Omupresidente a pandula sho epeya lyomOkashana lya dhima

Omupresidente Netumbo okwa kwashilipaleke oshigwana kutya epangelo otali ka longitha oonzo adhihe mokugamena oshikunino shiinamwenyo (Etosha National Park) nomidhingoloko dhopopepi kiilanduli iidhigu yomapeya.Moshipopiwa she shoka sha leshwa peha lye kOmuprima Elijah Ngurare, Nandi-Ndaitwah okwa koleke kutya omapeya ngoka ga tukuka momasiku 22 no24 Septemba oga dhima mOkashana momwene nokondje yako, nonande omahala gamwe guulithilo oga pya po thiluthilu.“Ngashingeyi otatu kambadhala okushonopeka eyonagulo mOkashana, okugamenena po onkandangala yako mekwatelo po lyuushitwe nolyomapashiyono, nokugamenena po omahupilo gaanafaalama noshowo gaakwashigwana,” Nandi-Ndaitwah a ti, okwa gwedha po kutya epeya ndika inali faalela oomwenyo dhaantu hewa.Oonkambadhala odha ningwa opo epeya li dhime: aakwiita 311 naaniilonga 150 yaanaatili oya kondjitha epeya meni lyOkashana, omanga aakwiita ya konda po220 noshowo aaniilonga muuministeli womidhingoloko ye li 45 oya kondjitha epeya ndjoka lya tukuka mOmusati nOshana. Omahala gatatu oga ningwa oontanda dhokulongela kOmutambogwomawe, Amarika nOnoolongo oko aantu ya kala taya zi, taya kwathela kiiyenditho yopakwiita, oohauto dhakadhimalulilo, omadhagadhaga, nokukokola omahala opo omulilo gwaa nuke. Nonande pwa li omashongo omanene ngaashi ombepo ondhigu, omwidhi gwa kukuta niihauto tayi tekateka, Nandi-Ndaitwah okwa pandula eitulomo lyaayehe mboka ya dhimi epeya.“Onda pandula noonkondo notandi kombo kombunda aakwiita ayehe aamati naakadhona, naakwashigwana ayehe mboka ya kambadhala okudhima epeya ndika. Ekwatho lyeni kalya li osima yowala. Omwi ilongela okupandulwa nokusimanekwa.”Okwa pandula woo aanafaalama ya palathana nOkashana, oshikondo shopaumwene, Omahangano gaa na sha nontanitho naakwashigwana mboka ye li popepi noKashana, sho ayehe ya longelukumwe nokudhima omapeya.Nonande olopota yahugunina kombinga yiiyamukuti mbyoka ya pila mo noshowo yeyonagulo lyuushitwe inayi pitithwa natango, aantu inaya kanithila mo oomwenyo dhawo.Omakonakono otaga ka ningwa mbala opo ku talike kutya iiyamukuti ingapi ya pila mepeya noshowo ku konakonwe osheetithi shomulilo, okwa ti. Nandi-Ndaitwah okwa dhenge omuthindo kesimano lyOkashana kutya limwe lyomomahala ngoka aatalelipo ye hole okutalela po moNamibia “nowo uuyamba wetu wa simana mboka tu na oku wu gamenena aluhe.”Okwi indile Aanamibia ya kale mengungumano. Okwa kwashilipaleke oshigwana kutya epangelo otali tsikile nokugwedhela ko kwokwiilongekidhila kwalyo okukondjitha omapeya.

Omupresidente a pandula sho epeya lyomOkashana lya dhima

Comments

Namibian Sun 2025-10-09

Please login to leave a comment

Omupresidente a pandula sho epeya lyomOkashana lya dhima

Comments

Namibian Sun 2025-10-09

Please login to leave a comment

Login