Tribesmen a yamukula NSFAF
Ehangano lyoTribesman Investment, pamwe nehangano lyaSouth Afrika lyoNew Integrated Credit Solutions (NICS) oga nyanwa koshiputudhilo shoNamibia Students Financial Assistance Fund (NSFAF) sho ge shi pondola owala okumona oshimaliwa shoomiliyona 6.8 omanga ya futwa oshimaliwa shoomiliyona 14.7 onga oshitopolwa shetsokumwe lya nuninwa okugongela nokukongamo omikuli dhaNSFAF ndhoka dhiniwe koonakufutilwa omailongo koshiputudhilo shoka.
Tribesmen/NCIS oya kala ye na etsokumwe lyiifuta yuudha yokomwedhi ya thika pooN$287 500, mwa kwatelwa iishoshela yepangelo kwa gwedhwa natango okomisi yoopresenda 12 okuza omvula yo 2014.
Okwa li kwa tegelelwa opo Tribesmen/NCIS ya kongemo oongunga dhaNSFAF dha thika poomiliyona 400.
Solomon Nemaire, menindjela gwoVaino Nghipondoka's Profile Investment Holdings, ehangano emwayina noTribesmen Investment, okwa popi kutya okutala komwaalu ngoka gwa monika po oshi li kaashi li mondjila.
Nemaire okwa popi kutya Tribesmen/NICS oye na okondalaka yokugongela oongunga dhaNSFAF okutameka momvula yo 2014 molwaashoka oshiputudhilo shoka oshiwete kutya kashi na oonzo dha gwana opo shi vule okukonga oongunga dhoka shoshene.
Okwa popi kutya uupyakadhi oomboka kutya omulandu ngoka tagu longithwa koshiputudhilo shoka shoNSFAF mokugandja iimaliwa nokonima opo tashi dhimbuluka kutya osha pumbwa okukongako iimaliwa mbyoka.
Nemaire okwa popi kutya NSFAF ke na omulandu gwokumona ko iimaliwa ye mbyoka a gandja onga omikuli dhokwiilongitha, nokupopya kombinga yomwaalu ngoka a futu Tribesmen itashi wapala.
“Ekongo lyiimaliwa mbyoka itali pondola sha ngele kape na omulandu gwokukonga iimaliwa mbyoka, nonkalo kutya sho NSFAF a hala okugandja iimaliwa osho woo nakale a hala okukongako iimaliwa mbyoka,” Nemaire a popi.
Ngoka ta longo pehala lyomunambelewa omukuluntu gwoNSFAF, Kennedy Kandume okwa popi mOmaandaha kutya oya dhidhilike owala muMaalitsa nuumvo kutya etsokumwe lyawo pokati kaTribesmen/NICS itali pondola sha, na oya tokola okukutha oonkondo etsokumwe ndyoka momasiku 14 gaSepetemba.
Okwa popi kutya natango Tribesmen/NICS oya yi pondje okatopolwa ketsokumwe lyawo hoka taka indika ehololo lyomauyelele pokati kiiputudhilo mbyoka omanga pwaahena etsokumwe lyopamushangwa.
Momasiku 27 oshowo 28 gaMaalitsa nuumvo, Tribesmen okwa holola polweela omauyelele ga holekwa mushimwe shomiikundaneki.
Shoka osha etitha opo NSFAF a pule Tribesmen a kuthepo iifuta yokomwedhi mbyoka yomwaalu gwooN$287 500.
Nemaire okwa yamukula kutya NSFAF ina pumbwa okuholama konima yetsokumwe ndyoka ta popi kutya uuyelele mboka owu li muuwananwa woshigwana.
Okwa tsikile kutya konyala omapeko goonakupewa omikuli dhokwiilonga kuNSFAF yeli po50 000 kage na omauyelele ga gwana, ta gwedha po kutya NSFAF ota dhilaadhila kutya otashi ka pula omwaalu gu thike peni mokukonga omauyelele ngoka.
Kombinga yekutho po lyiifuta mbyoka yokomwedhi, Nemaire okwa yamukula kutya oye na etsokumwe ndyoka tali utha opo ehangano lyawo li futwe oshimaliwa shooN$287 500 komwedhi.
Okwa tsikile kutya oya holola kutya oya pyakudhukwa okukundathana okondalaka ndjoka, kwa gwedha kutya NSFAF ota tula miilonga omulandu gwokukonga oongunga ndhoka.
Kandume mOmaandaha okwa popi kutya okondalaka ndjoka kayi li muuwanawa waNSFAF nelelepeko lyawo kali li wuuwanawa woshigwana.
