Utoni a kundathana 'naanona yokombanda'
Aanona mboka ya valelwa yekondjelomanguluko oya popi kutya aanyasha yoomvula dhi li po 20 otaya tumwa komadheulo niimaliwa mbyoka ya li owala ye ya nuninwa.
Aanyasha mboka ya valelwa muupongekwa pondje yoshilongo, mboka ya unga oontanda poombelewa dhoSwapo mOshakati ya lombwele Ominista Erastus Utoni kutya oya uvithwa nayi molwaashoka ongundu yaanyahsa mboka ya tumwa komadheulo komandiki gomadheulo gaanyasha moshilongo ngashiingeyi, aanyasha mboka ya valwa konima sho oshilongo sha manguluka.
Oya popi kutya oshimaliwa shoomiliyona 11 shoka sha kuthwa kOkomisi yoSocial Security Commission (SSC) Development Fund mo 2016 nashi gandje owala uuwanawa kuyo.
Ongundu oya lombwele woo Utoni kombinga yuulingilingi tawu longwa mehogololo lyaamboka taya tumwa komadheulo, pethimbo Utoni a popitha ongundu yaanyasha mboka mEtitano.
Oya popi kutya aanysha yoomvula dhi po 20 otaya tumwa komadheulo ngoka.
“Omusimanekwa minista na yelithe kutya omolwashike omilandu dha lundululwa ngashiingeyi. Osha ende ngiini opo aantu yamwe mboka ya valwa momvula yo 1997 ya ye komadheulo ngoka. Omaudheulo ngoka hatse ga nuninwa nani mboka twa valelwa mekondjelomanguluko pondje yoshilongo?” gumwe gwomongundu ndjoka a pula.
Uutoni okwa pula aanona mboka opo ya gandje uumbangi kombelewa ye, mwaashoka taya popi, molwaashoka ine shi uva nale.
Omanyenyeto
Ongundu ndjoka oya gandja woo omukanda gwomanyenyeto gawo kUtoni, taya popi kutya oya kala ya unga oontanda okuza omvula yo 2008 he inaya mona iilonga sigo onena.
Oya tsikile kutya yamwe yomuyo oye na omaunongo ga yooloka miinima ya yooloka, onkene otaya indile epangelo li ya pe oompito dhiilonga.
Sho a tambulako omukandanyenyeto ngoka, Uutoni okwa popi kutya elelakano lyetalelepo lye kali shi oku uvanekela aanona mboka oompito dhiilonga, ihe okuuvako onkalo yawo omanga ina katuka oonkatu dhasha.
Uutoni okwa holola okuuva nayi kwe kutya, ope na yamwe po mboka ya li ya pewa iilonga ihe ya thigi po iilonga, ta popi kutya omukalo ngoka kagu li pauyuuki kepangelo.
Konima yoonkundathana ndhoka, omukwatakanithi gongundu yoSwapo, moshitopolwa shaShana, Samuel Nelongo, okwa pulwa kombinga yondando yiifuta yomeya poombelewa dhongundu pOkandjengedi, omolwa aanona mboka taya longitha okandjugo oshowo opomba yomeya.
Nelongo okwa popi kutya iifuta oyi li pombanda ta popi kutya kumwe kehe omwedhi ohaya futu oshimaliwa sha thika pooN$4 000, inamu kwatelwa olusheno.
KENYA KAMBOWE
Oya popi kutya oshimaliwa shoomiliyona 11 shoka sha kuthwa kOkomisi yoSocial Security Commission (SSC) Development Fund mo 2016 nashi gandje owala uuwanawa kuyo.
Ongundu oya lombwele woo Utoni kombinga yuulingilingi tawu longwa mehogololo lyaamboka taya tumwa komadheulo, pethimbo Utoni a popitha ongundu yaanyasha mboka mEtitano.
Oya popi kutya aanysha yoomvula dhi po 20 otaya tumwa komadheulo ngoka.
“Omusimanekwa minista na yelithe kutya omolwashike omilandu dha lundululwa ngashiingeyi. Osha ende ngiini opo aantu yamwe mboka ya valwa momvula yo 1997 ya ye komadheulo ngoka. Omaudheulo ngoka hatse ga nuninwa nani mboka twa valelwa mekondjelomanguluko pondje yoshilongo?” gumwe gwomongundu ndjoka a pula.
Uutoni okwa pula aanona mboka opo ya gandje uumbangi kombelewa ye, mwaashoka taya popi, molwaashoka ine shi uva nale.
Omanyenyeto
Ongundu ndjoka oya gandja woo omukanda gwomanyenyeto gawo kUtoni, taya popi kutya oya kala ya unga oontanda okuza omvula yo 2008 he inaya mona iilonga sigo onena.
Oya tsikile kutya yamwe yomuyo oye na omaunongo ga yooloka miinima ya yooloka, onkene otaya indile epangelo li ya pe oompito dhiilonga.
Sho a tambulako omukandanyenyeto ngoka, Uutoni okwa popi kutya elelakano lyetalelepo lye kali shi oku uvanekela aanona mboka oompito dhiilonga, ihe okuuvako onkalo yawo omanga ina katuka oonkatu dhasha.
Uutoni okwa holola okuuva nayi kwe kutya, ope na yamwe po mboka ya li ya pewa iilonga ihe ya thigi po iilonga, ta popi kutya omukalo ngoka kagu li pauyuuki kepangelo.
Konima yoonkundathana ndhoka, omukwatakanithi gongundu yoSwapo, moshitopolwa shaShana, Samuel Nelongo, okwa pulwa kombinga yondando yiifuta yomeya poombelewa dhongundu pOkandjengedi, omolwa aanona mboka taya longitha okandjugo oshowo opomba yomeya.
Nelongo okwa popi kutya iifuta oyi li pombanda ta popi kutya kumwe kehe omwedhi ohaya futu oshimaliwa sha thika pooN$4 000, inamu kwatelwa olusheno.
KENYA KAMBOWE
Comments
Namibian Sun
No comments have been left on this article