Yamwe inaya hala omuleli gwAaHambukushu
Okomitiye ndjoka ya totwa po komuhoko gwAaHambukushu ndjoka yahala elenga, Erwin Munika Mbambo, li ze koshipundi shuuleli oya popi kutya itayi sholola sho ya tegelela eyamukulo okuza kuuministeli, opo ya vule okumona kutya otaya pula komeho ngiini.
Omunashipundi gwongundu ndjoka, Casius Mukenah, okwa lombwele oshifokundaeki shoNamibian Sun, kutya itaya vulu manga okupula komeho molwaashoka oya tegelela manga eyamukulo okuza kominista yomayambulepo goondoolopa niitopolwa.
Mukenah okwa popi kutya molwaashoka uuministeli owe ya pe omayele ya landule omilandu dhomondjila, itaya vulu manga okutsikila nologodhi lwopaveta ndoka taya pangele manga.
“Otwa tegelela natango ombaapila okuza kuuministeli. Itatu mwena. Ngele otwa mono kutya ombaapila kayi li muuwanawa wetu nena otatu ka konga ekwatho kOmpangu yoPombanda,” Mukenah a popi.
Okwa popi kutya okomitiye yawo oyi na omukumo kutya ngele oshikumungu shoka osha yi kohofa otaya sindana.
Minista Peya Mushelenga okwa popi kutya oshikumungu shoka otashi konaakona tango kuuministeli, na oya pumbwa woo okuuva ombinga yehokololo lyaMbambo.
Mushelenga okwa pula oongundu ndhoka mbali dhikale dha ngungumana manga, omanga uuministeli tawu yamukula.
“Otatu ke ya pa eyamukulo naya tegelele owala,” Mushelenga a popi.
Momasiku ga 7 gaNovemba omvula yo 2018, okomitiye oya ningi po omahogololo ge na sha nuuleli waMbambo.
Oya popi kutya mokati kaantu 2 931 mboka yahogolola, yeli po 2 705 oya hogolola ye li ompinge nelelo lyaMbambo.
Okomitiye oya popi kutya elenga ndyoka otali yi moshipala omayambulepo momudhingoloko gwawo.
Konima yomwedhi sha landula omahogololo ngoka, aayambidhidhi yaMbambo oya ningi omutumba taya holola eyambidhidho lyawo lyelenga ndyoka, taya popi woo kutya omahogololo ngoka ga ningwa kage li mondjila na oga pumbwa okukuthwa oonkondo.
Yamwe yomaayambidhidhi yaMbambo oya popi kutya yamwe po yomaanambelewa aakuluntu mepangelo oyo ye li konima yaamboka itaya popile elelo lyaMbambo na oya hala okumukutha ko koshipundi.
Shika oshikando oshitiyali ongundu ndjoka yahala okukutha elenga ndyoka koshipundi, sha landula ombaapila ndjoka ya li ya shangwa momasiku 24 gaDecemba momvula yo 2017.
Ongundu ndjoka momasiku 17 gaJanuari 2018 oyali ya ninguluka nokugandja ombili kelenga ndyoka.
KENYA KAMBOWE
Omunashipundi gwongundu ndjoka, Casius Mukenah, okwa lombwele oshifokundaeki shoNamibian Sun, kutya itaya vulu manga okupula komeho molwaashoka oya tegelela manga eyamukulo okuza kominista yomayambulepo goondoolopa niitopolwa.
Mukenah okwa popi kutya molwaashoka uuministeli owe ya pe omayele ya landule omilandu dhomondjila, itaya vulu manga okutsikila nologodhi lwopaveta ndoka taya pangele manga.
“Otwa tegelela natango ombaapila okuza kuuministeli. Itatu mwena. Ngele otwa mono kutya ombaapila kayi li muuwanawa wetu nena otatu ka konga ekwatho kOmpangu yoPombanda,” Mukenah a popi.
Okwa popi kutya okomitiye yawo oyi na omukumo kutya ngele oshikumungu shoka osha yi kohofa otaya sindana.
Minista Peya Mushelenga okwa popi kutya oshikumungu shoka otashi konaakona tango kuuministeli, na oya pumbwa woo okuuva ombinga yehokololo lyaMbambo.
Mushelenga okwa pula oongundu ndhoka mbali dhikale dha ngungumana manga, omanga uuministeli tawu yamukula.
“Otatu ke ya pa eyamukulo naya tegelele owala,” Mushelenga a popi.
Momasiku ga 7 gaNovemba omvula yo 2018, okomitiye oya ningi po omahogololo ge na sha nuuleli waMbambo.
Oya popi kutya mokati kaantu 2 931 mboka yahogolola, yeli po 2 705 oya hogolola ye li ompinge nelelo lyaMbambo.
Okomitiye oya popi kutya elenga ndyoka otali yi moshipala omayambulepo momudhingoloko gwawo.
Konima yomwedhi sha landula omahogololo ngoka, aayambidhidhi yaMbambo oya ningi omutumba taya holola eyambidhidho lyawo lyelenga ndyoka, taya popi woo kutya omahogololo ngoka ga ningwa kage li mondjila na oga pumbwa okukuthwa oonkondo.
Yamwe yomaayambidhidhi yaMbambo oya popi kutya yamwe po yomaanambelewa aakuluntu mepangelo oyo ye li konima yaamboka itaya popile elelo lyaMbambo na oya hala okumukutha ko koshipundi.
Shika oshikando oshitiyali ongundu ndjoka yahala okukutha elenga ndyoka koshipundi, sha landula ombaapila ndjoka ya li ya shangwa momasiku 24 gaDecemba momvula yo 2017.
Ongundu ndjoka momasiku 17 gaJanuari 2018 oyali ya ninguluka nokugandja ombili kelenga ndyoka.
KENYA KAMBOWE
Comments
Namibian Sun
No comments have been left on this article