Uuministeli tawu ndopa okuyambidhidha aailongi yomoRussia
Aailongi yuunamiti mboka taya yamidhidhwa kuuministeli wuundjolowele momailongo gawo moRussia oya popi kutya uuministeli otawu ndopa okuyambidhidha ongundu yaailongi mboka ya thika po 200.
Aailongi mboka ye li moMoscow oya popi kutya uuministeli mboka inawu ya pa omayambidhidho gawo guule woomwedhi mbali monena.
Aailongi mboka oya popi kutya aailongi owala 50 ya mono iiyemo yawo mbyoka, omanga mboka ya hupako ya tegelela sigo iiyemo yomayambidhidho gawo tayi tulwa komayalulo gawo goombaanga kuuministeli.
Aailongi mboka oya popi kutya sho ya ningile uuministeli omapulaapulo oya lombwelwa opo ya tegelele. Mboka oya holola kutya onkalo ndjoka otayi uvitha nayi noonkondo nokushololitha, molwaashoka aailongi yamwe otaya faula nokootundi molwaashoka itaya vulu okufuta oolefa dhokuya fala koskola.
Aailongi mboka oya popi woo kutya onkalo ngashiingeyi oya nayipala, molwaashoka oondando dhomayakulo nodhiikulya odha londa noonkondo pombanda omolwa Ekopi lyUuyuni ndyoka tali dhanenwa moRussia ngashiingeyi .
Mboka natango oya tsikile kutya oya kala nokulombwelwa ya tegelele omanga itaya pewa omatompelo kutya ekateko ndyoka otali etithwa koshike.
Etumwalaka ndyoka lya pewa aailongi mboka komunambelewa muuministeli wuundjoloele olya lesha kutya: “Iimaliwa mbyoka otayi ya otandi kambadhala kehe shoka tandi vulu opo ndi mu pe uuyelele kutya otayi ya uunake. Esiku itali vulu okutothwa mo kaantu ayehe molwaashoka yamwe otaya mono mbala yamwe otaya ka mona lwanima, ihe otayi ya.”
OGONE TLHAGE
Aailongi mboka ye li moMoscow oya popi kutya uuministeli mboka inawu ya pa omayambidhidho gawo guule woomwedhi mbali monena.
Aailongi mboka oya popi kutya aailongi owala 50 ya mono iiyemo yawo mbyoka, omanga mboka ya hupako ya tegelela sigo iiyemo yomayambidhidho gawo tayi tulwa komayalulo gawo goombaanga kuuministeli.
Aailongi mboka oya popi kutya sho ya ningile uuministeli omapulaapulo oya lombwelwa opo ya tegelele. Mboka oya holola kutya onkalo ndjoka otayi uvitha nayi noonkondo nokushololitha, molwaashoka aailongi yamwe otaya faula nokootundi molwaashoka itaya vulu okufuta oolefa dhokuya fala koskola.
Aailongi mboka oya popi woo kutya onkalo ngashiingeyi oya nayipala, molwaashoka oondando dhomayakulo nodhiikulya odha londa noonkondo pombanda omolwa Ekopi lyUuyuni ndyoka tali dhanenwa moRussia ngashiingeyi .
Mboka natango oya tsikile kutya oya kala nokulombwelwa ya tegelele omanga itaya pewa omatompelo kutya ekateko ndyoka otali etithwa koshike.
Etumwalaka ndyoka lya pewa aailongi mboka komunambelewa muuministeli wuundjoloele olya lesha kutya: “Iimaliwa mbyoka otayi ya otandi kambadhala kehe shoka tandi vulu opo ndi mu pe uuyelele kutya otayi ya uunake. Esiku itali vulu okutothwa mo kaantu ayehe molwaashoka yamwe otaya mono mbala yamwe otaya ka mona lwanima, ihe otayi ya.”
OGONE TLHAGE
Comments
Namibian Sun
No comments have been left on this article