TransNamib ta pewa uusama omolwa omukalo ngoka a longitha
Okwa holoka omakuyunguto poombelelwa dhoTransNamib mOndangwa oshiwike shika sho aakongi yiilonga omayovi, ya li taya kondjele oompito dhiilonga dha thika po 40.
Ongundu yaanyasha oya mbombolokele koombelewa dhaTransNamib mOndangwa mEtiyali opo ya ka ninge omaindilo gooposa ndhoka dhiigithwa moradio.
Omaundulathano ngoka ga ningwa posheelo shoombelewa ndhoka otaga ulike nkene aakwashigwana ya sa ondjala yoompito yiilonga, moshilongo shoka shi na ondjele yaantu kaye na iilonga ye li po 43.4.
Omolwa ondjele yi li pombanda yokwaahena iilonga moshilongo, aantu oyendji oya kondema omukalo ngoka gwa longithwa kehangano ndyoka mokugandja oompito dhoka dhiilonga.
Ehangano ndyoka olya tseyitha moradio kutya otali kongo aantu ye li po 40 opo yaka longe kokondalaka yuule woomwedhi ndhontumba opo ya wapaleke elila lyeshina lyokolutenda lyoshinano shookilometa 315 pokati kOshikango noTsumeb.
Aanyasha omathele ya za miitopolwa yonooli yoshilongo oya gongala poombelewa dhoTransNamib mOndangwa taya kongo iilonga.
Oya lombwele oNamibian Sun kutya oya lala pomweelo gwoombelewa ndhoka ya na omukumo kutya ehangano otali ka longitha omulandu gwaangoka e ya po tango, ihe omolwa omwaalu gwaantu oyendji kapwa li elandulathano.
Aakongi yiilonga oya gandjele oombaapila dhawo momiyelo dha patwa kaanambelewa yehangano ndyoka oshowo oosekuriti, sha landula sho kansela goshikandjohogololo Ondangwa Urban, Elia Irimari a gandja omayele kaanambelewa opo kaya egulule omweelo ku kuyandwe omakuyunguto.
Nonando ongaaka aakongi yiilonga oya ka tameka taya umbile oombaapila dhawo dhomaindilo meni lyodhalate.
“Okugandja oompito dhiilonga to longitha omukalo ngoka epuko enene. Otwa li twa gandja omayele kuTransNamib opo ya ningile ekuto ndyoka moombelewa dhiikandjohogoloo ihe oya tindi molwaashoka oyali yahala omukalo gu ningwe pauyuuki.”
“Otwa taalela ondjele yokwaahena iilonga yi li pombanda mokati kaanyasha na otaya kambadhala okukonga ompito kehe taya mono,” Irimari a popi.
“Kombelewa yetu otu na omusholondondo gwaanyasha mboka kaye na iilonga ye li po 800, ngele oya li ya konga ekwatho kutse andola otwe ya yambidhidha owala.” Omunambelewa Omukuluntu gwoTransNamib, Johnny Smith ina vula okumonika a tye sha.
Kennedy Shikongo a za momukunda Uukwandongo popepi nOkahao okwa popi kutya konima nkene a kanitha iilonga omina moka a li ha longo omvula ya piti, sho uuvu onkundana ndjoka okwa yi kOndangwa opo a ka kambadhale elago lye.
“Onde ya potundi onti 03:00 yongula na onda a dha po aantu ya thika pe 100, kapwa li elanduathano kehe gumwe okwa hala iilonga,” Shikongo a popi.
Kliopas Kalenga a za mOndobe moshitopolwa shaHangwena, okwa lala mOndangwa e na omukumo kutya ota ka mona iilonga ihe okwa kanitha omukumo.
“Okutala komwaalu gwaantu, onda tindi okugandja oombaapila dhandje. Otandi umbu ngiini oombaapila dhandje momukalo ngoka, nokukala ndi na omukumo kutya otandi mono iilonga. Nguka omukalo gwa puka gwokukonga aaniilonga, omashendjo unene.”
Kansela gwoPopular Democratic Movement (PDM) mondoolopa yaNdangwa, Johnny Whiteman Martin, okwa popi kutya omukalo ngoka gwa longithwa kuTransNamib mokukonga aaniilonga ogwa puka noonkondo, na ogu li etukano enene kaanyasha yaNamibia.
Okwa popi kutya omukalo ngoka gwa longithwa kagu li palandulathano na ogu li woo ehepeko lyiimaliwa yaakongi yiilonga.
Okwa popi nguka ongundu yawo itayi popile omukalo ngoka gwa longithwa na oya hala elelo lyaTransNamib li gandje ombili, nokuningulula egandjo lyiilonga momukalo gwopaunambelewa.
Martin okwa gandja woo uusama kepangelo kutya otali ekele oonakuthiga po ooskola momapandanda omolwa ompumbwe yiimaliwa yokwiilongitha kwaamboka yahala okutsikila nomailongo gawo.
Endopo lyoshilongwa shelaka lyOshiingilisa mondondo onti 10 oshowo 12 oshimwe tashi fala pombanda ondjele yokwaahena iilonga.
Okwa pula opo ku kuthwe po elaka ndyoka molwaashoka omaithano agehe ihaga pula ontseyo yelaka ndyoka.
