Aadhilongi yaSwapo ya popi kutya omalukanda otaga kalelele
Omaiyuvo itaga tsu kumwe nondjodhi yaGeingob okuhulithapo oombashu okuya mo2024
Yamwe yomiilyo yolutu lwaadhilongi mongundu yoSwapo oya holola omaiyuvo gawo kombinga yomalukanda noombashu moshilongo, moka ye wete kutya onkalo ndjoka itayi vulu okuhulithwapo manga nepangelo nali tule owala miilonga oopoloyeka dha nuninwa okuhwepopaleka onkalo ngele tashi ya komayakulo nuuyogoki.
Omunashipundi gwoSwapo think tank, Andrew Niikondo okwa popi kutya omalukanda oge ya okukalelela uule woshikako shontumba monakuyiwa nepangelo nali konge omilandu dhokulundulula onkalo pakutula miilonga oopoloyeka dhomalolelo.
Niikondo pamwe nomushangi omukwawo, Herman Shitaleni oya shanga omukanda ngoka gwa nuninwa Omutumba gwOmilandu dhoSwapo gwa nuninwa okutothamo iiyetwapo yomayambulepo mongundu.
Omaiyuvo ngoka ogeli taga pataneke ondjodhi yOmupresidende Hage Geingob ngoka a li a popi kutya okwa hala oombashu dhi kuthwemo moNamibia okuya momvula yo 2024, pethimbo a li a holola momvula yo 2019 kutya onkalo yoombashu kayi li pauyogoki nonkalonawa yaakwashigwana.
Momvula yo 2018, omiyalu dha pitithwa koShack Dwellers Federation of Namibia odha holola kutya Namibia oku na omalukanda geli po 308 moka tamu adhika oombashu dha thika po 228 000 dhi li omagumbo kaantu ye li po 995 000 moondoolopa.
Pamukanda gwaNiikondo naShitaleni ngoka guna woo omagwedhelepo kombinga yokuungaunga neyopombanda lyomwaalu omunene gwoombashu moshilongo, omukalo omupe gwoombashu ogwa pumbwa okutulwa miilonga.
“Otatu ningi omagwedhelepo opo omutumba gwoompango gu tale ketulo miilonga lyomalolelo gopoloyeka mElelo lyOshilando shaVenduka nongundu yoSwapo otayi ka kwatela komeho epangelo mokumona evi ndyoka tali nuninwa omagumbo ngoka nonkalo ya hwepopala, omayakulo gamuni oshowo opoloyeka yonkalo yopamuthika gwokukala,” omukanda ngoka gwa holola.
Oshilyo shimwe shothink tank, Uazuva Kaumbi oshiwete kutya onkalo yomalukanda nayi lundululwe opo ooyene ya vule okumona omikuli yo ya vule okwiitungila omagumbo gawo geli pamuthika omwaanawa.
Okwa hala woo epangelo li endelelithe omukalo gwewapaleko lyevi moondoolopa opo ku vule okweendelelithwa omalunduluko ngoka, tashi pitile melongelokumwe nomalelo goondoolopa nokuyambuapo woo omukalo gwemono lyomagumbo unene kaantu mboka haya mono iiyemo yili pevi.
Okwa tsikile kutya otashi kala oshiwanawa ngele taku andjakanekwa oopoloyeka dhanuninwa onkalo yuuyogoki nokukuthapo omukalo gwokugandja ootendela nopehala aakwashigwana naya longe yoyene oopoloyeka dhoka mepingakanitho noondya.
Okupopya okupu
Omagwedhelepo gwothink tank oga ningwa konima yoomvula 10 sho Swapo a li a tulapo omalalakano ga nuninwa okugandja omalukalwa gopamuthika guli nawa kaakwashigwana mboka haya kala momalukanda.
Nonando ongaaka Swapo okwa ndopa okukandulapo omukundu ngoka ngashiingeyi gwa ninga uupyakadhi uunene naantu oyendji mboka kayeena iilonga nenge evi otaya mbombolokele momalukanda nokuninga po oombashu dhawo.
