Uutile woshikukuta sho kaku na omuloka
Aakokele yomonooli ya gandja omahokololo gawo gondjokonona kombinga yoshikukuta, taya popi kutya oomvula dha hula mo '9' aluhe ohadhi kala noshikukuta.
Andreas Nenkavu (90) okwa popi kutya omvula ndjika otayi mu dhimbulukitha omvula yo 1939, sho oondama dhomeya odhindji monooli dha li dha fulwa koonyala kaakwashigwana kohi yopoloyeka yepangelo yokugandja iikulya mepingakanitho nomahangu.
Vilho Tshilongo naNenkavu oya popi kutya oomvula dha hula nomugoyi mondjokonona kadhi shi oomvula ombwaanawa, molwaashoka ohadhi kala aluhe nondjala.
Oya gandja oshiholelwa shoomvula ngaashi 1939, 1959, 1969 oshowo 1989, taya popi kutya oomvula ndhoka odha kala noshikukuta.
“Onda dhidhilike kutya oomvula odhindji ndhoka dha hula nomugoyi ohadhi kala noshikukuta. Onda koneke kutya omvula yo 1939 oya li noshikukuta na onda li ndi na oomvula 10 pethimbo ndyoka. Okwa li natango oshikukuta momvula yo 1959, 1969 oshowo 1989,” Nenkavu a popi.
Oshikako shomuloka moshilongo ohashi kalako pokati kaNovemba naMaalitsa nethimbo ndyoka olyo ethimbo lyiilonga yomomapya.
Nonando oshilongo oshi li nale momwedhi gwa hugunina gwoshikako shomuloka, inaku monika omuloka gwa gwana niikunwa momapya otayi mono iihuna omolwa ompumbwe yomuloka.
Nenkavu, ngoka a popi noshifokundaneki shoNamibian Sun pegumbo lye pOshinyadhila moshitopolwa shaShana okwa popi kutya okwa dhidhilika oshikukuta muule woomvula dha piti.
“Ngele otandi dhimbulukwa nawa otu na omvula dhoka twa mono omuloka guli nawa na otu na oomvula ndhoka kwa kala oshikukuta, omanga dhimwe kwa kala efundja. Kape na omvula twa kala nomuloka omuwanawa uule woomvula ntano dha landulathana.”
Óomvula dha piti otwa mono efundja oshowo omuloka gu li pevi ngoka gwa etitha oshikukuta nuumvo,” Nenkavu a popi.
Nenkavu okwa popi kutya pethimbo a li omunyasha epangelo nale olya li hali gongele omahangu okuza kaanafaalama nokupungula omahangu nopethimbo lyoshikukuta omahangu ngoka ohaga topolelwa po oshigwana.
Okwa popi kutya epangelo pethimbo ndyoka ihali gandja omahangu ngoka oshali, ihe ohaga gandjwa onga iifuta mepingakanitho lyiilonga yoopoloyeka dhashanakulya osho sha nakulonga.
“Oondama odhindji ndhoka wu wete ngashiingeyi odha fulwa po kaantu koonyala pethimbo lyoshikukuta shoka sha holoka momvula yo 1939.
Aantu oya li ya luku oshikukuta shoka kutya 'ondjala yokapeleki'. Iilonga mbyoka oya longwa okupitila moopooloyeka dhashanakulya osho shanakulonga, naamboka ya kutha ombinga mopoloyeka ndhoka oya li ya pewa uutekete mboka tawu ya petha omahangu. Oya li haya mono omahangu kehe esiku konima yiilonga molwaashoka omvula ndjoka ka kwali iikulya.”
Nenkavu okwa popi kutya aantu ya hupu momukalo ngoka pethimbo lyoshikukuta shoka na osha etitha opo ku kale omatale ogendji momudhingoloko gwaWambo.
Omukokele ngoka okwa hokolola kutya momvula yo 1956 omudhingoloko gwanooli aguhe inagu mona omuloka naantu oyendji oya kala taya ka landa omahangu kOkalongo, omanga momvula yo 1946 omudhingoloko gwaNdonga ogwo owala gwa li inagu mona omuloka.
Tshilongo, ngoka a ningwa naye oonkundathana koshifokundnaeki shoNamibian Sun okuzilila mEgumbo lye mwElim moshitopolwa shaMusati okwa popi kutya oomvula dhoshikukuta ndhoka dha dhidhilikwa unene mondjokonona odha hulu nomugoyi.
Okwa popi kutya olundji okwa dhidhilikwa kutya omvula otayi tameke nawa muNovemba, ihe muJanuari kaku na omuloka niikunwa momapya oshowo omwiidhi otagu kukuta naantu opamwe niinamwenyo otaya mono iihuna kondjala.