Momvula yo 2017, Namibia Statistics Agency (NSA) okwa tseyitha kutya ondjele yokwaahena iilonga oyi li poopresenda 43.4 mokati kaanyasha yoomvula 15 no 34.
ILENI NANDJATO
Omaundulathano ngoka ga ningwa posheelo shoombelewa ndhoka otaga ulike nkene aakwashigwana ya sa ondjala yoompito yiilonga, moshilongo shoka shi na ondjele yaantu kaye na iilonga ye li po 43.4.
Omolwa ondjele yi li pombanda yokwaahena iilonga moshilongo, aantu oyendji oya kondema omukalo ngoka gwa longithwa kehangano ndyoka mokugandja oompito dhoka dhiilonga.
Ehangano ndyoka olya tseyitha moradio kutya otali kongo aantu ye li po 40 opo yaka longe kokondalaka yuule woomwedhi ndhontumba opo ya wapaleke elila lyeshina lyokolutenda lyoshinano shookilometa 315 pokati kOshikango noTsumeb.
Aanyasha omathele ya za miitopolwa yonooli yoshilongo oya gongala poombelewa dhoTransNamib mOndangwa taya kongo iilonga.
Oya lombwele oNamibian Sun kutya oya lala pomweelo gwoombelewa ndhoka ya na omukumo kutya ehangano otali ka longitha omulandu gwaangoka e ya po tango, ihe omolwa omwaalu gwaantu oyendji kapwa li elandulathano.
Aakongi yiilonga oya gandjele oombaapila dhawo momiyelo dha patwa kaanambelewa yehangano ndyoka oshowo oosekuriti, sha landula sho kansela goshikandjohogololo Ondangwa Urban, Elia Irimari a gandja omayele kaanambelewa opo kaya egulule omweelo ku kuyandwe omakuyunguto.
Nonando ongaaka aakongi yiilonga oya ka tameka taya umbile oombaapila dhawo dhomaindilo meni lyodhalate.
“Okugandja oompito dhiilonga to longitha omukalo ngoka epuko enene. Otwa li twa gandja omayele kuTransNamib opo ya ningile ekuto ndyoka moombelewa dhiikandjohogoloo ihe oya tindi molwaashoka oyali yahala omukalo gu ningwe pauyuuki.”
“Otwa taalela ondjele yokwaahena iilonga yi li pombanda mokati kaanyasha na otaya kambadhala okukonga ompito kehe taya mono,” Irimari a popi.
“Kombelewa yetu otu na omusholondondo gwaanyasha mboka kaye na iilonga ye li po 800, ngele oya li ya konga ekwatho kutse andola otwe ya yambidhidha owala.” Omunambelewa Omukuluntu gwoTransNamib, Johnny Smith ina vula okumonika a tye sha.
Kennedy Shikongo a za momukunda Uukwandongo popepi nOkahao okwa popi kutya konima nkene a kanitha iilonga omina moka a li ha longo omvula ya piti, sho uuvu onkundana ndjoka okwa yi kOndangwa opo a ka kambadhale elago lye.
“Onde ya potundi onti 03:00 yongula na onda a dha po aantu ya thika pe 100, kapwa li elanduathano kehe gumwe okwa hala iilonga,” Shikongo a popi.
Kliopas Kalenga a za mOndobe moshitopolwa shaHangwena, okwa lala mOndangwa e na omukumo kutya ota ka mona iilonga ihe okwa kanitha omukumo.
“Okutala komwaalu gwaantu, onda tindi okugandja oombaapila dhandje. Otandi umbu ngiini oombaapila dhandje momukalo ngoka, nokukala ndi na omukumo kutya otandi mono iilonga. Nguka omukalo gwa puka gwokukonga aaniilonga, omashendjo unene.”
Kansela gwoPopular Democratic Movement (PDM) mondoolopa yaNdangwa, Johnny Whiteman Martin, okwa popi kutya omukalo ngoka gwa longithwa kuTransNamib mokukonga aaniilonga ogwa puka noonkondo, na ogu li etukano enene kaanyasha yaNamibia.
Okwa popi kutya omukalo ngoka gwa longithwa kagu li palandulathano na ogu li woo ehepeko lyiimaliwa yaakongi yiilonga.
Okwa popi nguka ongundu yawo itayi popile omukalo ngoka gwa longithwa na oya hala elelo lyaTransNamib li gandje ombili, nokuningulula egandjo lyiilonga momukalo gwopaunambelewa.
Martin okwa gandja woo uusama kepangelo kutya otali ekele oonakuthiga po ooskola momapandanda omolwa ompumbwe yiimaliwa yokwiilongitha kwaamboka yahala okutsikila nomailongo gawo.
Endopo lyoshilongwa shelaka lyOshiingilisa mondondo onti 10 oshowo 12 oshimwe tashi fala pombanda ondjele yokwaahena iilonga.
Okwa pula opo ku kuthwe po elaka ndyoka molwaashoka omaithano agehe ihaga pula ontseyo yelaka ndyoka.
Momvula yo 2017, Namibia Statistics Agency (NSA) okwa tseyitha kutya ondjele yokwaahena iilonga oyi li poopresenda 43.4 mokati kaanyasha yoomvula 15 no 34.
ILENI NANDJATO
Comments
Namibian Sun
No comments have been left on this article