AaNamibia taya lumbu momalukanda oya taalela onkalo yanayipala ngaashi ompumbwe yomeya nuuyogoki shoka hashi etitha omikithi ngaashi hepatitis E.
TAGA KALELELE: Omunashipundi gwoSwapo think tank, Andrew Niikondo okwa popi kutya omalukanda otaga kalelele ta gwedhapo kutya epangelo nali konge omukalo gwokulundulula oombashu.
ETHANO: LIMBA MUPETAMI
Niikondo pamwe nomushangi omukwawo, Herman Shitaleni oya shanga omukanda ngoka gwa nuninwa Omutumba gwOmilandu dhoSwapo gwa nuninwa okutothamo iiyetwapo yomayambulepo mongundu.
Omaiyuvo ngoka ogeli taga pataneke ondjodhi yOmupresidende Hage Geingob ngoka a li a popi kutya okwa hala oombashu dhi kuthwemo moNamibia okuya momvula yo 2024, pethimbo a li a holola momvula yo 2019 kutya onkalo yoombashu kayi li pauyogoki nonkalonawa yaakwashigwana.
Momvula yo 2018, omiyalu dha pitithwa koShack Dwellers Federation of Namibia odha holola kutya Namibia oku na omalukanda geli po 308 moka tamu adhika oombashu dha thika po 228 000 dhi li omagumbo kaantu ye li po 995 000 moondoolopa.
Pamukanda gwaNiikondo naShitaleni ngoka guna woo omagwedhelepo kombinga yokuungaunga neyopombanda lyomwaalu omunene gwoombashu moshilongo, omukalo omupe gwoombashu ogwa pumbwa okutulwa miilonga.
“Otatu ningi omagwedhelepo opo omutumba gwoompango gu tale ketulo miilonga lyomalolelo gopoloyeka mElelo lyOshilando shaVenduka nongundu yoSwapo otayi ka kwatela komeho epangelo mokumona evi ndyoka tali nuninwa omagumbo ngoka nonkalo ya hwepopala, omayakulo gamuni oshowo opoloyeka yonkalo yopamuthika gwokukala,” omukanda ngoka gwa holola.
Oshilyo shimwe shothink tank, Uazuva Kaumbi oshiwete kutya onkalo yomalukanda nayi lundululwe opo ooyene ya vule okumona omikuli yo ya vule okwiitungila omagumbo gawo geli pamuthika omwaanawa.
Okwa hala woo epangelo li endelelithe omukalo gwewapaleko lyevi moondoolopa opo ku vule okweendelelithwa omalunduluko ngoka, tashi pitile melongelokumwe nomalelo goondoolopa nokuyambuapo woo omukalo gwemono lyomagumbo unene kaantu mboka haya mono iiyemo yili pevi.
Okwa tsikile kutya otashi kala oshiwanawa ngele taku andjakanekwa oopoloyeka dhanuninwa onkalo yuuyogoki nokukuthapo omukalo gwokugandja ootendela nopehala aakwashigwana naya longe yoyene oopoloyeka dhoka mepingakanitho noondya.
Okupopya okupu
Omagwedhelepo gwothink tank oga ningwa konima yoomvula 10 sho Swapo a li a tulapo omalalakano ga nuninwa okugandja omalukalwa gopamuthika guli nawa kaakwashigwana mboka haya kala momalukanda.
Nonando ongaaka Swapo okwa ndopa okukandulapo omukundu ngoka ngashiingeyi gwa ninga uupyakadhi uunene naantu oyendji mboka kayeena iilonga nenge evi otaya mbombolokele momalukanda nokuninga po oombashu dhawo.
AaNamibia taya lumbu momalukanda oya taalela onkalo yanayipala ngaashi ompumbwe yomeya nuuyogoki shoka hashi etitha omikithi ngaashi hepatitis E.
TAGA KALELELE: Omunashipundi gwoSwapo think tank, Andrew Niikondo okwa popi kutya omalukanda otaga kalelele ta gwedhapo kutya epangelo nali konge omukalo gwokulundulula oombashu.
ETHANO: LIMBA MUPETAMI
Comments
Namibian Sun
No comments have been left on this article