Okwa popi kutya ehulithepo lyokondalaka ndjoka otali holola kutya oshiputudhilo tali vulu okuhupitha oshimaliwa shoomiliyona 1.8 komvula.
Okwa pula woo oonakupewa ekwatho ndyoka ya shunithe iimaliwa yoshiputudhilo.
CATHERINE SASMAN
Tribesmen/NCIS oya kala ye na etsokumwe lyiifuta yuudha yokomwedhi ya thika pooN$287 500, mwa kwatelwa iishoshela yepangelo kwa gwedhwa natango okomisi yoopresenda 12 okuza omvula yo 2014.
Okwa li kwa tegelelwa opo Tribesmen/NCIS ya kongemo oongunga dhaNSFAF dha thika poomiliyona 400.
Solomon Nemaire, menindjela gwoVaino Nghipondoka's Profile Investment Holdings, ehangano emwayina noTribesmen Investment, okwa popi kutya okutala komwaalu ngoka gwa monika po oshi li kaashi li mondjila.
Nemaire okwa popi kutya Tribesmen/NICS oye na okondalaka yokugongela oongunga dhaNSFAF okutameka momvula yo 2014 molwaashoka oshiputudhilo shoka oshiwete kutya kashi na oonzo dha gwana opo shi vule okukonga oongunga dhoka shoshene.
Okwa popi kutya uupyakadhi oomboka kutya omulandu ngoka tagu longithwa koshiputudhilo shoka shoNSFAF mokugandja iimaliwa nokonima opo tashi dhimbuluka kutya osha pumbwa okukongako iimaliwa mbyoka.
Nemaire okwa popi kutya NSFAF ke na omulandu gwokumona ko iimaliwa ye mbyoka a gandja onga omikuli dhokwiilongitha, nokupopya kombinga yomwaalu ngoka a futu Tribesmen itashi wapala.
“Ekongo lyiimaliwa mbyoka itali pondola sha ngele kape na omulandu gwokukonga iimaliwa mbyoka, nonkalo kutya sho NSFAF a hala okugandja iimaliwa osho woo nakale a hala okukongako iimaliwa mbyoka,” Nemaire a popi.
Ngoka ta longo pehala lyomunambelewa omukuluntu gwoNSFAF, Kennedy Kandume okwa popi mOmaandaha kutya oya dhidhilike owala muMaalitsa nuumvo kutya etsokumwe lyawo pokati kaTribesmen/NICS itali pondola sha, na oya tokola okukutha oonkondo etsokumwe ndyoka momasiku 14 gaSepetemba.
Okwa popi kutya natango Tribesmen/NICS oya yi pondje okatopolwa ketsokumwe lyawo hoka taka indika ehololo lyomauyelele pokati kiiputudhilo mbyoka omanga pwaahena etsokumwe lyopamushangwa.
Momasiku 27 oshowo 28 gaMaalitsa nuumvo, Tribesmen okwa holola polweela omauyelele ga holekwa mushimwe shomiikundaneki.
Shoka osha etitha opo NSFAF a pule Tribesmen a kuthepo iifuta yokomwedhi mbyoka yomwaalu gwooN$287 500.
Nemaire okwa yamukula kutya NSFAF ina pumbwa okuholama konima yetsokumwe ndyoka ta popi kutya uuyelele mboka owu li muuwananwa woshigwana.
Okwa tsikile kutya konyala omapeko goonakupewa omikuli dhokwiilonga kuNSFAF yeli po50 000 kage na omauyelele ga gwana, ta gwedha po kutya NSFAF ota dhilaadhila kutya otashi ka pula omwaalu gu thike peni mokukonga omauyelele ngoka.
Kombinga yekutho po lyiifuta mbyoka yokomwedhi, Nemaire okwa yamukula kutya oye na etsokumwe ndyoka tali utha opo ehangano lyawo li futwe oshimaliwa shooN$287 500 komwedhi.
Okwa tsikile kutya oya holola kutya oya pyakudhukwa okukundathana okondalaka ndjoka, kwa gwedha kutya NSFAF ota tula miilonga omulandu gwokukonga oongunga ndhoka.
Kandume mOmaandaha okwa popi kutya okondalaka ndjoka kayi li muuwanawa waNSFAF nelelepeko lyawo kali li wuuwanawa woshigwana.
Okwa popi kutya ehulithepo lyokondalaka ndjoka otali holola kutya oshiputudhilo tali vulu okuhupitha oshimaliwa shoomiliyona 1.8 komvula.
Okwa pula woo oonakupewa ekwatho ndyoka ya shunithe iimaliwa yoshiputudhilo.
CATHERINE SASMAN
Comments
Namibian Sun
No comments have been left on this article