“Aantu niinamwenyo ihaya mono iihuna pethimbo lyomvula yoshikukuta ihe ihaya ka mona iihuna momvula tayi landula. Nuumvo aantu niimuna otaya vulu okukala ye na iipalutha ya gwana okuza komvula ya piti ihe momvula tayi ya? Otaku ka kala ngaa iikulya yagwana?”
ILENI NANDJATO
Vilho Tshilongo naNenkavu oya popi kutya oomvula dha hula nomugoyi mondjokonona kadhi shi oomvula ombwaanawa, molwaashoka ohadhi kala aluhe nondjala.
Oya gandja oshiholelwa shoomvula ngaashi 1939, 1959, 1969 oshowo 1989, taya popi kutya oomvula ndhoka odha kala noshikukuta.
“Onda dhidhilike kutya oomvula odhindji ndhoka dha hula nomugoyi ohadhi kala noshikukuta. Onda koneke kutya omvula yo 1939 oya li noshikukuta na onda li ndi na oomvula 10 pethimbo ndyoka. Okwa li natango oshikukuta momvula yo 1959, 1969 oshowo 1989,” Nenkavu a popi.
Oshikako shomuloka moshilongo ohashi kalako pokati kaNovemba naMaalitsa nethimbo ndyoka olyo ethimbo lyiilonga yomomapya.
Nonando oshilongo oshi li nale momwedhi gwa hugunina gwoshikako shomuloka, inaku monika omuloka gwa gwana niikunwa momapya otayi mono iihuna omolwa ompumbwe yomuloka.
Nenkavu, ngoka a popi noshifokundaneki shoNamibian Sun pegumbo lye pOshinyadhila moshitopolwa shaShana okwa popi kutya okwa dhidhilika oshikukuta muule woomvula dha piti.
“Ngele otandi dhimbulukwa nawa otu na omvula dhoka twa mono omuloka guli nawa na otu na oomvula ndhoka kwa kala oshikukuta, omanga dhimwe kwa kala efundja. Kape na omvula twa kala nomuloka omuwanawa uule woomvula ntano dha landulathana.”
Óomvula dha piti otwa mono efundja oshowo omuloka gu li pevi ngoka gwa etitha oshikukuta nuumvo,” Nenkavu a popi.
Nenkavu okwa popi kutya pethimbo a li omunyasha epangelo nale olya li hali gongele omahangu okuza kaanafaalama nokupungula omahangu nopethimbo lyoshikukuta omahangu ngoka ohaga topolelwa po oshigwana.
Okwa popi kutya epangelo pethimbo ndyoka ihali gandja omahangu ngoka oshali, ihe ohaga gandjwa onga iifuta mepingakanitho lyiilonga yoopoloyeka dhashanakulya osho sha nakulonga.
“Oondama odhindji ndhoka wu wete ngashiingeyi odha fulwa po kaantu koonyala pethimbo lyoshikukuta shoka sha holoka momvula yo 1939.
Aantu oya li ya luku oshikukuta shoka kutya 'ondjala yokapeleki'. Iilonga mbyoka oya longwa okupitila moopooloyeka dhashanakulya osho shanakulonga, naamboka ya kutha ombinga mopoloyeka ndhoka oya li ya pewa uutekete mboka tawu ya petha omahangu. Oya li haya mono omahangu kehe esiku konima yiilonga molwaashoka omvula ndjoka ka kwali iikulya.”
Nenkavu okwa popi kutya aantu ya hupu momukalo ngoka pethimbo lyoshikukuta shoka na osha etitha opo ku kale omatale ogendji momudhingoloko gwaWambo.
Omukokele ngoka okwa hokolola kutya momvula yo 1956 omudhingoloko gwanooli aguhe inagu mona omuloka naantu oyendji oya kala taya ka landa omahangu kOkalongo, omanga momvula yo 1946 omudhingoloko gwaNdonga ogwo owala gwa li inagu mona omuloka.
Tshilongo, ngoka a ningwa naye oonkundathana koshifokundnaeki shoNamibian Sun okuzilila mEgumbo lye mwElim moshitopolwa shaMusati okwa popi kutya oomvula dhoshikukuta ndhoka dha dhidhilikwa unene mondjokonona odha hulu nomugoyi.
Okwa popi kutya olundji okwa dhidhilikwa kutya omvula otayi tameke nawa muNovemba, ihe muJanuari kaku na omuloka niikunwa momapya oshowo omwiidhi otagu kukuta naantu opamwe niinamwenyo otaya mono iihuna kondjala.
“Aantu niinamwenyo ihaya mono iihuna pethimbo lyomvula yoshikukuta ihe ihaya ka mona iihuna momvula tayi landula. Nuumvo aantu niimuna otaya vulu okukala ye na iipalutha ya gwana okuza komvula ya piti ihe momvula tayi ya? Otaku ka kala ngaa iikulya yagwana?”
ILENI NANDJATO
Comments
Namibian Sun
No comments have been left on this article