Taya hupu nuudhigu
Aaniilonga mofaalama tayi adhika popepi noMururani moshitopolwa shaKavango West, oya popi kutya otaya futwa oondjambi dhili pevi noonkondo na ihaya pewa oondjambi dhawo pethimbo.
Mururani, otayi adhika oshinano shookilometa 130 okuza moRundu na kamu na oompito dhiilonga sho aantu oyendji mboka ye na iilonga momudhingoloko ngoka ongele aalongiskola nenge aapolisi mboka haya longele momudhingoloko ngoka.
Oompito dhiilonga ndhoka dhi li komudhingoloko ngoka iilonga yomoondunda dhomanwino, moostola nenge mofaalama.
Matias Tjimanya oshowo Mandume Paulus oya lombwele oNamibian Sun kutya, omudhingoloko gwawo ogu na ompumbwe dhoompito dhiilonga noopoloyeka dhomayambuepo.
Mboka yaali oye li aakalimo yomomudhingoloko ngoka pamwe noofamili dhawo uule woomvula hetatu ngashiingeyi.
Ohaya longo moofaalama dhopopepi moka haya tete iiti na ohaya futwa owala uuna iiti ya landithwa po kumwene gwofaalama.
Oya popi kutya omathimbo gamwe ohaya tegelele uule woomwedhi ne inaya mona oondjambi dhawo.
“Kamu na iilonga moMururani. Aantu mboka ye na iilonga na otaya hupu nawa aalongiskola mboka haya longo oskola moskola yomomudhingoloko oshowo aapolisi mboka haya longele pomweelo gwaMururani. Tse mboka inatu mona elongo oompito dhili po okulonga owala moofaalama.”
Paulus okwa popi kutya oshidhigu okusila oshisho ofamili ye unene sho heyi dhigipo uule woomwedhi opo a kalonge moofaalama.
Paulus okwa popi kutya oha kwata oshimaliwa shooN$800 komwedhi moka ha landa iikulya ye naambyoka tayi hupupo ohaye topola nofamili ye.
“Oto hupu ngiini moshimaliwa shooN$800, ngele owa landa iikulya yokulya mofaalama, ngoye natango owa pumbwa okugandja iimaliwa komukulukadhi gwoye opo a ka fute omeya nokulanda iikulya. Oshidhigu okuhupa,” Paulus a popi.
Tjimanya okwa ulukile oNamibian Sun nkene oonyala dhe dha mona iihuna kokuteta omiti, ta popi kutya ihaya mono epango lyongushu uuna ya monena iiponga milonga.
Paulus okwa popi kutya ope na ethimbo a li iitete nekuwa kompadhi namwena gwofaalama ine mu pa eyambidhidho lyasha.
Okwa popi kutya okwa ningi etokolo lyokushuna kiilonga nonando onkalo yiilonga oya nayipala sho a tip o hwepo molwaashoka oku na okupalutha ofamili, sho e na aanona ya ne oshowo omukulukadhi gwe.
Mboka yaali oya pula epangelo li gandje oompito dhiilonga kaakwashigwana taya popi kutya uuna aantu ye na iilonga nena itaya ka pumbwa okukala yiikolela mepangelo.
Ngoloneya gwoshitopolwa shaKavango West, Sirkka Ausiku okwa li a popi moshipopiwa she shopashitopolwa shonuumvo kutya ondjele yokwaahena iilonga moshitopolwa oya thikama pooresenda 33, omanga okwaahena iilonga mokati kaanyasha kuli popresenda 47.
KENYA KAMBOWE
Oompito dhiilonga ndhoka dhi li komudhingoloko ngoka iilonga yomoondunda dhomanwino, moostola nenge mofaalama.
Matias Tjimanya oshowo Mandume Paulus oya lombwele oNamibian Sun kutya, omudhingoloko gwawo ogu na ompumbwe dhoompito dhiilonga noopoloyeka dhomayambuepo.
Mboka yaali oye li aakalimo yomomudhingoloko ngoka pamwe noofamili dhawo uule woomvula hetatu ngashiingeyi.
Ohaya longo moofaalama dhopopepi moka haya tete iiti na ohaya futwa owala uuna iiti ya landithwa po kumwene gwofaalama.
Oya popi kutya omathimbo gamwe ohaya tegelele uule woomwedhi ne inaya mona oondjambi dhawo.
“Kamu na iilonga moMururani. Aantu mboka ye na iilonga na otaya hupu nawa aalongiskola mboka haya longo oskola moskola yomomudhingoloko oshowo aapolisi mboka haya longele pomweelo gwaMururani. Tse mboka inatu mona elongo oompito dhili po okulonga owala moofaalama.”
Paulus okwa popi kutya oshidhigu okusila oshisho ofamili ye unene sho heyi dhigipo uule woomwedhi opo a kalonge moofaalama.
Paulus okwa popi kutya oha kwata oshimaliwa shooN$800 komwedhi moka ha landa iikulya ye naambyoka tayi hupupo ohaye topola nofamili ye.
“Oto hupu ngiini moshimaliwa shooN$800, ngele owa landa iikulya yokulya mofaalama, ngoye natango owa pumbwa okugandja iimaliwa komukulukadhi gwoye opo a ka fute omeya nokulanda iikulya. Oshidhigu okuhupa,” Paulus a popi.
Tjimanya okwa ulukile oNamibian Sun nkene oonyala dhe dha mona iihuna kokuteta omiti, ta popi kutya ihaya mono epango lyongushu uuna ya monena iiponga milonga.
Paulus okwa popi kutya ope na ethimbo a li iitete nekuwa kompadhi namwena gwofaalama ine mu pa eyambidhidho lyasha.
Okwa popi kutya okwa ningi etokolo lyokushuna kiilonga nonando onkalo yiilonga oya nayipala sho a tip o hwepo molwaashoka oku na okupalutha ofamili, sho e na aanona ya ne oshowo omukulukadhi gwe.
Mboka yaali oya pula epangelo li gandje oompito dhiilonga kaakwashigwana taya popi kutya uuna aantu ye na iilonga nena itaya ka pumbwa okukala yiikolela mepangelo.
Ngoloneya gwoshitopolwa shaKavango West, Sirkka Ausiku okwa li a popi moshipopiwa she shopashitopolwa shonuumvo kutya ondjele yokwaahena iilonga moshitopolwa oya thikama pooresenda 33, omanga okwaahena iilonga mokati kaanyasha kuli popresenda 47.
KENYA KAMBOWE
Comments
Namibian Sun
No comments have been left on this article