Ya hala olusheno
Omanga elelo lyondoolopa yaNgwediva lya tegelela okumona iiyemo opo li vule okugandja olusheno kaakalimo yomolukalwa halu ithanwa Oshiko, aakalimo yomOshiko otaya popi kutya oya kala ya tegelela ethimbo ele, opo yamone olusheno.
Elelo lyaNgwediva olya wapaleke oshitopolwa shimwepo sholukalwa ndoka uule woomvula ntano dha piti ngashiingeyi na ohali gandja owala omayakulo gomeya oshowo gekuthepo lyiiyagaya oshowo omapandaanda na otali ningi oompangea dhokutula olusheno mehala ndyoka.
Nonando ongaaka elelo inali gandja kaakalimo mboka ya kala ya tegelela uule nethimbo kutya uunake taya ka mona olusheno ndyoka. Aakwashigwana omathele ohaya zi molukalwa ndoka, nayamwe oya tembukile kehala ndyoka konima sho ya tulululwa okuza koextension 12 mo 2014.
Sho ya ningwa nayo oonkundathana koshifokundaneki shoNamibian Sun aakwashigwana mboka oya popi kutya oya loloka okutegelela, sho ya kala ya tegelela uule nethimbo opo ya vule okumona olusheno.
Oya popi kutya uule woomvula mbali monena, elelo lyondoolopa olya ndopa okuninga iigongi naakalimo mboka, opo ya vule okugandja omakemo gawo nomaupyakadhi ngoka ya taalela.
“Ngele oye wa huka uusiku okwa luudha noonkondo. Ohatu tila okuya pondje uusiku ngele twa hala okuya kiihwa na otwa kanitha omaliko ogetu ogendji omolwa oombudhi ndhoka tadhi iteyele momagumbo getu uusiku. Oombudhi ohadhi tu ponokele woo nokutuyeka iinima yetu uuna tatu ende uusiku tatu yi komagumbo nenge tatu zimbuka,” omukalimo gumwe a popi.
Oya tsikile kutya omolwa ompumbwe yolusheno ohaya longitha iikuni uuna taya teleke nenge uusiga womahooli. Ohaya longitha woo omalehita uuna yahala okuminikila momagumbo gawo, naashoka osha nika oshiponga noonkondo.
Aakalimo oya tsikile nokunyenyeta kutya oya li yeshi oonkalamwenyo dhawo otadhi lunduuika sho ya tembukile kehala hoka, ihe shoka ha sho tashi ningwa.
Aakwashigwana oya popi kutya aanona yawo unene mboka ha ya yi kiiputudhilo yopombanda ihaya ilongo ya manguluka molwaashoka uuna yahala okulongitha oolaptop dhawo oshidhigu molwaashoka kaye na olusheno.
Monena mboka ye na olusheno oomboka owala taya vulu okufuta opo yamone olusheno okuza molusheno ndoka lwa enda pooha nondjila onene.
Omupopiliko gwondoolopa yaNgwediva, Jackson Muma okwa popi kutya oye na ontseyo kombinga yonkalo moka mu na aakwashigwana mboka, ihe otaya dhengwa kompumbwe yiiyemo, opo ya vule okugandja olusheno mOshiko.
Muma okwa popi kutya natango ope na omahala gamwe ngoka ga ningwa po tango omanga Oshiko inashi ningwa olukalwa ihe omahala ngoka natango kage na olusheno ihe omolwa ompumbwe yiiyemo.
Muma ina vula okugandja ethimbo kutya elelo otali ka gandja olusheno kaakwashigwana mboka uunake.
KENYA KAMBOWE
Elelo lyaNgwediva olya wapaleke oshitopolwa shimwepo sholukalwa ndoka uule woomvula ntano dha piti ngashiingeyi na ohali gandja owala omayakulo gomeya oshowo gekuthepo lyiiyagaya oshowo omapandaanda na otali ningi oompangea dhokutula olusheno mehala ndyoka.
Nonando ongaaka elelo inali gandja kaakalimo mboka ya kala ya tegelela uule nethimbo kutya uunake taya ka mona olusheno ndyoka. Aakwashigwana omathele ohaya zi molukalwa ndoka, nayamwe oya tembukile kehala ndyoka konima sho ya tulululwa okuza koextension 12 mo 2014.
Sho ya ningwa nayo oonkundathana koshifokundaneki shoNamibian Sun aakwashigwana mboka oya popi kutya oya loloka okutegelela, sho ya kala ya tegelela uule nethimbo opo ya vule okumona olusheno.
Oya popi kutya uule woomvula mbali monena, elelo lyondoolopa olya ndopa okuninga iigongi naakalimo mboka, opo ya vule okugandja omakemo gawo nomaupyakadhi ngoka ya taalela.
“Ngele oye wa huka uusiku okwa luudha noonkondo. Ohatu tila okuya pondje uusiku ngele twa hala okuya kiihwa na otwa kanitha omaliko ogetu ogendji omolwa oombudhi ndhoka tadhi iteyele momagumbo getu uusiku. Oombudhi ohadhi tu ponokele woo nokutuyeka iinima yetu uuna tatu ende uusiku tatu yi komagumbo nenge tatu zimbuka,” omukalimo gumwe a popi.
Oya tsikile kutya omolwa ompumbwe yolusheno ohaya longitha iikuni uuna taya teleke nenge uusiga womahooli. Ohaya longitha woo omalehita uuna yahala okuminikila momagumbo gawo, naashoka osha nika oshiponga noonkondo.
Aakalimo oya tsikile nokunyenyeta kutya oya li yeshi oonkalamwenyo dhawo otadhi lunduuika sho ya tembukile kehala hoka, ihe shoka ha sho tashi ningwa.
Aakwashigwana oya popi kutya aanona yawo unene mboka ha ya yi kiiputudhilo yopombanda ihaya ilongo ya manguluka molwaashoka uuna yahala okulongitha oolaptop dhawo oshidhigu molwaashoka kaye na olusheno.
Monena mboka ye na olusheno oomboka owala taya vulu okufuta opo yamone olusheno okuza molusheno ndoka lwa enda pooha nondjila onene.
Omupopiliko gwondoolopa yaNgwediva, Jackson Muma okwa popi kutya oye na ontseyo kombinga yonkalo moka mu na aakwashigwana mboka, ihe otaya dhengwa kompumbwe yiiyemo, opo ya vule okugandja olusheno mOshiko.
Muma okwa popi kutya natango ope na omahala gamwe ngoka ga ningwa po tango omanga Oshiko inashi ningwa olukalwa ihe omahala ngoka natango kage na olusheno ihe omolwa ompumbwe yiiyemo.
Muma ina vula okugandja ethimbo kutya elelo otali ka gandja olusheno kaakwashigwana mboka uunake.
KENYA KAMBOWE
Comments
Namibian Sun
No comments have been left on this article