Swartbooi a thigi po Swapo
Oshilyo shoSwapo shoka sha kuthwa momutumba gwopaliamende omasiku ga piti osha tseyitha eikutho lyasho okuza mongundu tayi pangele, nokweekelahi omapopyo kutya otashi toto po ongundu yopolotika.
CATHERINE SASMAN
Bernadus Swartbooi okwa ningi etseyitho ndyoka mEtine pomutumba gwiikundaneki ngoka gwa ningilwa moRed Flag Commando Hall moKatutura. Swartbooi okwa popi kutya ngashiingeyi ota kotha ta mbonyoka sho a kuthwa miilonga onga oshilyo shomutumba gwopaliamende shoSwapo.
Okwa tsikile kutya ekutho mo lye moPaliamende kashi shi oshinima tashi halutha kuye na okwa kala eshi tegelela nale.
Okwa nyana woo omapulo kutya otaka hupa ngiini sho a kuthwa mo miilonga.
“Onkamwenyo yandje otayi tsikile na otandi pandula aalanduli yoSwapo mboka ya kala nawa nangame muule woomvula dhoka.”
Swartbooi okwa popi kutya ota tsikile nokukondjitha uulingilingi nuukwamuhoko moshilongo.
Okwa nyana woo aniwa uukayamukulwa mboka tawu longithwa kongundu yoSwapo, nokukambadhala aluhe okumweneka mboka taya nyana omaihumbato omawinanyi niilonga yuulingilingi mokati kaakomeho yongundu ndjoka.
Okwa popi kutya uulingilingi otawu dhana onkandangala mongundu ndjoka, ta gandja oshiholelwa sho inaku tulwa miipandeko nando omuntu gumwe omolwa oomiliyona ndhoka dha kana mombaanga yoSME oshowo miiputudhilo yimwe.
‘Omauvaneko gaGeingob’
Swartbooi okwa popi kutya etidho lye olya hwahwamekwa sho a tindi okuzimina omauvaneko ngoka a kala ta ningilwa kaayambidhidhi yomupresidende Hage Geingob omolwa okongressa yongundu ndjoka yi li ko nuumvo.
Okwa popi kutya Geingob okwa kala ta pula opo ya ninge naye omutumba muule woomwedhi ne dha piti, ta popi kutya ote mu pe onkatu yuuminista ngele okwa lwitha Omukwatakanithi gwoSwapo, moshitopolwa shaShikotoArmas Amukwiyu, omunangeshefa Lazarus Jacobs oshowo Desmond Amunyela nomuleli gwoSwapo, Kazenambo Kazenambo.
Swartbooi okwa popi kutya okwa tindi omauvaneko ngoka na okwa talwako onga omukolokoshi kelelo lyongundu ndjoka. Omupopiliko gwOmupresidende Albertus Aochamub ina yamukula komapulo ngoka a ningilwa.
Aahwahwameki yiikumungu yoshigwana yalwe ngaashi Henny Seibeb oya popi kutya nayo otaya thigi po ongundu nokwiitula mo miilonga yehwahwameko ndyoka, mbyoka ya kwatela mo okupopila egandjo lyevi lyuuthiga momake gaamboka ya kanitha evi lyawo.
Ehwahwameko lyoLPM olya popi kutya otali ka kondjitha uulingilingi, uukwamuhoko nomikundu dhilwe dha taalela oshigwana.
Bernadus Swartbooi okwa ningi etseyitho ndyoka mEtine pomutumba gwiikundaneki ngoka gwa ningilwa moRed Flag Commando Hall moKatutura. Swartbooi okwa popi kutya ngashiingeyi ota kotha ta mbonyoka sho a kuthwa miilonga onga oshilyo shomutumba gwopaliamende shoSwapo.
Okwa tsikile kutya ekutho mo lye moPaliamende kashi shi oshinima tashi halutha kuye na okwa kala eshi tegelela nale.
Okwa nyana woo omapulo kutya otaka hupa ngiini sho a kuthwa mo miilonga.
“Onkamwenyo yandje otayi tsikile na otandi pandula aalanduli yoSwapo mboka ya kala nawa nangame muule woomvula dhoka.”
Swartbooi okwa popi kutya ota tsikile nokukondjitha uulingilingi nuukwamuhoko moshilongo.
Okwa nyana woo aniwa uukayamukulwa mboka tawu longithwa kongundu yoSwapo, nokukambadhala aluhe okumweneka mboka taya nyana omaihumbato omawinanyi niilonga yuulingilingi mokati kaakomeho yongundu ndjoka.
Okwa popi kutya uulingilingi otawu dhana onkandangala mongundu ndjoka, ta gandja oshiholelwa sho inaku tulwa miipandeko nando omuntu gumwe omolwa oomiliyona ndhoka dha kana mombaanga yoSME oshowo miiputudhilo yimwe.
‘Omauvaneko gaGeingob’
Swartbooi okwa popi kutya etidho lye olya hwahwamekwa sho a tindi okuzimina omauvaneko ngoka a kala ta ningilwa kaayambidhidhi yomupresidende Hage Geingob omolwa okongressa yongundu ndjoka yi li ko nuumvo.
Okwa popi kutya Geingob okwa kala ta pula opo ya ninge naye omutumba muule woomwedhi ne dha piti, ta popi kutya ote mu pe onkatu yuuminista ngele okwa lwitha Omukwatakanithi gwoSwapo, moshitopolwa shaShikotoArmas Amukwiyu, omunangeshefa Lazarus Jacobs oshowo Desmond Amunyela nomuleli gwoSwapo, Kazenambo Kazenambo.
Swartbooi okwa popi kutya okwa tindi omauvaneko ngoka na okwa talwako onga omukolokoshi kelelo lyongundu ndjoka. Omupopiliko gwOmupresidende Albertus Aochamub ina yamukula komapulo ngoka a ningilwa.
Aahwahwameki yiikumungu yoshigwana yalwe ngaashi Henny Seibeb oya popi kutya nayo otaya thigi po ongundu nokwiitula mo miilonga yehwahwameko ndyoka, mbyoka ya kwatela mo okupopila egandjo lyevi lyuuthiga momake gaamboka ya kanitha evi lyawo.
Ehwahwameko lyoLPM olya popi kutya otali ka kondjitha uulingilingi, uukwamuhoko nomikundu dhilwe dha taalela oshigwana.
Comments
Namibian Sun
No comments have been left on this article