Ya geelwa omolwa okutaaguluka oompangu dhomoondjila
Aahingi yiihauto ya thika po 3 200 moshitopolwa shaTjozondjupa, oya halika koshikondo shoompango dhomoondjila shi na nuutekete inawu futwa mboka ya pewa pokati ko 2015 no 2017.
Omukomeho gwoshikondo shoka moshitopolwa, Joseph Severus okwa holola omaiyuvo ge omolwa omwaalu guli pombanda gwomageelo guutekete mboka inawu futwa natango.
Severus okwa popi kutya uutekete mboka inawu futwa owo ngushu yoshimaliwa sha thika poomiliyona 3, na okwa kunkilile aahingi mboka ye na uutekete opo ya kale ya futa omageelo ngoka ya pewa kopolisi yaTjiwarongo, Otavi, Okahandja, Grootfontein oshowo Okakarara, ya kale ya futa uutekete mboka moompangulilo dhoomangestrata moka uutekete mboka wa pumbiwa wu ka futilwe.
Okwa popi kutya omageelo ogendji oga gandjwa, omolwa okuhingilila mondjila yoB1, okuhinga iiyenditho omanga aantu kaye na omikanda dhokuhinga, okuhinga iiyenditho yaahena uuthemba wokukala kopate, oshowo okukala inaya gwanithwa po oompango dhomoondjila.
“Otu na omatulo miipandeko gathika po 4 093 ngoka ga gandjwa kaapogoli yoompango dhomoondjila moshitopolwa, okutameka mo 2015 sigo 2017,” Severus ta popi.
Okwa tsikile kutya o 822 oya li ya kongwa kokufalwa koohofa dha yooloka muule wethimbo lya faathana nepangelo olya mono oshimaliwa sha thika pooN$107 800 okuza muutekete mboka.
Okwa popi kutya ya thika po 3271 inaya futa natango uutekete wawo.
Omunambelewa ngoka okwa kunkilile kutya aahingi mboka oye na sigo omasiku 31 gaJanuari nuumvo opo ya kale ya futa omageelo ngoka, nenge ya ninge omalongekidho opo ya fute omageelo ngoka, yo ya yande okutulwa miipandeko.
Okwa popi kutya okwaahenako nasha oko taku etitha aantu ka ya fute omageelo ngoka. Moshitopolwa shErongo, aantu 62 oya tulwa miipandeko omolwa okuhinga omanga ya longitha iikolitha, pethimbo lyiituthi yomatango omanene.
Oya monika ondjo moompangu nokupewa omageelo gongushu ayihe kumwe, yoo N$496 000.
Omatulo miipandeko ngoka oga ningilwa moSwakopo, Ombaye, Karibib, Henties Bay and oshowo mOmaruru pokati komasiku 17 gaDesemba 2017 sigo to 1 Januari 2018.
Olopota yiimbuluma ndjoka ya tseyithwa kOmunambelewa Omukwatakanithi nomukonaakoni gwIimbuluma moshitopolwa shoka, Erastus Iikuyu mEtiyali oya ulike kutya Ombaye oyo yi li ponomola yopombanda niipotha ya thika po 29.
Iipotha ine yaantu taya hingi omanga yeli kohi yodhungo oya lopotwa moKaribib, nashimwe osha lopotwa mOmaruru.
NAMPA
Omukomeho gwoshikondo shoka moshitopolwa, Joseph Severus okwa holola omaiyuvo ge omolwa omwaalu guli pombanda gwomageelo guutekete mboka inawu futwa natango.
Severus okwa popi kutya uutekete mboka inawu futwa owo ngushu yoshimaliwa sha thika poomiliyona 3, na okwa kunkilile aahingi mboka ye na uutekete opo ya kale ya futa omageelo ngoka ya pewa kopolisi yaTjiwarongo, Otavi, Okahandja, Grootfontein oshowo Okakarara, ya kale ya futa uutekete mboka moompangulilo dhoomangestrata moka uutekete mboka wa pumbiwa wu ka futilwe.
Okwa popi kutya omageelo ogendji oga gandjwa, omolwa okuhingilila mondjila yoB1, okuhinga iiyenditho omanga aantu kaye na omikanda dhokuhinga, okuhinga iiyenditho yaahena uuthemba wokukala kopate, oshowo okukala inaya gwanithwa po oompango dhomoondjila.
“Otu na omatulo miipandeko gathika po 4 093 ngoka ga gandjwa kaapogoli yoompango dhomoondjila moshitopolwa, okutameka mo 2015 sigo 2017,” Severus ta popi.
Okwa tsikile kutya o 822 oya li ya kongwa kokufalwa koohofa dha yooloka muule wethimbo lya faathana nepangelo olya mono oshimaliwa sha thika pooN$107 800 okuza muutekete mboka.
Okwa popi kutya ya thika po 3271 inaya futa natango uutekete wawo.
Omunambelewa ngoka okwa kunkilile kutya aahingi mboka oye na sigo omasiku 31 gaJanuari nuumvo opo ya kale ya futa omageelo ngoka, nenge ya ninge omalongekidho opo ya fute omageelo ngoka, yo ya yande okutulwa miipandeko.
Okwa popi kutya okwaahenako nasha oko taku etitha aantu ka ya fute omageelo ngoka. Moshitopolwa shErongo, aantu 62 oya tulwa miipandeko omolwa okuhinga omanga ya longitha iikolitha, pethimbo lyiituthi yomatango omanene.
Oya monika ondjo moompangu nokupewa omageelo gongushu ayihe kumwe, yoo N$496 000.
Omatulo miipandeko ngoka oga ningilwa moSwakopo, Ombaye, Karibib, Henties Bay and oshowo mOmaruru pokati komasiku 17 gaDesemba 2017 sigo to 1 Januari 2018.
Olopota yiimbuluma ndjoka ya tseyithwa kOmunambelewa Omukwatakanithi nomukonaakoni gwIimbuluma moshitopolwa shoka, Erastus Iikuyu mEtiyali oya ulike kutya Ombaye oyo yi li ponomola yopombanda niipotha ya thika po 29.
Iipotha ine yaantu taya hingi omanga yeli kohi yodhungo oya lopotwa moKaribib, nashimwe osha lopotwa mOmaruru.
NAMPA
Comments
Namibian Sun
No comments have been left on this article