya ka futwa oomboka ya li ye na omagumbo ge li mokati kondjila noyo taya futwa tango naamboka taya talwa monomola ontiyali oomboka ya tembukile kolukanda lwaKatutura Extension. 2. “Nonande ongawo, omu na aakalimo yamwe momusholondondo ngoka ya futwa nale. Yamwe oya pewa oshimaliwa koomuma, yamwe oya tungilwa omagumbo nayamwe oya pewa omateriala.”kenya@nmh-hub.com.na

Oshikumungu shokufutwa koonakutembudhilwa kOuranda mOpuwo

Comments

Namibian Sun 2025-10-16

Please login to leave a comment

Oshikumungu shokufutwa koonakutembudhilwa kOuranda mOpuwo

Comments

Namibian Sun 2025-10-16

Please login to leave a comment

Login